無論係男女老少、幼稚園生定係大學生，一有拖延症....就出事啦！嘢又做唔到，試又考唔好！咁點算？今次 AfterSchool 就請黎 Smarkle_dse! 過翻三招必殺技比大家，得勝拖延症！有神技妙法！ 如何擺脫拖延症！以下嘅說話，係咪好熟口面？ 「哎呀聽日先溫喇😫」、「打埋依鋪機先😇」、「好攰啊，聽日！聽日一定會開始做㗎啦🤗」 喺咪有種躺著也中槍嘅感覺呢😈唔駛驚，you’re not alone，根據非官方調查（遮喺本人觀察），拖延症喺香港學生患病率最高嘅疾病，傳染率極高，雖則唔會致死，但喺對患者嘅生活同埋工作效率有極大影響😱😰 究竟咩係拖延症（Procrastination）？ 拖延症即喺點？ 拖延症即喺「你明知做咗某啲嘢會令你進步或者幫到你達到你嘅目標，但係你硬喺唔想開始做應該做嘅事」所以，如果你keep住拖延嘅話，就好難先可以達成到你嘅目標😪 咁點樣先戒到拖延症？ 以下有三招，幫你同拖延症講byebye👋🏻全部都喺本人親測有效，在此分享，拍心口有效！覺得有用就請務必儲存、分享同比翻個Claps，以後拖延嘅時候開出嚟提醒自己！ 脫離拖延症神技妙法 第一招：口訣勝利法！「3、2、1、Go！」 應承自己，你喺心中倒數完「3、2、1」之後就要彈起身做嘢。我之前會想像自己係一個火箭，倒數完畢，就即刻彈起身！🚀🚀🚀因為之前應承過自己倒數完就要做嘢，所以會逼到自己好決絕咁開始工作，唔會拖泥帶水，拖一段時間先開始。 試下keep住喺開始做任何大小事之前都倒數三聲，咁樣你大腦就會講依個口令記入腦，以後聽到個口令就會即刻開機入工作mode！ 第二招：將「事情」斬件！從簡單任務開始！ 將一件好麻煩、你好唔想做嘅事斬開幾份。你會發現，完成目標俾你想像中簡單！🎯例如，通常講到目標「溫曬成本100頁嘅notes」，一諗到就會覺得辛苦，令人卻步😰 但喺，當你將件task斬開幾分，確立簡單嘅目標（例如：打開本notes）你就唔會咁抗拒開始去做件事。 當你打開做本notes，就可以set個小小goal比自己（如睇一次第一版嘅內容）如此類推，逐個逐個完成小目標，你會發現，完成件task冇你想像中難👍🏻🥳 就算你中途休息，你都起碼開始咗少少！積少成多，你就好快完成任務，打敗拖延症！🥳🥳🥳 第三招：不斷質問自己！「WHY？WHY？WHY？」 當你好冇motivation去開始做嘢，問自己：點解我要做依件事？依件事對我有咩影響？例如，你唔想開始溫書，你就問自己：依家溫書對我有咩好處？令我喺個test拿到高分？得到同學讚賞？令父母欣慰？再諗遠啲——令自己大學可以揀到鍾意嘅科？讓自己未來有更多選擇？為父母帶來好生活？呢啲全部都係drive到你開始做嘢嘅原因。當你再三提醒自己件事嘅重要性，加上「3、2、1、GO」口令，你就會發現，自己已經唔再拖延😎 第四招：改變自己內在心態 記住，世界上冇人可以逼到你做嘢，唯獨是你自己先可以做到。你喺你生活嘅主人，想擺脫拖延，除咗運用以上嘅tips黎幫助自己之外，更加重要嘅係改變你自己內在嘅心態。加油:) ——希望大家睇完 Smarkle_dse 嘅文章之後，都可以下定決心擺脫拖延症！明知道個件事情係一定要做嘅！不如就趕快去完成先啦🥺係咁拖、係咁拖～到時候想做都冇得你做啊😭 已經拖到冇得再拖，但係真係好累好需要休息？決定唔到應該休息定係通頂溫書？即刻睇下Smarkle_dse 嘅 《應唔應該通頂溫書？記得 Sleep is for the STRONG》
