DSE考生必看！如何整理學習材料？
1️⃣教科書、學校筆記
佢應該係你成個温習計劃中第一樣應該清嘅資源。尤其係理科、商科更應花時間將成套教科書認真熟讀一次 （甚至順便背誦definition) 。因為喺學校讀過有哂印象再重温一次係簡單好多同更加易入腦，如果你地學校唔用教科書就盡量係七月清哂所有學校資源先，對你將要温嘅課題打番個根基先，例如中文就睇番範文+分析，英文就學校啲vocabulary list等等。
2️⃣學校功課、測驗、考試
好多人忽略左呢啲你已經做過嘅練習，我覺學校功課、考試應該同筆記分開一個file裝。並且係温完教科書一課嘅時候睇番嗰課自己做過嘅功課，温番自己以前錯嘅concept同中伏位。而温完一個學期嘅課題時就睇番嗰個學期嘅考試卷將重點寫入自己嘅筆記。
3️⃣補習筆記
如果係大型補習社嘅話大家都知道份筆記有幾厚而實際講過嘅係幾少，我建議大型補習社嘅筆記可以排係學校資源後温，慢慢用多啲時間刨，以補充教科書無嘅知識，但係唔洗每次逐頁睇哂。第一次睇係速讀，mark低邊幾頁嘅資料係有用，尤其是學校講漏左嘅位置（可以用顏色紙黏係上面），第二次再精讀mark低左嘅頁數。
4️⃣坊間練習/ mock，補習練習
好多人無諗過要做坊間練習，但係佢地其實係填補左操完By topic同做DSE PP之間嘅空隙，呢啲練習要做其實越早做越好（大概8月頭温完學校資源開始做，甚麼中五開始做），一黎你可以了解到好多伏位，二黎可以鞏固番啲concept。對咩科嘅練習有興趣要推介嘅可以問番我，例如數學Joint Us (藍盾)、Chem 1000、Physics Radian等等都係值得一做。
另外補習比嘅練習應該同坊間練習差唔多時間做，好似YX啲mock，Kxxxx Lxx啲書後練習嗰啲建議係上完堂之後做少少refresh下記憶，剩多啲比你温完個syllabus先一次過做。至於啲mock paper就可以開學後先做。
5️⃣CE/DSE Past Paper
我知有好多學校係中五開始已經比左各位好多Past Paper去做，但建議大家到最後三、四個月前都唔好做DSE住，係暑假做住CE先，部分科可以做一啲By topic嘅AL（例如Chem)。應是在暑假温完教科書/在温教科書途中跟據温習嘅次序做By topic CE，有啲比較唔熟嘅課題可以做先。有啲比較簡單/短嘅課題可以揀跳題做，但唔好唔做，一定要對題型有基本嘅掌握。當你將每個By topic嘅CE都做一次後可以開始做By year paper（最好係教哂課題後），Electives可以跳住唔做先。你會見到好多熟悉嘅題目，係一個好機會比自己再將model answer更深刻記係腦入面。做完一份By topic一定要記model answer！至於由邊年做起其實好睇個人，我自己由每科2000做起，都已經好足夠。
