破解通識迷思!究竟通識考試可以點準備?

HKjointus
HKjointus 2019年09月24日
文憑試嘅通識科嘅歷史唔耐,唔少考生睇咗幾年past paper都仲係對呢科摸不著頭腦,又或者會對呢科有啲錯誤嘅觀念。今次就等大家加深對通識科嘅認識,一齊防止犯下類似咁嘅錯誤!

破解通識四大迷思!

文憑試嘅通識科嘅歷史唔耐,唔少考生睇咗幾年past paper都仲係對呢科摸不著頭腦,又或者會對呢科有啲錯誤嘅觀念。今次就等大家加深對通識科嘅認識,一齊防止犯下類似咁嘅錯誤!

1️.通識科 = 吹水科

唔少考生以為通識科係吹水科,問嘅題目虛無飄渺,難以捉摸或「tip題」,其實呢種諗法並唔完全正確。


無錯!通識科考核嘅時事議題的確唔容易tip中,因為出卷員並唔希望考生知道考核嘅議題後死記硬背,而係希望考生喺考試期間得悉考試議題後可以靈活變通,將所學嘅知識以及時事應用於考試。


考生要做嘅並唔止係「吹水」,亂噏一通咁簡單,而係考試前多留意時事新聞,了解潛在議題、相關嘅例子、同一議題嘅正反論點,以及六大單元嘅重點概念,了解重點概念嘅意思、應用等等,以實實在在嘅知識嚟支持考試論文所寫嘅論點,而非齋靠吹水得分。

2️.寫得越多越好

通識考試作答時間有限,考生可以寫嘅字數亦有限,但係文憑試考生往往以為通識係鬥寫字快、寫字多,認為只要寫得夠多就會高分。


其實通識考試係重質不重量,抱有上述呢種諗法嘅考生多數會注重論文字嘅數量而忽視論文內容嘅質素,所以即使寫咗一大篇論文,內容依然缺乏重點概念、時事例子等元素,導致論點缺乏說服力,而且內容未及考評要求,又或者係因為論文過長而令到論文結構鬆散,影響到論文嘅可讀性,所以寫得多都未必會攞到高分。

3️.Rephrase = elaboration

語文能力較好,但係未掌握通識科竅門嘅同學可能會覺得闡述等於用唔同嘅字眼,將同一個論點用唔且不斷rephrase,直至一個論點變成一個段落,就已經成功「解釋」到一個論點。但係正如上文所講,考生作答時係需要以時事例子同埋重點概念嘅配合先可以攞到高分,所以只係覆述的話內容會比較空泛,並唔係攞高分之道

4️.重點概念/例子無須解釋

通識科成日都emphasize要引用時事例子同埋重點概念,令到好多同學都以為寫論文只需要寫咗個例子或者重點概念出嚟就得,寫得越多越好,繼而作答嘅時候就冇仼何解釋,結果未能真正展現到時事意識,同埋未能做到概念化嘅效果。

想睇番點先寫到一篇內容、闡述豐富嘅論文的話可以睇番之前嘅IG posts:《通識作答框架》、《通識高分技巧》)

5️.通識冇得溫

通識科俾考生嘅感覺不嬲都係冇得溫、題目冇得tip,所以備考嗰陣都會感到無所適從。


其實考生考試前可以做嘅準備有:


(1) 準備作答框架:

通識科題型種類多,雖然大部分題目嘅段落作答框架都大同小異,但係某啲題型嘅作答框架會有少少唔同


例如:

立場題型要加駁論、比較題型要加比較字眼展現比較意識等,


考生可於試前溫定唔同題型嘅處理方法,考試嘅時候就可以更得心應手;


(2) 多留意時事例子:

將有機會應用於通識科嘅例子mark低,以便考試引用例子支持論點;


(3) 熟讀重點概念:

通識六個單元所學嘅重點概念並唔少,要喺考試臨場發揮,引用多個有用嘅重點概念並唔容易,所以建議考生試前先熟讀多個重點概念及其解釋


相關課程