神奇五感溫書法!幫你提升兩倍記憶力!

神字神技 Billy Sir
神字神技 Billy Sir 2020-1-22 2,706

想英文作文進步,知道自己就係差咁啲Vocab但係唔識得入手?聽聽擁有神字神技嘅Billy Sir有乜技能可以傳授比你啦!

 

神字神技:Collocations

點樣背 Vocab 先唔會亂⽤?先唔會⾛⽕⼊魔?我諗呢個係好多⼈都會問嘅問題?

我嘅答案係︰搞好啲Collocations 

「⾞,咁多邊有可能記得哂。」你可能會咁講,的確你冇可能記得哂所有字,畢竟字係無窮無盡嘅,但你可以盡量記住⾃⼰學左邊隻字,令自己更有信⼼使用果隻字

 

係日常生活入手,提升用新Voacb嘅信心😍

最 ideal 嘅⽅法當然係瘋狂作⽂然後搵⼈改啦,甚⾄好似我以前咁有個⼈同我逐句逐句研究。

 

但係呢種⽅法要搵⼈/上堂,咁如果得自己一個果陣點算好呢

最好就係係⽇常⽣活中講完某啲中⽂之後,玩味地補個英⽂翻譯⽐佢。 

如果隻字⽤得唔舒服/冇信⼼嘅, 就查字典搵例句, 對⽐下你果陣⽤果個 Collocation 啱唔啱。如果你鐘意呢種玩嘅⽅法黎背字,咁你就會好快好開⼼咁養成⼀個好⼤好勁⽽ 且⽤到嘅 Vocab Pool。

 

日常對話?用Chinglish不如用深Vocab

更進⼀步,最好就有埋三五知⼰,⼀⿑ WhatsApp 果陣,係想打個 Chinglish 黎代替左個深字嘅時候~停一停、諗一諗!故意打個深字落去。遇到邊個字難翻譯就去查,咁就可以不斷複習同學習新字啦!

 

「佢唔肯咁喎咁點呀?」咁你咪單⽅⾯出字囉。「佢笑我喎🥺」咁嘅話得兩個情況,⼀係你啲字唔夠深佢未體會到你對背字嘅熱誠,⼀係佢就係損友。

 

我舉個例:

 

  • 假如你想打「ho wut gay ah/好屈機呀」,你可以考慮下寫「Ho overwhelming ah」。

  • 如果你想打「ai kui ho fan ar/唉好煩 ar」,你可以考慮下寫「Alas, so disturbing lor。」

 

唔⼀定要岩 grammar,你要保住 WhatasApp 個 informality,但我想你試嘅係,換左啲字做深字,感受⼀下背字 嘅玩味同樂趣。

 

幾時用WhatsApp練,幾時用字典要清楚!

⼀般黎講記 Vocab 同⼀個意思唔會太多同義詞。但某幾個嘅字collection特別多,

例如:important系列, 是但舉都⼗幾隻, 每隻都有唔同程度/⽅⾯嘅「重要」。 Essential 幾時⽤?Pivotal 幾時⽤? Instrumental 幾時⽤?呢啲collocation 需要⾮常深⼊嘅研究。

關於呢 d 唔可以係 whatsapp 練番黎要 靠研究字典嘅 collocation 系列,我加左其中兩個(Important 同 Famous)係我嘅「5**⽂筆制霸實戰現場<2>」⼊⾯⽐⼤家試試呢種教學法。

 

5**⽂筆制霸實戰現場<2>

之後,我會開 Course 專教 Collocation,裏⾯會有 confused、 problem、tackle 等多個系列。希望呢種教學法可以幫到⼤家分清每個系列各⼗幾廿幾隻字嘅唔同意思。每個字會跟埋我親⾃寫嘅實⽤例句,等⼤家都可以有⼀本精華無誤嘅筆記去背,避免任何⾛⽕⼊魔嘅情況。

即刻睇埋 Billy Sir Collocation 研究院〈1〉  

 

 

***小編私心介紹「溫書好地方

唔知大家對溫書嘅環境有冇要求呢?小編自己就幾高要求嘅!想當年,為咗享受一個安靜舒適嘅溫書環境,小編真係行遍港九新界。

不過大家唔使學小編周圍走啦,因為你哋好好彩,小編近排發掘到一個非常正嘅溫書地方,準備同大家開心 share 下!(慳翻啲時間溫書啦~)

除咗去圖書館自修室、cafe 之外,大家其實可以去 focus 溫書!focus 位於旺角彌敦道,交通位置非常方便。除咗基本設施同服務 (e.g. 無限 Wi-Fi、獨立充電位),佢哋仲會提供打印服務、零食、飲品同埋即磨咖啡!呢個共用空間為大家喺旺角鬧市入面,提供一個寧靜嘅空間集中工作、自修,又或者放鬆休息下

P.S. 佢哋而家做緊「首次體驗優惠」,平時仲有學生優惠,價錢非常抵,大家真係要去試下!(詳情可以去 focus 官網睇睇)


獲取首次體驗優惠

免費 DSE 電子報
定期為 30,000+ 中學生送上實用 DSE 資訊和資源
神字神技 Billy Sir

神字神技 Billy Sir

生字幫你恃勢凌人 作文以後一鳴驚人