狀元教你考好DSE英文四卷——高中篇

高中讀英文應該功利啲啦，以考試為主🤭 應該點功利法？等Monica幫你拆解英文四大卷，解答多個迷思，等你都可以成為犀利過啲Native嘅DSE英文卷玩家！ Paper 1：Reading 建議多操多練 應該操乜練乜？ DSE卷要操就不在話下～ A-Level 操黎訓練語感 （留意！不宜操練太多，難度同DSE差距太大） CE 都要操！CE Reading 值得用黎訓練基礎理解能力同了解考評局嘅套路 知己知彼先可以百戰百勝～ 先用AL 提升自己層次，再用CE深入敵陣了解考評局內心😍 Reading 5**握在你手中 Paper 2: Writing 多背sentence structures同vocab 集中操練論說文 Descriptive writing出現機會極微，所以知道一啲 descriptive writing 嘅 技巧 同 字眼 就可以了， short story更加好少直出。 操練論說文技巧 1. 搵出經常都可以用到嘅 Sentence structure 例如你舉例子嘅時候就用Speaking of (sth), XXX 例如： may spring to mind/Recent studies conducted by XXX (an organization) has unmasked the fact that SVO/Say XXX and YYY, they are striking illustrations of (sth). 2. 用更好嘅字取代經常使用嘅字眼 從自己嘅文搵出一D經常用到嘅字眼，然後再搵佢嘅同義詞，去豐富你嘅詞庫，避免係同一篇文反覆用同一個字！ 用多個唔同嘅Vocab可以增加你篇文嘅深度之外，同時show off 比marker睇你嘅詞彙嘅多樣性。 例如： in Hong Kong，你可以話 In the territory/in the city of splendor and luxury/in the hustle-and-bustle city of Hong Kong 盡量將平時最經常出現嘅詞彙upgrade成更加advanced嘅詞彙，咁就更加容易學以致用，用最小嘅成本換取最大嘅成果。 仲想進步得快啲？都可以搵關於常見topic嘅文然後背左D經常可以用到嘅字句。 例如： spoon-feeding education/rote learning/stress/teenage issues/technological advancement/globalization 大家都可以製作一本係屬於自己嘅Vocab Book Paper 3: Listening 建議記文體同寫short form Listening part A Part A黎講都無咩特別，主要就係靠聽英文嘅能力同抄寫速度。所以大家可以練習速記，例如用 Ss取替students，節省mark答案嘅時間，準確記低每個答案，再稍後整理。 Listening part B 其實listening part B 我都係中六前暑假先開始操。最重要都係time住做，做多啲。 我自己係會將每個文體（formal or informal email/letter of complaint/feature article/advice page）分類，然後歸納出每個文體嘅common introduction/ending paragraph同常用字眼，咁樣至少一拎到分卷已經知道要做D咩，節省思考開頭同結尾嘅時間。 另外透過操卷你會發現考評局D套路，用data file都會更加熟練，組織篇文同語境意識都更加準確。 Paper 4: Speaking 記住要有 topic sentence，elaboration 同 summary 同作文大同小異，最重要係練習組織／技巧同流暢度，詞彙既複雜性就係錦上添花。 最緊要係要有清晰嘅回應，transition，然後就係自己嘅 topic sentence仲有elaboration，知道點樣取悅marker自然唔難高分。 值得講嘅太多，好難三言兩語講清楚，有興趣可以睇下我嘅5** Oral Course，用90分鐘入面我會教晒你所有必學嘅Oral Skills！好多同學上完都話即刻用到兼升分！ 高中讀英文就要開始chur啦，無論喺邊一份卷都好，都要多操多練，千其唔好將啲野堆啲野唔背，要背嘅野每日續啲續啲咁清，多咗啲pattern，vocab喺個腦，咁樣面對英文都冇咁驚啦=)

狀元教你考好DSE英文四卷——高中篇

下載AfterSchool

追蹤AfterSchool