【IES必睇攻略】一文解決你所有迷思

Mina
Mina 2020-1-22 5,664

預先睇透IES 輕鬆KO LET’S RELAX

教育局雖然對IES有明確嘅守則以及說明,但係由於佢校內評核嘅性質,令到審核機制十分之模糊同不一,相信必會令各位同學束手無策。有見及此,小編整合一啲常見問題同貼士,希望可以令各位同學更加清楚IES嘅廬山真面目

💪點樣做IES淨用二手資料都可以攞高分?💪

1)要問清楚老師意見

老師話可以既你就用啦,因為評分既都系你既老師,但系你可能要花更多心機整理資料同數據,因為你無一手資料,好多野都唔可以淨系COPY&PASTE 老師話資料表達方式有問題或者太複雜,你就要改,例如將表格改成圖表,我曾經逐張截新聞透視既圖,然後分析,又用過政府報告,大學調查,二手資料都要用得多元化。

2)視乎你既主題

我絕對唔鼓勵大家淨用二手資料。而我做既閱讀風氣主題,好多持份者早已對香港文化發展表達意見,所以我正好可以用到。有人認為香港系文化沙漠,有人不然。而對於較新既議題例如UBER,共享經濟等等,大家都系乖乖地約個持份者做訪問啦,唔好好似我咁怕麻煩。

3)   善用二手資料

其實我做IES既心態系同操通識卷無分別,一個議題,你要拆原因影響現況建議等等,用翻政經社文環分析,我當時參考左OSCAR MA既IES小冊子,亦都跟過佢意見改,然後再比老師改。

「IES常見問題」

依排掃左兩三份IES,發覺大家有啲常犯錯誤,系度指出黎,大家參考下

🤚C部分解釋問題與D部分論證既分別

C部分通常系指出現況同原因等,考你點樣運用資料同表達,佔一至兩條焦點問題。例如共享經濟,你可以解釋目前香港共享經濟在不同方面既發展現況,為甚麼會有這樣的現況

D部分,分析與論證。通常要你舉出影響,困難,原因都可以,分別在於論證。切勿像C部分搬字過紙,應先舉出資料,在將佢概念化,分不同層面,加以分析。例如共享經濟在經濟層面上促進發展,舉出數據資料證明後就要加以論證,如能提升市場競爭力,順應全球趨勢,令本港產業結構多元化,令香港保持金融中心心地位。真系要好似通識咁做架。

🙋建議部分

好多人去到建議部分發現超字,就求其舉幾個持份者,應該做咩,輕輕提過就算。個人認為,應回應焦點問題提過既困難或原因,然後提出建議。例如目前共享經濟困難在於創業者缺乏資金(亂吹),你就要指名道姓話針對甚麼,政府要做甚麼。最好寫可以借鑒一些地方。還要將它具體化,教育宣傳,如何宣傳,例如拍宣傳片上載FB。

🙋字數問題

我當初一口氣打完好幾百字,寫好附錄後,發現自己超一千字,只好從頭減。其實大家可以用一下表格,兩三個就好,不要太多,可以用在A至C部分,因為表格裏的字應該不算字數的。這個小撇步要好好利用一下。

💪總結💪

希望以上幾個各種技巧可以幫助大家更加明白IES個制度,幫你哋攞多幾分。雖然每個同學學既題目都唔相同,但只要各位去認識自己個題目,採納有可信力及撰寫有邏輯嘅推論,相信IES一定係大家嘅囊中之物。

如果大家仲想知多啲關於IES嘅資料同如何備戰通識,就可以去參考下《IES 要細膩才犀利》不得不知的通識科應試技巧,亦可以報讀AfterSchool提供嘅各款補習課程,好好規劃自己嘅學習計劃

免費 DSE 電子報
定期為 30,000+ 中學生送上實用 DSE 資訊和資源
Mina

Mina