一聽到Probability就即刻驚做驚？！之後就唔想做？諗都唔想諗？其實你越係驚就越要面對！ 係Probability(概率)入面成日都會出呢類型嘅問題，而一般黎講概率題你只要諗啱條式再㩒機，基本上係秒出答案。今次就想教大家從另一個角度去思考呢類型概率題目！ 題目 而家係一個籃入面，有15粒紅波同10粒藍波，而家會係籃入面隨機抽3粒波，咁至少抽中1粒藍波嘅槪率係幾多呢？ 正常做法 上面呢條有唔少同學會列哂唔同符合題目要求嘅情況出嚟先： i) 2🔴1🔵: (15/25)(14/24)(10/23)*3 = 21/46 ii) 1🔴2🔵: (15/25)(10/24)(9/23)*3 = 27/92 iii) 3🔵 = (10/25)(9/24)(8/23) = 6/115 再分別就住以上三種情況遂個計翻個概率出黎，再將3個數字加埋，你會得出 P=369/460呢個答案。 逆向思維 但呢條問題其實你可以掉翻轉諗，「至少抽中1粒藍波」嘅相反即係「一粒藍波都抽唔到」，即係「三粒都係紅波」。 P(三粒都係紅波) = (15/25)(14/24)(13/23) = 91/460 因為P(三粒都係紅波)+P(至少一粒係藍波)=1, 所以： P(至少一粒係藍波) = 1 - 91/460 = 369/460 同上面嘅答案一樣。 你見到兩個方法黎講，講運算一定係下面少啲。但又唔係話所有概率題都啱用，你可以留意下「最少」、「最多」、「At Least」、「At Most」呢啲字眼，再決定要唔要從呢個方向去思考！ 想學識更多 Probability嘅小秘技？介紹比你！ 三小時助你精通 Probability 概率思維！
