中三揀科時候總係非常糾結，究竟揀邊科好？又唔知道揀完嗰科會唔會三年都好辛苦⋯
有唔少中文叻嘅同學仔都會考慮選擇中國文學，到底中國文學係點嘅呢？就由 @rebel_19dse 嘅 Mina 話你知！
🤷點解我揀中國文學
黎到中三生選科既日子啦，見我細妹開始填表，我都同大家分享下中國文學依科。
從小學起我就知道自己完全對經濟科學無興趣，鐘意作文，鐘意讀下詩詞，所以入到有文學讀既學校（第三志願）真系好好彩，去到中三既時候就自自然然揀左啦。當然有身邊人系因為成績問題比人編左文學班。
🤷讀文學有咩難處？
要攞星既話，唔單只要背熟文章同分析，你重要好清楚考評局平時出題既玩法，例如見到邊啲字眼你點答。例如，紅樓夢 西江月 是不是批評賈寶玉，但你要答貶中帶褒，如何貶，如何褒。死記硬背唔代表會有星。
文學作文有兩種玩法：
- 內容可以天馬行空
- 內容可以系平實保險，如親子之情，重點系你既作文要見到多層意義，如題目系朋友起來。
你可以簡單寫朋友之情，但你將朋友既意思轉化成「我」，全文寫自己對自己的對話，已經系多層意義。而且要有技巧分，例如氣氛渲染，伏筆，貫穿全文。
結論是，文學作文既玩法不全是中文作文，你要從練文筆中拿捏好兩者分別，切勿轉牛角尖。
🤷讀文學有咩條件會有優勢
- 唔怕一字不漏背文言文同作品
- 唔怕作文
- 唔怕參考資源少（例如補習之類）
- 唔怕男少女多
- 賞析能力高（我其實由細到大無點逼自己背文言字詞，做中文閱讀卷無技巧可言，除左背題型，依啲有時好靠直覺同日積月累既閱讀能力）
當然，無依啲條件都可以靠三年時間用努力取勝，因為有時候好多野都系靠背。
🤷讀文學有咩好處？
容易有4
因為文學條CURVE拉得好大，大約48%有4，而星星約65%就有，如果想保4既話 文學會有優勢
容易理解中文科既閱讀卷
以2019中文卷一最明顯，文學人好多都讀過魯迅既作品，而今年卷一出左篇魯迅針砭時弊既白話文，全部人物故事都有暗示唔同既社會人物，如果讀文學就容易分得清，唔識文學或者歷史既考生就要花多啲時間理解。
再者，你只要肯背課文，平時有跟住老師做賞析練習，你會識得更多文言字詞。
– 唔知呢篇文章有冇解答到你嘅問題呢？如果都係想知多啲，不如睇吓AfterSchool整合嘅Past Paper資料庫，了解下公開試會考啲咩啦！👍🏼
