【DSE通識備戰攻略】 備戰通識、考好LS有策略!

HKjointus
HKjointus 2020-1-22 9,839
唔少同學都有「通識冇得溫」呢個概念,但係係咪真係無法打破DSE通識死亡魔咒?「通通都唔識」嘅局面?今次AfterSchool 就請黎通識才子,教大家溫好LS、考好DSE嘅策略,齊齊裝備答題策略迎戰 DSE!

【DSE通識備戰攻略】 備戰通識、考好LS有策略!

AfterSchool 都明白唔少同學都有「通識冇得溫」呢個概念,但係係咪真係無法打破通識?「通通都唔識」嘅局面?今次AfterSchool 就請黎通識才子傳授大家幾招技巧,教大家溫好LS、考好DSE!

 

正如之前嘅blog posts都有提及過,通識科並唔係「完全」冇得溫嘅。要備戰通識科,以下幾點係考生喺試前可以做嘅準備:

策略一:養成留意時事新聞嘅習慣

考生喺平時(而唔係考試前一兩個月)應該多留意時事新聞。雖然通識科試卷嘅出題設計係「議題為本」,即係根據有爭議性嘅社會議題去出題。由於時事議題眾多,考生不宜只顧「tip題」而忽略答題技巧嘅重要性。

 

留意時事新聞係為咗加強時事觸覺

考生要留意時事新聞嘅目的並唔係要「tip題」,而係要加強自己嘅時事觸覺,令自己對唔同嘅時事議題、相關論點有更深入認識,同埋可以學多啲社會議題作為例子,以便考試嘅時候引用嚟支持論點。

 

策略二:練習寫論文、培養寫LS論文習慣 

只係累積例子同論點嚟備試通識科係唔足夠嘅,考生需要多啲實戰經驗,入到試場先可以考得更得心應手,將腦海入面嘅論點有條理咁寫出嚟。

 

不宜臨近DSE先Chur Past paper黎做

臨近考試時期,坊間會有唔少模擬試,但係考生不宜喺臨近公開試先開始練習寫論文備試,而係應該由高中開始,培養寫通識論文嘅習慣,方便自己適應寫通識論文。由於寫一篇論文需時,所以考生無必要操練過多,如果可以做到較早開始練習的話,大概一個星期寫一篇論文已經足夠。

寫通識文謹記兩點!

  1. 審題/諗論點/寫字速度

同學一開始做卷,審題、諗論點、寫字嘅速度都未必好快,所以同考練習寫論文嘅時候可以特別留意吓自己各方面用嘅時間,以便就自己嘅弱項改善。

  1. 時間控制

《通識考試時間分配》呢個post有建議通識卷一卷二作答嘅時間分配,考生宜根據每題題目嘅時間限制,喺自己寫論文嘅時候計時,訓練自己喺限時內寫完論文。

 

策略三:留意考評報告

考評局所售嘅歷屆試題係會包埋marking scheme同埋考評報告,呢啲資料對考生係非常有用嘅。要考生留意呢啲資料嘅用意並唔係要考生盲目背誦歷屆試題嘅「標準答案」,因為通識科並無標準答案,所以marking scheme入面嘅論點只應作參考。睇考評報告更重要嘅係考生可以明白通識嘅出題理念,從評卷員嘅角度了解通識科嘅考評準則,並知道歷屆考生嘅常犯錯誤,防止自己考試嘅時候重犯同樣嘅錯誤。

 

——希望大家睇完之後都可以更加掌握點溫LS!世上冇免費午餐!成績要好?首先就要做好準備!想成為DSE狀元?想知道更加多唔同學科嘅溫書知識?

快睇㩒入黎AfterSchool Blog Page吸收曬啲溫書、考試技巧啦!

 

免費 DSE 電子報
定期為 30,000+ 中學生送上實用 DSE 資訊和資源
HKjointus

HKjointus