每次一考完試，特別係有MC卷嘅科目，通常唔洗兩粒鐘就會有唔同嘅「名師」將佢哋認為啱嘅答案同咁多位考生分享。而作為應考生，當然唔會執輸，即刻對下答案睇下自己啱幾多題啦。但喺呢種行為其實有機會為你帶黎唔同嘅負面影響！
毫無意義
你睇完對完答案，知道自己啱哂又點？錯咁又點？雖然未必啱聽，但一切已成事實，根本無機會比你翻轉頭。
影響之後嘅表現
你對完見到啱哂就話值得高興姐，但假設你對完發現錯咗D唔應該錯嘅嘢，唔單單會令你士氣低落，更加會不段令你回想翻果陣考試嘅情況，大大減低你之後溫書嘅效率！
咁即喺點都唔好對答案？
未考完之前的話—係！但考完後我又覺得不妨花少少時間對下答案，等自己可以大約估下出嚟嘅成績，相信都會有助你喺係放榜前去計劃一下JUPAS嘅排序！
總結
考緊DSE果陣，無論咩科都好，儘量唔好參與任何試後討論，因為咁樣唔單單對你之後要考嘅科目毫無幫助，更加有機會影響你嘅心理質素、影響考試表現。最後想送比大家呢一首歌—「Let It Go!」，希望大家可以冷靜、沈著面對剩低嘅考試！
