【DSE Econ】⁣⁣7科45分教你踏上經濟5**之路⁣

以下係AfterSchool嘅同學仔為大家做嘅一個極詳細分享，記錄自己由中四開始到中六點樣去讀Econ，直至攞5**！ 喺學習零散嘅新知識之前，有冇諗過需要先建立一個系統性嘅學習模式？我係Billy ECON，多年來透過DSE Econ補習幫助學生輕鬆取得大學入場券。想知道我嘅教學理念同往績，即撳：經濟補習名師 Billy ECON | AfterSchool ⌛️ 喺學校時期 其實係中四開始之前，我已經喺Herman Yeung Channel都睇左差唔多咁半個DSE Syllabus 嘅片，所以其實我由中四開始已經冇聽學校嘅老師講書。因為Herman Yeung啲片其實已經將好多嘅Concept講得好清楚。所以如果你係中三中四又係讀Econ嘅話，我係非常建議你快啲去睇晒佢，其實只需要大約一個禮拜嘅時間，每日睇一至兩個鐘，就已經可以睇晒所有嘅片。所以，我由中四開始上Econ堂就喺到自己操past paper，有唔明白嘅位先問。 其實我由中四下學期開始，到中六嘅考試，都係keep住Econ嘅全級第一，所以推動我讀書嘅動力就係希望自己唔會跌落嚟。其實DSE水平Econ來講真係唔算特別難，但係去到中六嘅時候，我成日都會質疑自己究竟自己係咪真係去到5**嘅水平，因為即使係喺自己學校攞全級第一都好，都唔代表你嘅水平係真係去到5**，或者係真係去到全港最top。 而直到我喺升中六嘅一個暑假，我有個朋友俾咗一份Cliff Yeung嘅MC卷我做，係Cliff Yeung 2018 Mock 嘅MC，我做完之後，發現45條入邊只係啱28 29條，連level 3都未有，我就發現咁樣唔掂，因為有好多嘅題目都唔明點解個答案會係咁。所以嗰陣時就發現，自己學校嘅Econ嘅水平真係唔算太高，即使係全級第一，都未必會有5**。 💊 Econ 補習導師推介？ 由於唔知自己可以點樣自己讀先可以攞到更高嘅分數，因為Econ Concepts係真係好難透過自己去理解，如果冇人教你嘅話，你根本未必會明白一啲好心或者好詳細嘅邏輯。所以係中六嘅時候就去咗補 Cliff Yeung嘅 hybrid intensive，而我諗如果冇Cliff Yeung，我都唔會又5**。因為上佢堂，同埋做佢嘅Mock卷，真係有好多新嘅概念，或者之前唔清嘅概念係可以學返。同埋即是有啲咩唔明都好，問Cliff Yeung嘅答案都係一定最準。我諗讀Econ嘅人都知，Econ入面有好多嘅概念或者題目都係好有爭議性，所以Dse成日都會刪除某啲嘅題目，而日校老師又唔能夠解得清楚，所以問佢就最啱。 ❗️Econ 經濟清 Concept 兩大方法： 1️⃣ 做 Cliff Yeung 嘅 MC 卷 我由佢2012份MC開始啱30幾條，操到2019 mock卷入面我啱40幾條MC， Cliff Yeung Mock卷出名難，啱到40幾條係近乎無可能嘅事，而我竟然做到，帶嚟嘅成功感係完全大過DSE考得好。 唔係話幫佢買廣告，而係我相信好多補過佢嘅人都會好認同我咁樣講。當我係佢嘅MC遇到問題嘅時候，我會打爛沙盤問到篤，係落堂之後問佢10幾分鐘問題。上佢嘅堂唔單止學到好多嘢，仲喺會令自己變聰明！ 2️⃣ 睇 A-Level 嘅教科書 因為DSE嘅教科書成日都係講一半唔講一半，一啲重要嘅Concept 簡單化，但佢簡單化嘅方式又唔會令到人理解嗰個Concept。 例如MC curve 嘅先跌後升喺DSE入面係完全冇咗，DSE課程又冇解釋到Law of diminishing marginal return 邊際遞減回報定律同MC curve 嘅關係，雖然呢啲內容未必會考，但係對成個課程嘅理解係非常之重要。 睇完之後，你可以試吓挑戰A-Level嘅MC，因為有啲MC係適合DSE嘅課程組，而且通常考得更加深入。尤其是Externality 界外效應嗰課，DSE係唔會考到咁深入，所以攞嚟check自己Concept 就係最好。 除咗以上提過嘅方法，無論你喺想Econ補底定喺aim緊奪星，都可以Check下AfterSchool嘅經濟課程，話唔定下一個奪星嘅就喺你！

【DSE Econ】⁣⁣7科45分教你踏上經濟5**之路⁣

下載AfterSchool

追蹤AfterSchool