【2020 DSE Mock Exam全攻略】各大模擬試嘅優劣之處

AfterSchool
AfterSchool 2020年02月09日
DSE前緊係要考模擬試!2020 DSE Mock Exam邊個先適合自己?AfterSchool即刻幫你分析唔同機構嘅模擬試嘅優劣之處!同場加映:2020 AfterSchool Mock Exam 依家開始報名啦!

【DSE心得分享】簡單分析喺2020最適合你嘅Mock Exam!

每年嘅1、2月都係考Mock嘅季節,市場上有林林種種嘅機構搞唔同嘅Mock,到底考Mock係咪真係有用?係考嘅又應該報邊間機構嘅Mock呢?呢篇文將會一次過解答晒你對DSE Mock Exam嘅所有問題!

AfterSchool iMock 現正開放報名

2020年嘅模擬試已經完滿結束!如果你之前錯過咗 Mock Exam 又想把握機會作最後操練的話,新推出嘅 iMock 就啱晒你喇!除咗比坊間模擬試更平之外,同學更加可以更彈性咁去享用一樣高質嘅DSE Mock Exam體驗!

AfterSchool iMock 使用流程

  1. 報名後會於三日內收到試卷套裝
  2. 自行安排時間去完成模擬試
  3. 下載Marking Scheme並對卷
  4. 按需要去覲看不同部分嘅影片題解

可報名的 iMock

點解要係DSE前考Mock Exam?

凡事及早準備就更加容易獲得成功!咁究竟點解要考Mock呢?同學校平時考試有乜唔同呢?等AfterSchool話你知啦!

1. 感受DSE氣氛,減少怯場機會

考試你就由細考到大,但係DSE嘅規模、有咁多人係埋一齊考試,你又慣唔慣呢?Mock Exam嘅其中一個重點就係跟足DSE嘅格式,等你可以係DSE前感受下文憑試嘅氣氛、感受下比人擾敵嘅心情,為你到時上「戰場」做好準備!

2.透過模擬試去了解自己弱點

同你屋企自己操卷唔同,考Mock Exam果陣個考官叫你”Pens down!”你就真係要即刻停筆。而且係真實嘅考試環境下你絕對會比平時緊張十倍,所以模擬試亦係一個好好訓練你係唔同環境下都要保持水準嘅大好機會!

最正嘅係一般考完模擬試後,老師/導師除咗話你知咩分咩grade之外,更加為你提供詳細嘅評分或評語,等你可以更深入去了解自己嘅問題,從而係DSE前作出針對性嘅改善。

3. 了解DSE流程

DSE Mock Exam講明係模擬試,所以會將文憑試所有嘅程序都模擬一次,試過一次之後就可以確保你應考DSE果陣,唔會因為唔習慣文憑試考場規矩而狼狽不堪!DSE同學校考試唔同,規則都要講5-10分鐘先完,聽漏咗條分分鐘會被扣分㗎!

4. 可以知道自己Predicted Grade

雖然學校都會根據你嘅校內成績去預測你嘅DSE分數,但係係中學生涯入面,學校嘅測驗同考試一般都係By Topic咁考你。唔通你真係要等到DSE先嘗試第一次試考DSE咩!

所以AfterSchool強烈建議同學們,無論係學校嘅Mock抑或係街外嘅Mock都要認真看待!無論係貴定係平都好,對你嚟講都係一個好重要嘅「經驗」!有「經驗」分分鐘可以將你由死亡幽谷拉上5**天堂!

DSE前有咁多Mock Exam!到底邊個模擬試先真正適合我?

一個好嘅模擬文憑試(DSE Mock Exam)最重要嘅就係可以比你感受到DSE氣氛,減少你怯場機會之餘;考試嘅題目、預測嘅分數、所有嘅部分都要貼近文憑試!唯有象真,你又認真看待嘅時候,先可以發揮到Mock Exam嘅最大功用!

通常同學會遇到嘅Mock Exam有三種:

  1. 學校嘅Mock Exam
  2. 學友社Mock Exam
  3. 大型補習社Mock Exam

係下面AfterSchool就會同大家分析三種Mock Exam嘅優劣之處,幫你搵出最合適嘅模擬試!

學校DSE Mock Exam

每一間學校都會有Mock Exam,小編甚至聽過有學校有Pre-Mock添!咁辛苦咁整個Mock Exam出嚟都係想你可以習慣文憑試嘅出題模式,喺DSE打勝仗再翻嚟

學校Mock優點

  1. 免費
    學校嘅 Mock 係學校免費提供比你嘅,所以價錢係「免費」!呢個就係學校Mock最大嘅優點之一!
  2. 詳細解說
    學校嘅老師會叫你哋翻嚟上堂,萬一講唔曬份卷都可以補課,一定會比出面嘅補習社花更多嘅時間喺試卷解說上面;而且你唔識嘅話仲可以喺教員室搵翻老師問到識為止!
    有啲老師甚至會將自己嘅WhatsApp比同學,務求可以成為同學喺DSE考場上嘅最強後盾!

學校Mock缺點

1. 難以模擬DSE氣氛
就算有DSE嘅規模、學校作為考場背景都好,呢個禮堂你都對咗六年,對呢個環境最熟悉不過,所以根本無法模擬唔習慣陌生環境嘅情況。
再者,你身邊嘅同學最少都對咗三年幾,所以你都唔會有任何緊張感。

2. 試題像真度
除非出題嘅老師係曾經擔任DSE出卷員,如果唔係學校嘅模擬試大多都係維持係學校校內同學成績嘅水準;而學生呢六年入面都係做緊學校出嘅試題,所以對於試題嘅模式、試題嘅簡易度都已經習慣。
因此比起話似DSE Mock,對大部分學生而言其實呢個只係學校嘅普通考試...

3. 質素取決於老師嘅資歷同用心程度
畢竟唔同學校、唔同科都會有唔同嘅老師,而老師嘅用心程度同資歷都會大有不同,所以呢個真係睇你好唔好彩。

學友社 Mock Exam

學友社嘅Mock一直都係學校同學生嘅心頭好,但係學友社嘅Mock又有啲咩優點同缺點呢?

學友社Mock優點

1. 價錢便宜
學友社嘅 Mock 價錢非常親民,同收緊$800幾一科嘅大型補習社相比,學友社嘅Mock只係收緊$180左右,差唔多係四分之一嘅價錢!

2. 可以模擬DSE氣氛
學友社嘅考場選址都係喺學校嘅禮堂,剛好就係DSE嘅考場選址!因此參加學友社嘅模擬試可以感受到DSE考場去嘅氣氛,同時都可以感受到去陌生考場嘅緊張感!仲可能會面臨睇唔到鐘、考場冇鐘、冷氣太凍、身邊考生擾敵嘅情況。

但同學需要留意嘅係,基於各種理由,學友社今年嘅Mock將唔會喺其他學校進行而改為發放試卷比同學自己在家完成再比佢地核對,因此今年就未必可以讓同學體驗到文憑試嘅氣氛喇。

學友社Mock缺點

1. 試題難易度欠奉
學友社嘅Mock經常都被評偏容易,所以難以考測學生真實成績;而且好多同學都話學友社嘅Predicted Grade同自己真實嘅成績好唔同、或者同學校嘅預測成績有好大嘅差異。不過對於淨係想感受DSE考場氣氛嘅同學嚟講,學友社嘅Mock真係一個唔錯嘅選擇。

2. 試卷解說安排
學友社嘅Mock試卷解說大多都係網上進行,佢地會將片段Post上自己嘅YouTube Channel,但係片段比較少介紹負責解說嘅導師係邊個、而且同學需要自行上網尋找解說嘅片段;唔少學生因為惰性、或者因為唔知道片段已經上載而白白錯失檢視自己錯誤嘅機會。

大型補習社Mock Exam

大型補習社Mock Exam優點

1. 可以模擬DSE氣氛
大型補習社嘅選址地點大多為會議展覽中心,雖然場地比正式規模嘅DSE考場大上幾倍,但係同其他唔認識嘅同學一齊考試、同學都需要面對好多唔同突發嘅狀況、擾敵嘅強度都係不容忽視。
如果可以戰勝喺大型補習社考場嘅學生擾敵嘅伎倆,相信你係真正嘅DSE戰場上,至少心理戰都唔會輸!

2. 試卷難度較高、預測分數較準
大型補習社Mock嘅優點就係試卷難度比較高,同學可以清楚知道自己嘅弱項並加以操練;而且因為考該試卷嘅人數比較多,因此喺咁多嘅模擬試當中 ,預測嘅分數或者話排名可以較為反映出DSE嘅真實狀況。

大型補習社Mock Exam 缺點

1. 價錢非常昂貴
單單係一科嘅價錢,已經可以夠你食幾次放題嘅程度。但係唔少嘅中學生基於「人考我唔考就會顯得遜色」嘅心理,人報我就報!甚至有學生由中四就開始參加模擬試!同學係考模擬試之前記得要先思考究竟「點解」自己要去考,同需要考嘅必要啊

2. 改卷速度
多人考係大型補習社嘅優點;但同樣地都係佢地嘅缺點:因為多人考嘅關係,所以屢次出現試卷改唔切、甚至喺臨考DSE先派發翻比考生,考生根本冇時間可以溫習。如果成績不佳又唔夠時間準備嘅話,會嚴重影響考生應考DSE嘅心情。

3. 報名方式
大型補習社需要親身上門報名,每逢Mock Exam嘅報名時段都會大排長龍。準備DSE嘅時間已經唔多,但係仲要花時間去排隊...而且收費昂貴,改卷速度又難以有保證...

2020 AfterSchool DSE Mock Exam 

AfterSchool新嘅突破!你唯一需要嘅DSE模擬文憑試!AfterSchool今年就提供CP值極高嘅Mock Exam比大家!

AfterSchool Mock Exam優點

1. 讓學生感受DSE氣氛
AfterSchool今次會租用九龍灣會議展覽中心,同大型補習社用開嘅場地一樣!可以比你感受喺一個陌生嘅環境考試之餘,仲可以同平時唔識嘅人一齊考試,經歷下被擾敵嘅辛酸史。

2. 價錢合理
雖然配套場地同大型補習社一樣,但係AfterSchool平均每科嘅考試費,連埋一大堆早鳥、團購優惠,竟然比大型補習社平$200 - $400!即係你報夠五科就已經可以幫你慳翻成$1000 - $2000!
價錢合理、導師嘅水準更不遜色於大型補習社!
AfterSchool嘅導師都擁有豐富嘅教學經驗仲教授出唔少嘅狀元!

3. 承諾改卷速度
AfterSchool明白大家想要及早收到試卷,因此承諾平均三個星期就可以發還試卷比大家,等你可以及早溫習!
而且承諾所有嘅試卷都會用心批改,絕不假手於人!
確保試卷評核質素同同學可以從導師個人化嘅評語中得到改善,真正提升你嘅DSE應試能力!

4. 線上報名方式及解卷
對於備戰DSE嘅同學嚟講「時間就等於分數」,因此AfterSchool希望可以用最快捷方便嘅方法比同學報名模擬試!而解卷都會係線上進行,等你可以按照需要使用Mock Exam嘅題解。除咗無限次翻睇之外,有咩唔明仲可以問翻個導師!務求幫你了解到自己弱點之餘,仲可以有效提升成績!

AfterSchool Mock Exam缺點

1. 勁少名額
為咗保持上面嘅優勢,AfterSchool嘅Mock Exam平均每科只可以收~80名考生。所以相比起其他嘅Mock Exam,AfterSchool嘅Mock Exam名額真係十分之有限,想報名搶位要趁早!

一次過達成你四個願望

大家考模擬試都係想達成四個願望,AfterSchool今次就一次過達成你四嘅願望

  1. 感受DSE氣氛
  2. 預測DSE成績
  3. 了解自己弱點
  4. 提升自己成績

有關AfterSchool Mock Exam嘅任何事項都可以參考AfterSchool嘅網頁或者隨時聯絡我地!2020年嘅突破!你只需要呢一個模擬試!仲唔快啲去報名?!

報考DSE Mock Mock嘅最後攻略

其實簡單嚟講,無論係學校嘅Mock Exam抑或係坊間其他機構嘅模擬式,不論準確度有幾高,同學都應該全力以赴!撇除學校嘅模擬式外,其他三種機構嘅模擬試,係分別適合以下呢三類考生嘅:

考生A:我單純想感受下文憑試氣氛,份卷高唔高質無咩所謂

呢類同學可以揀學友社嘅Mock Exam,雖然參考過往同學嘅說法,試卷難度同DSE嘅相似程度就真係有所保留,但因為係價錢上真係比大型補習社平70 - 80%,所以係價錢方面真係贏幾條街。

考生B:我想同多啲人一齊考,派唔切卷同價錢對我都唔係問題!

大型補習社就絕對啱晒呢種同學!雖然價錢最貴(主科約$8XX一科),而且有時改卷又改唔切,搞到DSE前先啱啱好收到份卷,完全唔夠時間去睇翻自己有咩問題。

但論學生人數嘅話佢的而且確係全港最多,所以如果你單純想追求果種「千人同場」嘅震撼的話,大型補習社嘅Mock Exam的確係啱你嘅~

考生C:我想考Mock之餘,又可以真正係DSE前提升我嘅應試能力

咁AfterSchool嘅模擬試就絕對啱晒你!除咗考試環境認真之外,價錢亦比大型補習社平唔少!

最緊要嘅係每份卷都由導師親自批改,絕不假手於人,而且導師仲會為每個考生提供個人化嘅建議,等你係DSE前仲可以作最後衝刺!

最最最緊要嘅係所有導師都承諾係2 - 4星期入面改完兼派翻比你,等你有充足嘅時間去進行反思、調整、進步。

不過名額就真係極有限,所以2020 DSE嘅同學要報名就趁早喇!

欽呢度!報名2020 AfterSchool DSE Mock