當人地都係度為考好成績而不停盲目操卷之際，你有冇諗過英文成績好，係咪就真係等於英文好呢？呢位作者就認為要考好英文，先要真心想學好英文
究竟佢有乜學習英文心得？一齊黎睇下啦！
1️.唔好買生字簿，而要自己整
用中英對譯、人地幫你整理嘅list黎學英文真係好本末倒置。
你學英文係只想認得個字吖，定係要識埋點用？
試問一個就咁比你嘅生字，頂盡比埋一句例句你，你真係有信心自己跟住用得啱咩？先唔講人地summarize嘅字，不論係補習社嘅詞語庫定ig買嘅，總會有啲罐頭句/唔係成日用嘅詞語，你唔會活學活用到，根本冇清楚了解個字？呢下已經好為做而做🤢🤢🤢🤢
正確方法係的起心肝每日睇下新聞、時裝雜誌，睇到啲真係會有人用嘅字先寫低。同埋中英對譯好多時都唔準，要寫就寫英文解釋，中英文唔會100%一樣，點解要學個有誤差嘅解釋？整自己嘅vocab bank，抄唔抄例子隨便你，其實你係邊到睇返黎，咪就係個例句囉😂🙈
2️.持續地作文、持續地批改
我係會日日都睇新聞、日日溫返啲字，文就keep住個個星期都作。我好中意r人幫我改文😂其實唔一定要老師先幫到你改嘅，自己都可以改自己嘅
3️.文法和串字
呢啲好講底，坦白講我個底都唔好，唯有一有唔肯定嘅野就google，冇方法會令英文突然進步好多。學習英文嘅機會係要自己掌握，然後不斷持續去做，英文先會慢慢進步。
*️⃣個人黎講，真係唔鍾意人問點樣令英文「好快」咁進步，升幾多個grade。
其實為咗考試去學一種語言個心態就已經錯啦，咁樣學返黎嘅野永遠唔會自然，咁點叫學得好呢？
唔肯keep住努力，妄想一時三刻有進步，咁永遠都唔會有進步。
