死讀書係冇用架❗️讀書就好似打機，要打得勁就一定要打得醒！用最低嘅成本，獲得最高嘅效益嘅方式先係識讀書！😎 1）究竟字數多係咪等於高分？ 🅰️ 大部分時候係！！！學校老師話寫得多，冇內容係唔會高分。當然，如果你寫廢話嘅話一定低分，但係如果你寫嘅內容質素同佢人相若，而你又比其他人寫多幾百字，咁你自然會高一兩分。因為寫得多字間接意味住你嘅推論同分析更加仔細，自然會攞更高分。 喺LS/中文綜合等卷，字數多直接等於你嘅內容相對較豐富，一般黎講，綜合大約要2000字先能夠攞5**，當然我亦聽過有人寫千幾字就5**，但要穩定攞高分，2000字係基本要求。我自己平均會寫2300字左右。所以，字數同高分係完全成正比，手速慢嘅你唔好再用“多字唔等於高分”嘅說法自己呃自己。 好多同學就問點先可以爆到極多字搶分❗️依家就同大家剖析極重要嘅提升手速方法，跟住以下嘅方法做，保證大家可以爆字數爆到加紙！💥 2）手速係天生架，點練？ 🅰️手速慢絕對會影響你考試發揮，所以寫字寫得快絕對會影響你嘅成績，咁手速點練？以下介紹三大最常用方法： 1️⃣刪減字嘅筆畫 字體有分三種：端正、潦草同核突，除寫作卷外，只要字體能夠辨認就得，例如「例」字入面嘅「列」係可以一筆寫唒，減少筆劃。我見過有人每個字每一筆都寫，每次考試都做唔唒分卷，所以謹記要喺落筆方面入手，慳得一秒得一秒。 2️⃣狂操手寫速度 多做綜合卷同通識卷，Practice makes perfect，最好計時同逼自己限時內寫到某一字數。如果有補pchan英文嘅話，佢上堂抄嘢係極快，上返半年之後你手抄嘅速度應該會大大提升！ 3️⃣戒咗處女座習慣 有啲人寫完一個字之後會覺得自己寫得唔靚，塗咗佢再寫過，依個行為係你不知不覺間做咗，所以要戒咗佢。塗改液係冇可能會再用🥴寫錯一定係就咁刪咗佢，最盡都係用塗改帶，千鈞一髮之間邊個同你慢慢等塗改液乾🙄 4️⃣保持行文簡潔 寫文盡量唔好寫到咁累贅，例好「有效讓學生提升對捕魚行業發展 之關注」可以刪減為「使學生更關注漁業發展」，咁樣一方面可以減少你要寫嘅字數，另一方面亦都可以讓你嘅文章冇咁冗贅。 記住以上重要提示，做唒嘅話你一定能夠好似人地咁爆字加紙🤩 如果仲想知道多啲點樣可以考學好通識可以參考下【DSE通識備戰攻略】同不得不知的通識科應試技巧，亦可以報讀AfterSchool提供嘅各款補習課程，好好規劃自己嘅學習計劃！
