【自行分配學位】2024 小一派位第 1 階段全攻略

AfterSchool
AfterSchool 2021-8-7 22,712
唔少家長都好關心小一選校,而自行分配學位一向都係兵家必爭之地,AfterSchool就整合咗 2023 小一自行分配學位程序資訊,包括小一申請時間表、小學學額,快啲撳入嚟睇吓!
令自己仔女讀到心儀小學係唔少家長嘅願望,其實要安排子女透過自行分配學位入學,當中都有好多細節要留意,包括小學學額有幾多、小一申請時間表、小學入學計分辦法等等,今日小編就同大家拆解有關小學自行分配學位嘅大小事啦!

什麼是小一入學統籌辦法?

學位分配年度自行分配學位數目統一派位數目學位分配總數
202222342(48.2%)24211(51.8%)45240
202122892(47.6%)25188(52.4%)48080
202023340(44%)29133 (56%)52473
201922233(44.9%)27334 (55.1%)49567
201824477(43.2%)32171 (56.8%)56648
201723645(42.3%)32235(57.7%)55880
201622504(43.5%)29243(56.5%)51747
201522154(43.8%)28483(6.2%)50637
201421868(42.9%)29124(57.1%)50992
201321230(43.4%)27676(56.6%)48906
201220480(45.7%)24352(54.3%)44832
201120085(47.7%)22003(52.3%)42088
201020070(49%)20848(51%)40918
資料來源:教育局
香港總共有五百多間小學,接近九成為官立及資助小學,他們全部都要使用「小一入學統籌辦法」為小一選校收生方法。而私立、直資、及國際學校係行自行收生機制,所以並唔會參與「小一入學統籌辦法」。現行嘅「小一入學統籌辦法」分為「自行分配學位」以及「統一派位」兩個階段,當中「自行分配學位」係小一派位機制嘅第一階段。

什麼是小學自行分配學位?

「自行分配學位」為「小一入學統籌辦法」的第一階段,家長可以向全港任何一間官立或資助小學申請入學而且唔受校網限制。一般而言,喺呢個階段全港大約會有一半學童被學校取錄,至於不獲取錄嘅學童則需要進入第二階段「統一派位」申請入學。
而喺「統一派位」呢個階段,家長只能夠選擇居住地區所屬嘅校網嘅小學。由家長排小學優先次序,再由電腦「隨機編號」分配學位,所以喺呢個階段要特別留意選校次序。如果想知多啲有關統一派位嘅資訊,可以睇AfterSchool嘅另一篇blog【統一派位】2024 小一派位第二階段全攻略

香港四大小學津貼類型

全港總共有531間小學,主要有四種小學津貼類型,分別係直資小學、私立小學、官立小學同資助小學,唔同小學資助類型都會有唔同嘅學位分配方法同入學申請時間表。

直資小學

全港有 21 間直資小學,這類學校有一筆政府津貼同時都會收取學費,學校會由法團校董會自行管理,直資小學可自行收生。直資小學嘅例子有聖保羅書院小學,英華小學,培僑書院等等。

私立小學

全港有 53 間私立學校,由辦學團體自資經營,由校董會自行管理。但由於私立小學冇政府補貼,所以收取學費都會比直資小學高。私立小學亦可自行收生。私立小學嘅例子有九龍塘學校(小學部),拔萃女小學,聖保祿學校(小學部)等等。

官立小學

全港有 34 間官立小學,教育經費全部都係來自政府,學生能夠享有6年免費教育,全部的官立小學都係男女校以及無宗教背景。如果想入讀官立小學,學童必須參加政府安排嘅「小一入學統籌辦法」。官立小學嘅例子有軒尼詩道官立小學,李陞小學,北角官立小學(雲景道)等等。

資助小學

全港有 423 間這類資助小學,教學經費絕大部分來自政府,而其管理則由學校的法團校董會負責。要升讀資助小學,學童亦必須參加政府安排嘅「小一入學統籌辦法」。資助小學嘅例子有聖若瑟小學、嘉諾撒聖方濟各學校、聖保祿天主教小學等等。

小一入學申請時間表

直資同私立小學嘅入學程序會比資助同官立小學開始得早,唔少私立小學例如崇真小學暨幼稚園(小學部),聖保羅書院小學等已經開始/即將開始(大約8月開始)接受自行收生申請,家長要密切留意各私立小學嘅收生日期。而以下係整個小一入學申請時間表,如果想報官立/資助小學嘅話大約9月開始可以申請自行分配學位,並大約喺11月中公佈小一自行分配學位結果。如果學童未能喺自行分配學位獲派學位,就需要參加統一派位,以下就詳列收生程序。
https://www.myschool.hk/ps/guide.php
https://www.myschool.hk/ps/guide.php

小一入學申請表

呢張就係小一入學申請表樣本,喺申請自行分配學位部分中每個學生只可以申請一間小學而唔受地區限制,代表家長可以唔受校網嘅限制下申請最心儀嘅小學。而根據小一入學統籌方法,喺「自行分配學位」階段中小學所收嘅學生有兩類學生,分別為「計分類」和「必收類」。

甲類(必收類)

根據現行自行分配學位制度,官津小學必須先錄取喺學校就讀緊嘅學生嘅細佬妹或喺學校工作緊嘅員工嘅子女。呢類學生又被俗稱為「世襲生」,喺「自行分配學位」階段中最多佔學校小學學額 30%,如果唔夠位,會以原本預留作「統一派位」嘅小學學額填補。

乙類(計分類)

學校小學學額有20%至50%並會根據以下「計分辦法準則」所計到嘅分數,去決定派位嘅優先次序,而分數愈高,被取錄嘅機會都愈大。

小一自行分配學位計分方法

以下係教育局嘅「計分辦法準則」
類別條件分數
甲類爸爸或媽媽在該小學的幼稚園部或中學部全職工作,但必須是同一校址。20
甲類哥哥或姊姊在該小學的中學部就讀,但必須是同一校址。20
甲類爸爸或媽媽是該小學的校董。20
甲類爸爸、媽媽、哥哥或姊姊,是該小學的畢業生。10
甲類申請學童是家庭中首名出生的子女。5
甲類以上五項甲類條件也沒有。0
乙類與該校的辦學團體有相同的宗教信仰。5
乙類爸爸或媽媽是該小學主辦社團的成員。5
乙類以上兩項乙類條件也沒有。0
丙類適齡的兒童(即翌年九月開課時年滿五歲八個月至七歲)10
喺甲類同乙類各揀一項,甲+乙+丙=最後分數。以下係唔同分數嘅入學機會:
總分入學機會
30-35分放榜輕鬆入心儀小學!
25分小學放榜成功機會亦相當大
20分要慎重啲揀學校
15分選擇啲唔熱門嘅學校或無宗教學校
10分機會較微
喺2022年,一共有45,240位學生參加「小一入學統籌辦法」,當中喺自行分配學位階段成功申請入學嘅只有22342位學生,佔全部學生人數 48.2%:
學校網甲類乙類總共
總計12,685 (28.2%)9,517 (21.2%)22,202(49.4%)
資料來源:政府新聞公報
一如以往,自行分配學位階段獲派學位嘅學生大約得四成幾,而甲類(必收類)嘅學生基本上每年都會多過乙類(計分類);多數喺呢個階段已經成功獲派學位嘅學生,主要都係因為「必收生」、「分數高」同「申請非熱門小學」。所以如果唔係「有背景」嘅學生就要喺統一派位階段繼續努力。

小學自行分配學位常見問題

Q:家長為其子女申請自行分配學位需留意些甚麽?
A:成功獲派自行分配學位嘅學童,不會再經統一派位分配學位。因此,家長應只最心儀嘅小學提出自行分配學位申請。記住小一自行分配學位申請表一經遞交,便不可撤回、取消或更改選校次序,家長決定申請前,一定要審慎考慮選校決定。
Q:學生何時得知自行分配學位的申請結果?
A:上面都有提及過,官立及資助小學大約喺9月開始接受自行分配學位申請,大約喺11月中就會公佈小一自行分配學位結果。
Q:查詢自行分配學位結果時,家長要帶備哪些證件?
A:家長應帶備小一入學申請表嘅家長副本,以便確認申請兒童的小一入學申請編號。
Q:如果有私立小學收咗我嘅小朋友,我哋仲可唔可以參加統一派位?
A:你接受咗私立小學嘅自行收生學位,依然可以繼續參加官津小學嘅統一派位,不過亦都有私立小學嘅收生政策唔容許家長再參與統一派位,家長睇清楚條款咁就多重保障啦。
希望呢篇blog可以幫到家長同小朋友揀到心儀嘅小學啦!
免費 DSE 電子報
定期為 30,000+ 中學生送上實用 DSE 資訊和資源
AfterSchool

AfterSchool

AfterSchool 是一個針對DSE而設的網上補習平台,課程涵蓋多個 DSE 科目,讓同學足不出戶就可以享有優質教學。註冊用戶人達 50,000 人,當中超過四分之一學生為應屆文憑試考生,是全港最大型網上補習平台。