常言道：既然不能改變現實，就要學識享受它！好多人成日怨平時學校好多測驗， 以下 @smarkle.dse 就有唔同嘅睇法啦！
身邊好多底線戰士臨考試先黎抱佛腳。
講到deadline fighter，我身邊的確有朋友可以次次喺考試之前chur幾日、爆下seed就得到不錯嘅成績。嗱，羨慕喺梗嘅🤧但係，係咪個個都可以做到佢哋咁呢？佢哋幾日cram入去嘅嘢，又可唔可以持續到DSE？如果你話：「喺啊持續到㗎。」我
喺度講聲恭喜曬，因為你可能喺天選之子，骨骼精奇，百裏挑一，你可以唔洗睇依個post喇😂仲睇梗嘅，我估你同我一樣係正常人，咁就同大家講下‼️點解校內啲測驗同考試咁重要‼️
1️.逼自己定期複習
以中文為例，我讀書嗰陣每教完一篇範文就會有默書同測驗。有啲同學根本不痛不癢，覺得炒曬唔準備都冇問題，考試再溫都唔遲。但係，我基本上90%嘅默書測驗都會「不同程度地努力」，至少要求合格✅ 咁樣就可以趁剛教完仲記憶猶新嘅時候重溫，令印象更深刻，又逼到自己定期溫書，一舉兩得，唔駛到考試嘅時候一次過好痛苦咁溫曬3、4課（甚至更多）。
2️.自我檢測
通常啲測驗嘅考核範圍比較少，咁樣就可以更加針對性咁溫某啲課題，當你發現自己溫咗好耐都係考唔好，一係就可能你讀書方法錯，二就或者你對依課有好多誤解或者讀得唔通透，咁樣你就知道要改變下溫習策略（例如操多啲paper）或者向人請教喇！
3. 減少大考前夕嘅壓力
依個係真嘅😂相信大家都有試過大考前好多書溫極都溫唔曬嘅恐慌同埋無力感🤕最好嘅解決辦法就喺keep住耐唔耐溫啲溫啲，到時就輕鬆得多喇～
要準備考試測驗，有好嘅Time Management 都好重要！好多人溫唔切書都不外乎一個原因！就係！有！拖！延！症！想脫離拖延症苦海？
