向DSE狀元偷師,從制訂Study Plan開始!贏在起跑線

Monica Chan
Monica Chan 2019年08月29日
要成為DSE狀元,首先要計畫!係F6要衝刺之前,不妨預留小小時間整個DSE study plan比自己!一齊想A1邁進


人讀書你讀書,做咩人地讀到做狀元,你就讀到咁嘅款?不如由 Study Plan 開始了解😗

到底DSE狀元係點樣製定Study Plan?

有時好多人突然好有衝勁走去溫書但又好無目標同方向

入到自修室坐咗成日,但又完全悶到癡孖筋溫唔入腦。

其實溫書前第一件事最重要但又好多人忽略嘅就係要計劃!
而計劃嘅模式亦都係千篇一律。

1. 時間表規劃

A)F.6開學前的高中生活

成績中上/要升中六嘅同學

基本上你都係要邊溫邊讀,一方面溫習學校教完嘅嘢,另一方面預習學校未教嘅內容。

通常我會將溫習時間劈開一半,50%溫書,50%預習。

有時未必溫得曬全部教過既書,咁就簡啲深少少/未有咁熟嘅/concept未清嘅黎溫;至於預習,至少都要讀完假期與假期之間嘅課程內容。例如你放新年假,就要讀左新年後到復活節前嘅嘢先。

成績稍遜嘅同學

個人認為最好就先讀左學緊嘅基本嘢同複習初中學嘅而又會再用到嘅內容,例如數學mensuration, trigonometry, algebra等等既概念,集中操基本題型,5**題目/過分深奧嘅題目反而未必值得你花太多時間。

好似maths paper 2咁,如果lv 5**題目同lv 3嘅題目比重一樣,但lv 3題目你更大勝算,點解唔將大部分精力集中用黎打lv 3,拎夠分,反而用更多嘅時間成本換同等甚至更少嘅分數?何況好多課程內容/概念都係環環緊扣,如果基礎打唔好,讀得再多都未必可以通/讀得有效率。

所以強烈建議先慢慢打好基礎,再跟學校進度讀上去

B)F.6 開學後

Aim high 嘅同學應該已經讀好曬大部分要背嘅科,可以集中操卷。個人認為可以按照自己能力安排幾多日完成一個學習Cycle (即溫習內容+操練相關課題嘅精選試題)。(時間實際上如何定請見 Pt. C)

另外,星期一至五又pre-mock又返學其實好難溫書,所以最有效率地運用時間應該係用呢啲課餘時間嚟補習同操卷,同時pre-mock都唔好hea,事前溫番相關內容,當用嚟試下實力同逼自己溫書,咁先唔會浪費你坐係hall果2個鐘。

星期六/日就係背嘢嘅最佳時機,盡量係星期六同日cover曬你讀嘅科目,確保無甩漏。

C)主要時間安排

我地讀嘅科目可以分做兩種,所以都可以將時間分做兩半

一半時間用係比較輕鬆嘅科目,做比較輕鬆小小嘅task:

例如操數(phy/maths)、睇番之前啲paper/hw做錯嘅野然後mark番落筆記、整理筆記。


另一半時間就做啲辛苦嘅野,應付比較辛苦嘅科目:

 例如: 做LS paper、中文作文、綜合、背悶野等等。

時間表範本:
例如一日我預左朝早九點溫到夜晚八點:

  1. 中文(2h):溫記描抒靚字靚句 -> 作記描抒一篇
    (通常我做by topic paper/作文之前都會溫一溫相應既skills/內容)

  2. ENG(1.5h): 背+整理 sentence structure D notes

  3. MATHS(1.5h):50題MC + checking

  4. LS(1h):溫module 1 notes+ concept+ e.g.

  5. PHY(1.75h): 2017 DSE IB + checking

  6. CHEM(1h): supplementary ex. * 1 (20*mc +10*LQ)

  7. BIO(1.5h): 溫一課(清concept及背要背既內容)、rev on mind maps (for essays)

通常我預時間會預鬆少少,費事計劃咗又做唔曬,加上始終都會心累又會去下廁所/食野,最好都係唔好預太chur。

另外,我通常會先苦後甜,朝早精神做左最唔想做嘅中文同通識先,真係頂唔順先係中文同通識之間操數/phy當放break。

一日包唔曬7科唔緊要,可以另一日撥時間補番,最緊要溫習時間彈性高效。

2. 讀書三部曲

每讀一樣嘢我通常都分三個階段

第一:預習

一般我會先理解一次所有原理同概念先,然後背重點,之後做會考試題/基本試題清concept,然後mark低值得做嘅題目。搵到自己錯處就可以記低,然後再加以組織整notes 備自己之後溫。 

第二:研讀

呢個階段通常係學校教嘅時候進行。我會係上堂嘅時候同自己再溫一次書,然後認真做功課同quiz,當操卷,同時操AL/深少少嘅paper(有時間的話),深入思考下D concept背後有無咩漏左,幫自己嘅notes做最後嘅修訂。

第三:複習

呢個階段基本上就係溫內容(如果自己有筆記就溫筆記)+做之前mark低嘅精選試題。成個複習過程DSE前做到幾多次就幾多次,多多都唔嫌多!! 

3. 實質上嘅時間分配

*注意以下“全日”只係一個量度時間嘅單位,一個全日有大約10小時

長假期有名你話長,咁長咁時間點預呢?

我通常會計下個假有幾多日,例如暑假712放到831,total就有50日左右。

如果我有6個朋友聚會/吹水晚會,另外想有7日去玩,一星期出去1日,我就會少左6個半日嘅時間同7個全日既時間,即係最後我會得翻50-6*0.5-7=40 個全日用嚟溫書。

40個全日相當於成個假有400小時可以溫。如果我科科成績差唔多,咁我就會平均分配時間,每科total 有57小時用,然後睇下57小時夠做啲咩

DSE係一個地獄,但活係制度之下,要讀到想讀嘅科點都要屈服。比啲決心下年爆EAA機,脫離魔爪。共勉之!


閱讀更多
一升上中六,距離DSE就得翻半年左右嘅時間。今日開始自製課後時間表(timetable),即使落堂都可以做好時間管理、規劃好時間只咗該做嘅事情,溫書溫得快、自然休息時間都多啲啦!

DSE時間管理法 | 中六返學日Timetable

Smarkle_dse

2019年11月03日

9
唔知道大家溫書果陣有冇咁嘅感覺呢?身為DSE嘅過來人,受過DSE嘅洗禮,好明白大家喺備戰考試時嘅煎熬🤕有時望著厚到成座山咁嘅notes同埋教科書,真喺有種「心很累」、「還不夠絕望、尚可更絕望」嘅感覺😢。不過,年輕人,唔駛咁灰wor!以下喺幾個我根據自身經驗,同埋自己睇書做research得返黎嘅背書心得,希望可以幫到大家😜

抽字記憶法!助你得勝DSE!

Smarkle_dse

2019年10月09日

17
好多人都會覺得準備文憑試瞓覺等於浪費時間。今日作者就同你講瞓覺?都可以溫書!瞓覺?都係一個考好DSE嘅攻略!

【DSE備戰攻略】三文治記憶法

Smarkle_dse

2019年10月23日

6