【D-Biz遙距計劃】資助金額高達30萬!助教育界中小企輕鬆數碼轉型!

AfterSchool
AfterSchool 2020年05月22日
新一輪政府資助 D-Biz 遙距營商計劃幫助中小企進行產業、數碼轉型,於疫情期間仍能繼續營商,AfterSchool 一文整合資助計劃細節。

疫情底下,好多中小企因本身線下嘅營商模式而收入大跌,部份醒目嘅老闆就諗到可以做數碼轉型,即係將 Offline 變 Online,去拯救自己嘅生意。但第 2 個問題就嚟啦,有 Idea 但係冇錢,可以點做呢?好彩嘅係,喺 4 月 18 日,政府就宣佈咗一項新嘅資助計劃(D-Biz 遙距營商計劃),計劃內每個項目最多資助 10 萬元,可以同時申請 3 個項目,即係你可以申請合共 30 萬嘅資助!今次 AfterSchool 一文就幫你整合哂所有有關 D-Biz 遙距營商計劃嘅資料!

AfterSchool 如何幫你迅速數碼轉型

AfterSchool 會盡全力幫有需要嘅中小企度身訂造、開發可以幫助你發展 online 業務嘅網上平台。我哋主要提供嘅服務包括:

Digital Marketing(網路營銷)

AfterSchool 為全港最大嘅中學生學習平台,每月有超過 10 萬位學生、家長使用。除此之外,AfterSchool 亦坐擁全港最受中學生歡迎 Instagram 專頁(超過 80,000 followers),定必可以幫你接觸更多學生家長,擴展你嘅網上業務!

eLearning Platform(學習平台)

AfterSchool 為全港最完善嘅網上學習平台,功能包括:

  • 製作網上課程
  • 學生管理系統
  • 自動化學費收取系統
  • 影片儲存、上載系統等等

配合我哋團隊多年嚟嘅線上學習平台開發經驗,絕對可以幫你用最短時間極速去建立一個屬於你嘅線上教學王國!

度身訂造的技術方案

除咗上述嘅服務外,我哋嘅技術團隊亦可以根據你嘅需求去度身訂造一個可以完美符合你嘅需求嘅網上平台!

AfterSchool 將會保證你係一蚊都唔洗出嘅前提下,幫你開發出一個完美嘅線上平台!不成功,不收費!

免費 WhatsApp 1 對 1 查詢

D-Biz 遙距營商計劃簡介

D-Biz 遙距營商計劃係政府防疫抗疫基金第二期旗下嘅一個資助計劃,目標係為咗比唔同嘅中小企機構做到產業、數碼轉型,喺疫情期間仍然可以繼續營運同提供服務。而香港生產力促進局作為今次遙距營商計劃嘅秘書處,計劃透過快速嘅批核,資助唔同嘅中小企行業,盡快利用資訊科技方案、技術去開拓遙距嘅業務。

無論你係想搞網店(online stores)、轉用網上營銷嘅手法(e-marketing)、強化公司網絡安全(cybersecurity)、或者係改善方便遙距系統等等嘅項目,你都可以申請 D-Biz 最高 30 萬港元嘅資助,進行為期最長六個月嘅資助項目。 

D-Biz 適用行業及申請條件

今次嘅資助計劃係開放比任何行業申請,只要資助金係用喺有助遙距營商嘅科技就可以申請。例如你本身係一間零售地鋪嘅老闆,可以申請 D - Biz 去開一間網店;飲食界都可以申請遙距營商去發展網上外賣服務;補習社、教育中心亦可以用筆資助金嚟開設線上課程!

按政府防疫抗疫基金嘅資料,申請 D-Biz 遙距營商計劃有以下條件:

  1. 公司並唔係任何上市公司、法定機構或者接受公帑資助嘅非政府機構,並持有有效商業登記證;
  2. 2020 年 1 月 1 日前已經開業;
  3. 遞交申請嘅時候,與申請行業相關嘅項目有實質業務運作進行緊。

D-Biz 項目總類

根據香港生產力促進局嘅資料,D-Biz 遙距營商資訊科技方案清單包括:

#1 網上營商

為想建立網上、手機或其他線上服務平台的公司而設,以透過訂閱制或度身訂造的電子商貿平台作商品及服務推廣目的,包括開發及管理:

  1. 容許消費者通過互聯網下訂單
  2. 透過搜索引擎宣傳及數碼廣告來推廣此類網上服務平台,例如社交媒體宣傳、電子優惠券及會員計劃等
  3. 不包括宣傳物品、內容或資產(例如市場推廣所用的影像、文字和影片)的製作

#2 網上接單和送遞、智能自助服務系統

  1. 為想建立網上、手機或其他線上服務平台的公司而設,以透過訂閱制或度身訂造的電子商貿平台為消費者提供商品或服務為目的,包括開發及管理
  2. 採用此類技術後,應容許公司能夠運用智能自助服務系統、智能服務站、智能自動售賣機及智能儲物櫃等方式執行點對點訂單下達並將其交付到指定位置,或與電子物流提供商平台整合
  3. 適用但不限於獲取或推廣自助服務的行業,例如飲食業的外賣服務
  4. 透過搜索引擎宣傳及數碼廣告來推廣此類網上服務平台,例如社交媒體宣傳、電子優惠券及會員計劃等
  5. 不包括宣傳物品、內容或資產(例如市場推廣所用的影像、文字和影片)的製作

#3 網上客戶服務和推廣

  1. 使公司能夠利用互聯網開通訂購服務,適用但不限於預訂和預約服務,包括開發及管理
  2. 技術方案亦可適用於遠程學習設施
  3. 透過搜索引擎宣傳及數碼廣告來推廣此類網上服務平台,例如社交媒體宣傳、電子優惠券及會員計劃等
  4. 不包括宣傳物品、內容或資產(例如市場推廣所用的影像、文字和影片)的製作

#4 客戶數碼體驗升級

  1. 為企業透過科技改善客戶服務經驗及體驗,包括但不限於:
  2. 全天候客戶服務支援,例如聊天機械人
  3. 利用擴增實景(AR)、虛擬實境(VR)或混合現實(MR)、 數位孿生(Digital Twin)科技提升客戶對產品或服務體驗
  4. 利用分析以改善客戶體驗,例如使用購買數據

#5 數碼支付 / 流動裝置零售管理系統

  1. 讓在線/實體商店可採用支援多個電子支付渠道的系統,例如支付網關或流動銷售系統(POS)
  2. 包括一次性設置和相關的硬件/設備
  3. 不包括每次付款交易的手續費或同等費用

#6 線上 / 雲端財務管理系統(採用電腦系統來管理公司與財務相關的流程)適用但不限於以:

  1. 發票和收集賬單、會計和規劃預算、資產和負債管理、符合法規、報告
  2. 在具備適切的網絡安全保護下,系統可建基於雲端或讓員工遙距登入

#7 線上 / 雲端人力資源管理系統(採用電腦系統來管理公司與人力資源相關的流程)適用但不限於:

  1. 薪酬和開支報銷、出勤和請假、培訓、報告
  2. 在具備適切的網絡安全保護下,系統可建基於雲端或讓員工遙距登入

#8 遙距文件管理、雲端儲存及遠端存取服務

  1. 把打印文件數字化成為電子格式並存放於在雲端儲存系統
  2. 讓員工透過解決方案,例如桌面遠端控制、虛擬私有網絡(VPN),虛擬桌面基礎結構(VDI),以獲取公司信息,數據和系統。

#9 網上會議工具(運用工具以允許群組成員透過以下功能,利用互聯網進行虛擬協作或會面)適用但不限於:

  1. 支援音頻和視頻通信、內容共享、管理約會和註冊、 會議記錄、在線投票和問答環節

#10 虛擬團隊管理和溝通(運用工具以允許群組成員透過以下功能,利用互聯網進行虛擬協作或溝通)適用但不限於:

  1. 即時通訊、視頻和語音通話、文檔共享和共同授權、分配工作、監察進度和協同產品開發

#11 網絡安全方案

  1. 透過實施軟件、硬件和服務來防範網絡攻擊,提升公司的網絡安全
  2. 解決方案的例子,包括但不限於數據加密、防火牆、防毒/惡意軟件的方案

#12 其他線上/度身訂造/ 雲端業務支援系統

  1. 其他解決方法(包括現成及度身訂造)以支持採用企業的計劃目標,使其能進行和繼續開展遙距業務,而不屬於上述類別
  2. 解決方案的例子,包括但不限於企業資源規劃(ERP),電子申請表和審批流程,機械人流程自動化(RPA)

D-Biz 申請方法

除咗親手填寫表格以外,各個中小企都可以搵唔同嘅資訊科技服務供應商負責成個申請嘅流程。而 AfterSchool 亦係資訊科技服務供應商其中之一,我哋喺教育界應用資訊科技已經有多年嘅經驗,歡迎任何想申請 D-Biz 嘅補習社/教育中心聯絡我哋!

WhatsApp我們免費查詢

D-Biz 常見問題整合

中小型補習社可以點善用呢個資助?

可以利用資助架構自己嘅網站,將課程錄影並上載到網站。學生喺屋企就可以上到 Video Class,長遠嚟講可以減低課室租金嘅成本。

D-Biz 遙距營商計劃係唔係全數資助?

係,全數資助,但係企業要自己先比錢再同政府 Claim 錢。

可以同時申請遙距營商資助三個項目嗎?

一個計劃書可以同時申請三個項目,每一個項目(例如網上商店,數碼營銷)最高資助額為10萬元,每間公司最高資助額為300,000。

計劃已申請咗科技券,仲可唔可以申請 B-Diz 遙距營商計劃?

唔可以。

公司已經用咗科技券,仲可唔可以申請 B-Diz 遙距營商計劃?

可以,但申請項目唔可以同科技券資助項目一樣。

新公司可唔以申請 B-Diz 遙距營商計劃?

唔可以,只有現有企業可以申請。

數碼媒體營銷嘅開支要點樣報銷 D-Biz 遙距營商計劃?

係按一個營銷計劃去計算

單純做培訓可唔可以申請 D-Biz 遙距營商計劃?

唔可以,培訓必須要配合相關嘅資訊科技項目。

WhatsApp我們免費查詢