中六準備考DSE嘅你，有冇覺得返學嘅時候，上堂好似浪費緊自己溫書嘅時間；但係放假嘅時候就仲衰過返學，一喺屋企就Hea走曬啲時間？呢啲全部都係因為冇好好咁計劃自己嘅時間！ 之前AfterSchool Share過 @smarkles_dse 嘅【中六上課日時間表】 ，今次就同大家分享個中六假日時間表啦！ 之前出完個翻學日時間表之後，好多人都叫小編快啲出埋個星期六日/假期時間表🤤 咁依家小編就同大家分享我當年啲假期喺點過架啦‼️🤫 早啲起身！用盡朝頭早嘅時間！ 🕣0830起身 起身沖個涼，食少少嘢，執埋個書包，預備九點半出門口。 🕙1000到達圖書館 中央開1000，我通常都會喺~1000-1030到，8/9樓啲單人海景靚位要早啲到先可以坐到，所以我通常會早啲到🤪 要分科溫書之餘，期間要俾自己唞下 🕙1000-1330 理科 依3個半鐘通常會分成3個大概1個鐘嘅溫習時間，每段時間之間休息10分鐘左右👣 我習慣哩個時間溫理科e.g.數學同化學 🕜1330-1430 Lunch 🕝1430-1830 文科 依四個鐘我通常會溫文科e.g.中文、英文、地理，或者啲需要多啲要背嘢嘅科目e.g.地理，總共分4段，溫45分鐘休息15分鐘🙏🏻 返屋企休息～ 🕡1830 返屋企食飯 🕗2045-2130 溫習 溫咗成日應該都好攰，最後仲得嘅話可以再溫多45分鐘，溫任何你想溫嘅嘢🤤 唔好溫得太夜，要記住早啲瞓 🕚2300 訓覺 溫完書之後我鍾意沖完涼彈下琴hea陣就瞓覺🤤 作者後記——Quality Over Quantity 其實你會見到我依個假期讀書schedule真係冇你想像中咁chur咁辛苦，但喺計計埋埋都會有6個鐘左右（理想）；而小編食咗誠實豆沙包之後可以話俾你地知我當時實際都成日溫唔夠6個鐘（通常喺5個鐘左右，但喺考試前就6個鐘）。 記住：Quality over quantity！ 讀書focus嘅喺你讀得入唔入腦、讀咗幾多，而唔喺你讀咗幾耐，所以千祈唔好為咗追鐘數而讀，而係向住「完成學習目標」來作標準！！ 同埋小編都唔喺個個禮拜都讀咁耐嘅，久唔久甚至會成日唔讀書出去同friend/屋企人玩，記得讀書之餘要留啲時間比自己放鬆吓！ 你有可能話「唔啱喔，每日溫五六個鐘點溫得曬啊？而且我通頂溫書溫得有效率啲。。。」@smarkles_dse 親身經歷過，其實唔瞓覺好影響你溫書溫入腦😰快啲去呢度睇吓點解決喇！
