一年容易又暑假，成日話自己成績差追唔上進度，你又有無諗過原來識得善用暑假，可以幫你短時間內脫胎換骨，極速進步？今日我就會分享一啲溫習常犯錯誤同時間管理心得，幫你用呢個暑假追翻上年進度之餘，仲可以有多餘時間操paper！ Tip#1 提前做好學習規劃 好多同學都缺乏咗一個良好嘅學習規劃，每次都係盲目溫習，坐低諗起咩就溫咩。但原來咁樣溫習無系統之餘，仲要無效兼晒時間！ 如果你可以提前諗清楚自己每科嘅學習進度同目標，以及研究清楚自己需要做啲咩先可以達成你心目中嘅目標，再有策略地去進行學習規劃，一步步寫低各科嘅具體溫習方法，我保證你嘅溫習效率比起你「求其拎起本書就溫」會有效得多！ 想知道世界頂尖大學嘅學生，點樣用十五分鐘去進行學習規劃並輕鬆升兩個grade？即刻㩒呢度睇睇喇！ Tip#2 識得安排時間會有效得多 突然想溫就溫，溫兩分鐘見悶又放低碌下IG先？大佬咁樣溫書點得㗎！放緊暑假唔想太chur絕對明白，但而家唔係叫你要日溫八個鐘，你認真嘅每日溫四個鐘都好夠，但大前提係呢四個鐘要夠集中！唔係隨隨便便溫一陣hea一陣！ 呢度建議你可以每晚預先安排好第二日要幾點溫書、溫幾耐、溫啲咩，最緊要係計劃埋幾時玩、幾時放鬆！一開始唔想太chur一日溫足六、七個鐘？唔緊要！你可以先試下每節溫半個鐘到一個鐘，節與節之間留有適當時間去休息，目標先係每日前後共溫兩到三個鐘，試行一星期再按照自己嘅習慣去作出調整！ 有關具體時間管理嘅方法可以參考下18 DSE七科5**狀元嘅時間管理法！ Tip#3 善用網上資源高效學習 學校要補課果啲就無得講，焗住要你走嚟走去。但如果你識用網上資源，唔單單可以幫你學嘢，仲可以慳翻好多時間！（例如你睇緊呢篇文） 除咗YouTube呢啲免費平台外，AfterSchool本身都有由各科資深導師製作嘅DSE網上課程，報完名收到筆記就可以隨時隨地上堂～想試下先？入面仲有好多免費DSE課程可以比你任用任上～ 總結 記住！溫習只要溫得有策略同有效率其實唔需要溫太耐，保證你可以享受暑假之餘仲可以保持住學習狀態，keep住進步！
