【DSE通識】三個運用LS概念的常犯錯誤

hkdsegayau
hkdsegayau 2020-2-5 15,453
HKDSEGAYAU嘅小編會係呢篇文章入面同大家分析一下DSE通識入面,大家最常犯嘅三個錯誤!如果你唔想係HKDSE LS入面用錯概念而失分就記得睇下HKDSEGAYAU嘅呢篇分享喇!

「我考通識明明已經寫咗好多概念 (concept)... 點解仲係咁低分嘅?」寫得概念多唔一定高分, @hkdsegayau嘅小編喺呢篇文章會講解運用通識概念嘅時候,同學最常犯嘅三個錯誤。同學睇完就會發現自己好多時犯咗錯都唔知!

#1 答通識題目時盲目背誦

考評局並唔要求、亦都唔希望同學背誦通識概念嘅定義。同學作答通識科題目嘅時候,將概念嘅定義一字不漏咁搬字過紙,用作解釋概念反而會令marker覺得同學「拋書包」。

因此,同學讀通識科嘅時候,只需要理解明白相關概念嘅意思就足夠!

#2 答題欠分析

唔記又唔背⋯⋯咁應該點樣讀同點樣用通識概念?同學喺通識科運用概念,希望爭取高嘅分數的話,要做嘅係「分析」

舉個例,好多同學喺考試卷度會寫:香港政府不應發展郊野公園以興建公屋,因為呢個做法並唔符合可持續發展 (sustainable development)。

呢種嘅闡述只係拋書包式拋咗「可持續發展」嘅概念出嚟,同學並冇加以分析,故此未能做好概念化,將通識概念融入論點。

要將概念融入分析,同學應該由可持續發展嘅定義著手:「既能滿⾜當代的需要,⽽同時⼜不損及後代滿⾜其需要的發展模式 。」

用英文讀通識科嘅同學可以睇番英文嘅 definition: "Development that meets the needs of the present without compromising the ability of future generations to meet their own needs.”

雖然小編列咗可持續發展 (sustainable development) 嘅定義俾同學,但係同學並唔需要背誦呢個定義嘅,同學需要知道嘅反而係呢個概念嘅關鍵字眼:「當代的需要」、「後代的需要」(needs of the present generation and future generation)。(點先會知道每個概念嘅關鍵字眼係咩?同學可以參考小編 @hkdsegayauAfterSchool推出嘅課程「通識急救班:15個必讀概念精華」,小編會逐講解15個百搭概念嘅重點字眼+概念嘅5**作答框架。

睇番發展郊野公園嘅例子,同學應該針對番可持續發展嘅關鍵字眼,提出以下論點及論據:香港政府不應發展郊野公園以興建公屋,因為呢個做法並唔符合可持續發展。雖然發展郊野公園有助增建公屋,舒緩當代房屋短缺嘅問題,但係長遠嚟講,香港嘅後代將會失去享用部分郊野公園嘅權利。

注意番,小編將「當代」、「後代」嘅關鍵字眼融入咗呢個論點,做好概念化。

#3 欠多角度

相信大部分同學都知道,可持續發展可分為三個範疇:環境、社會、經濟三個層⾯ (environmental, social, economic dimensions)。

其實仲有好多常用嘅通識概念都需要同學劃分角度嚟分析,不過並唔係每位同學都知道要從多角度分析。

舉個例,「自尊心」、「生活素質」呢啲概念,如果冇做到多角度分析的話,就寫咗個概念都等於白寫,無助同學獲取更高分數,因為marker知道同學連個概念最基本嘅分析角度都未別分得清。當然,有「伏」、需要做多角度分析嘅概念並唔止呢幾個... 小編會喺課程入面逐一解釋!

關於「通識急救班:15個必讀概念精華」@hkdsegayau 小編從幾百個概念入面精挑細選,抽取咗15個通識精華概念,喺兩小時嘅課程入面講解10個常犯錯誤、15種概念作答框架、45個落筆思維角度⋯⋯今日嘅你花少少時間上一個精讀課程,好可能就改變你嘅DSE成績同你嘅人生。點解唔俾個機會自己?

立即按此查看課程詳情!

免費 DSE 電子報
定期為 30,000+ 中學生送上實用 DSE 資訊和資源
hkdsegayau

hkdsegayau

🔹hkdsegayau 係一個 Instagram 嘅香港中學生打氣站,DSE讀書心得分享平台。小編喺 2016 DSE 考獲七科44分,現就讀 HKU BBA(Law)&LLB Year 4。🔹其實... 小編曾經喺通識校內試攞過零分,經過一番努力之後谷底反彈到DSE通識5**(76.2/100分數,比 5** cut-off 高出足足 6%),靠嘅係一系列嘅應試技巧、有效嘅讀書方法。🔹好多同學覺得通識科課程無得溫、考試寫好多嘢都唔高分,原因係同學未掌握通識科嘅竅門。小編喺嚟緊嘅課程會抽絲剝繭,由淺入深將通識應試技巧一一傳授俾同學。更多讀書心得分享、時間管理方法:Instagram ➡️ @hkdsegayauWebsite ➡️ www.hkdsegayau.comYouTube channel ➡️ hkdsegayau 香港中學生打氣站Facebook ➡️ Hkdsegayau - 香港中學生打氣站