成日好眼訓點算好？
上堂訓、落堂繼續訓～就算不斷訓，都係不斷眼訓
究竟點算好？好似就算提升Quantity都冇用😭
其實就算你Quantity點提升都好，如果你冇Quality，訓幾多都冇用
今日就傳授三項提升睡眠質素嘅方法！等你唔洗日訓夜訓都咁鬼眼訓：
1. 訓前一個鐘唔好掂3C產品
3C 即係Computer, Communication Devices, Consumer Electronics 產品包括：電話📲、電腦💻、電視📺等等⋯⋯依啲產品嘅mon所發出嘅光，會令大腦以為依家仲係日頭，而擾亂褪黑激素（話俾你身體知係時候訓覺嘅激素嘅分泌），令你難以入睡🤕 所以，習慣訓前攤係床上面篤機嘅你哋，好戒咗上面呢個壞習慣啦！
2. 睡前6小時避免攝取咖啡因
如果你十一點訓嘅話，記得係五點之後就唔好再飲咖啡喇❗️
研究顯示，100mg嘅咖啡，會喺六個鐘之後先踏入半衰期（即係代謝咗一半）📉咁相信大家都知道，咖啡因會令你嘅心情亢奮、心跳加速💓於是想瞓都好難呀！身為亞洲人嘅我地，相比起西方人，我哋代謝咖啡因嘅速度更加係比佢哋慢😖
如果你有晏晝飲咖啡嘅習慣，夜晚又好難先瞓得着嘅話，可能就係咖啡因作怪👻
你可能會諗：「我平時唔飲咖啡，所以瞓唔着覺應該唔係因為依個原因🧐」咁就錯喇！咖啡因其實無處不在——濃茶🍵、朱古力🍫、能力飲品（如monster、redbull）都含有咖啡因😰夜晚好難瞓得着嘅你哋，請檢視一下自己嘅飲食習慣，留意唔好攝取過多嘅咖啡因❗️❗️
3. 作息定時
唔知你係咪嗰啲平日返學早睡早起，一到放假就瞓到黃朝白晏嘅人？我之前都會咁，搞到mess up曬自己嘅bioclock，夜晚難以入睡，朝早又會賴床😫之後發現，fix咗一個入睡同起身嘅時間可以令個身體係應該瞓覺同起身嘅時候switch去合適嘅mode，令你更易入睡，朝早亦冇咁容易賴床🤭
正所謂「休息是為了走更長的路」，有好嘅睡眠質量喺好重要㗎！試下以上依三種辦法，咁就可以令溫書嘅時候更加精神🤩🤩🤩
