「死啦！唔記得今日默書啊！點算好啊？」相信唔少同學一定有試過咁嘅情況。係呢種情況下，點樣可以令自己儘快記住默書內容呢？
方法一（適合以文章形式背默的內容）
不論是英文，還是中文（白話或文言文）最緊要先睇一次內容（尤其係文言文），好多人默書會選擇死背爛背，默嘅時候又會突然唔記得自己背過啲咩，最終出黎嘅成績......
係呢啲情況下，如果你默書嘅內容係一篇文章，你可以先理解一下文章內容，將文章或者故事睇一次。大概記住文章内容，咁你默書嘅時候，就大約憑你記得嘅故事內容寫，咁最少就成功咗一半架啦！
當然，如果理解完文章內容後仲有少少時間，就攞枝螢光筆出黎，highlight翻一啲重要嘅專業名詞/動詞/形容詞，令自己對文章印象更深刻，等你默書嘅時候最起碼唔洗眼望望！
方法二（針對默英文生字）
許多時候，老師總會揀一大堆英文生字作為背默內容，如果係默書個日先記得要默，相信好多人會背到崩潰。係呢種情況下，就唔好死記住啦，分咗類先啦！
同學仔可以根據英文生字嘅首個字母，以a-z進行排列。咁講可能同學仔唔係好明，咁我就舉個簡單嘅例子啦！
例如你默書嘅生字有accelerate、zaftig、traceable、macaroni、laudable...
你就可以將佢地咁樣分類先：
accelerate
laudable
macaroni
traceable
zaftig
然後就可以跟順序數返以字母a開首嘅生字有1個、以字母l開首嘅生字有1個...如此類推。排列之後先再記內容咁就可以更快速有效咁記默書內容啦！