英文綜合點搵point？ 好多人都唔識英文綜合點搵point，成日攞唔到重點或者抄唔切，但偏偏point就佔好多好多分，英文幾好都救唔到。 今日就由做完聆聽開始每個階段教你點搵綜合嘅point！睇完之後，綜合滿分不是夢～ 1️.做完聆聽 我個人習慣一路聽一路將答案好求其地抄係啲邊位，因為我唔洗介意啲字體，最後佢話check答案嗰一兩分鐘時再順便check埋啲tense, plural先抄落答案線上面，如果大家字體唔太好可以考慮都咁做。所以我做曬聆聽後冇好多時間去睇定綜合。如果你地check答案後好多時間淨，絕對建議你地睇定綜合先都得。 2️.播緊音樂做乜好？ 好多人教話睇B1剔走啲point，但我自己覺得唔太有用，因為你都唔夠膽聽都唔聽。最理想都係睇番B2嘅page 1(假設你做B2)。 我個人嘅preference就係用三色瑩光筆❤️💛💙，每隻色俾一個task，紅色俾task 1，黃色俾 task 2， 藍色俾 task 3 ，以後同嗰個task有關嘅就永遠用番同一隻色。睇定page 1用番嗰隻顏色間翻所有佢嘅指引例如文體、要睇嘅source等等，分三色間完成篇Page 1就差唔多開始播錄音。 3️.播錄音 係錄音嗰版用瑩光筆間定邊個topic for邊個task，小心有啲一個大題目俾兩個task，就算覺得無用都要聽番幾句係咁依寫下，廢時呆左miss下一個task，記得聽實啲地點、日期、人名等等。 試下好似樹枝圖咁抄，分point寫topic後細分sub-point咁聽到時地人事或者reasons, details等字眼就要加倍留神啦。如果手速夠快可以聽到咩抄咩，唔洗介意好潦，到最後聽完先用三色瑩光筆間番邊啲point真係有用。 4️.做綜合 唔好唔記得睇成份卷第一版！！ 好多時候都有講task嘅背景（人名、職位、機構等等)，睇番guidance page好多時候都有分三段，一開始拎定支粉紅色瑩光筆係第一段間低佢要你做嘅野，一路掀下後面啲task睇下邊個data file係關事嘅。最好寫個數字係每個data file隔黎標明每個data file用係邊度。通常每個task都有一個❗️主題❗️，例如討論某一個活動細節、回應某封投訴信、準備某開幕禮speech等等，而嗰個「某」就係你第一件要係guidance page揾嘅資料，通常會係成段第一、二行例如2018年task 8叫你比較Gameztart同Acorn Grant，揾完呢啲關鍵字眼即刻係 data 間返呢個字眼有關嘅嘢前一句至後一句關事嘅重點。 5. 搵細 Keypoint 繼續睇guidance page，睇完❗️主題❗️之後去下一句，撇除哂咩is, the, of嗰啲廢字好快揾到佢真係要你寫嘅細節，而呢啲細節通常係一啲比較準則或者係需求黎嘅，例如2018嘅advantages, disadvantages, what we’ve decided, what we need等等，留意好多時候❓疑問詞❓(what, why, when)、專有名詞(人名、地名、活動名、時間、⭕️數字⭕️等）後都係你要寫嘅細節，有時唔一定係exact wording，但都係細節嘅內容，好似cost係disadvantage嘅一部份、而competition嘅date都係what we’ve decided嘅一部分，自己衡量下。有時guidance page會refer去另一個data詳細講嗰個task要做嘅野，係嗰個data做番一樣野就可以。 6. 最後一個 Task 由頭到尾睇哂你mark過task 8嘅data file間哂要抄嘅資料（記得間埋listening嗰版！)你應該半本data file係紅色嘅，即刻拎左黃色highlighter重覆睇guidance page間要抄資料嘅步驟，你應該少左好多野睇因為間左紅色筆嗰啲唔洗睇，一直間完task 3就可以開始無腦照抄啦！記得轉到啱grammar ！
