通識範圍咁廣，又有咁多個issues同examples要記，對於好多學生來講都係一個非常痛苦嘅一科。
但係通識未必係你想像中咁難，呢篇由 @rebel_19dse 寫嘅文章可能令你對通識改觀！
究竟點樣先至可以製作一份屬於自己最強嘅通識筆記？點樣溫通識呢？希望呢篇文章可以幫到你啦！
點先可以製作最強筆記？
Photo by Özlem Şan on Unsplash
我最後去考場同study leave衝刺既筆記絕對唔係中四五既筆記，而係中六重新開始寫既筆記。當然，中四五既筆記都可以依以下格式寫，但係內容多數都係你地直接從唔同資源直接抄低，而且未經幾年既消化同記憶，所以我強烈建議中六既你重新寫一本，一邊溫一邊寫都可以，將你原本既筆記再簡化。而我既中六通識筆記既內容基於：~學校每次測驗佳作~oscar ma論據筆記~yk sir概念筆記~最重要既係通識王。
題型
抄低所有提醒及通用既概念詞。例如問困難，你可以從xx性、xx性出發。通識王有近年新出既問題詞，你都可以抄低。
概念
依個部分係分單元，寫低所有概念詞，特別highlight你唔熟既，而且唔一定好似vocab book咁記低，我寫既時候係先將資源入面同一單元既概念掃一次，然後同一主題既歸納成一個腦圖，例如環境問題。
這個部分你可以係每次溫通識之前快速掃一次，重溫到每個單元大致講咩，考咩，你既筆記就算可以。
論據 / 例子
依個部分可以無限延伸，但我唔係每日都會穩論據既人。我只會背通識王同om筆記既論據同例子，畢竟考試緊張上來你咩論據都可以作得出黎，加上我平日有看新聞習慣，如果你怕自己背不夠的話，我建議你看看平日同學佳作上面都寫咩例子。我背既基本上都係香港係咩第幾名，經濟全球化既例子等等。
熱門議題
好多補習老師，甚至學校老師，都會以熱門議題出卷同比tip。你就可以專門開一個議題，分析原因影響持份者意見建議等等。如果你毫無頭緒，通識王吧··
錯題集
上次寫中文卷一筆記提過開錯題集的重要性。我也是另開一本本子，中六每次老師派測驗都會在老師一邊解卷一邊寫下錯的重點和新的概念詞，回家之後再把同學的佳作拍下放到ipad裏去，然後再對比我和他的答卷。
結論
如果你通識底好，唔洗特別惡補，咁既方式你可以參考下，同時唔建議你中六花太多時間於補習上。因為如果你思維模式可以，懂得如果就xx性等思考答題方向，唔好比補習名師所教既思維模式帶亂。如果唔係，建議你可以補習，通識補習我將會在之後討論。人在外地，無筆記在手，如果能回一次香港，小妹盡可能直接給大家分享我的筆記格式。
好好利用補習老師資源
小妹我三年黎都試過幾位補習老師，但抱歉的是，我從未交過任何功課給他們，而且都是網上補習，所以很多評價不夠深入，大家自行衡量。而我認為適合我既通識補習標準在於不會教神技，能踏實地帶領我重溫教學內容，給予我豐富的筆記及資源，不追求新的思維模式。
Issac Sir
AfterSchool嘅Issac Sir 而家都有限時優惠嘅75分鐘試堂，解釋歷年考評局通識出題趨勢同拆解五大通識迷思💎，大家都把握機會睇下！！！
Oscar Ma
我斷斷續續補過佢年半，先說優，💎第一，他的筆記量與yy lam有得比，而且排版清晰，很多概念詞我老師都未聽過但寫落去好實用。💎第二，佢有指導過我ies，佢既ies指南好有用，可以參考之前ies post。
缺點方面，💎一，課程太長，我當年補，一堂起碼90分鐘以上，一個月6堂，中五開始就完全追唔上。💎二，不適合通識底差既人。如果學識同跟住oscar ma既思維方式，你既答卷應該會好突出，因為佢可以教你更多角度既思考模式。可惜我都係跟唔上，可能係我慧根不好。所以我答題框架都係跟翻學校既正反駁模式。
YK Sir (Y.K. Kan)
我中六既時候study leave想有人幫我重溫通識概念同預測熱門議題，所以係ig po 入面穩左一陣就直接報左yk sir既精讀課程。優，💎第一，適合底不好的人。yk sir教的答題框架同思考模式都是比較實際，你係可以直接跟住佢既step寫出一段答案，而且佢幫你釐清每個單元既概念，適合4左右或一下既人補。
缺，💎第一，筆記肯定不比oscar ma 多，如果你要好多好多例子來背，都係自己另外搵。💎第二，對通識底好既人不起作用，如果你想確保自己有一套完整且緊密既正反駁論，你好難係yk sir身上學到有系統既駁論思考方法，佢最多只是幫到我重溫內容。
補習真的是蜜糖砒霜，因人而異。而且我覺得自己通識補習去到最後都溫佢地比我既概念論據黎背。所以大家真係要小心衡量。
溫習思維及節奏
Photo by Aaron Burden on Unsplash
老老豆豆，我操卷都係跟學校節奏，無交過補習功課（不良做法）。我分享下點樣係高中三年培養通識思維同保持操卷。
中四：培養睇新聞嘅習慣
由於初中通識完全無比過心機既緣故，中四既我重新開始，成為一張通識白紙。個個時候我都係照常學通識概念，做單元測驗。考試之前背下概念，係少作為既情況下成績唔上唔落。
本人建議你💎開始尋找適合自己的補習老師，💎培養看新聞或時事的知識。當然，我無自律到每日開bbc,scmp,cnn,明報，更無訂過任何通識six等。💎至於我如何看時事，請左刷看截圖。
中五：整合資源
這個時候的我沈迷於補習，擁有不少資源，左背右背，結果答出黎成日比老師打問號。建議💎已經學左唔少單元既你買一本通識王，而且認識你熟手既單元，熟手標準為，人一問，你就可以答出依個單元會問咩。我既係個人成長、全球化、現代中國。💎step2,你要係升中六前確保你自己理清其他單元既概念，問老師又好，問同學又好。💎step3：keep住寫筆記。
中六：重溫概念同操題目
中六既我好幸運由通識科主任接手任教一半課程，每個禮拜幫我地重溫一次單元概念，而且💎學左新既答題模式，即卷二b題寫最少三個論點，每個論點分三段做正反駁，你寫完正，再寫反，再立刻寫翻駁論。唔計頭尾最少有9段。我中六開始操依個方式到真正上場。
而且我study leave前無再補習，都係放學之後上學校5**師姐教既班，操下熱門議題。主任也有教過駁論的幾個思考方向。而且每個星期輪流大測操卷，每次測完驗會公布全級分數排名，係一件“精彩刺激”的事情哈哈。study leave後學校要求最少交10份練習，反正我是超了不知道多少份。
💎建議如果中六既你認為學校操卷量唔夠，請向補習老師求助，甚至另外操卷比信得過既老師改。💎而且重新寫一本筆記同錯題集，在中六開始確定你要用咩資源考dse。💎如果你認為操卷量足夠，或者你不靠通識食糊，請每個星期花一些時間，嘗試time自己寫答題大綱。
DSE上場時間規劃
Photo by Sonja Langford on Unsplash
依個真係要練 👉 卷一答三題，我每題花5分鐘係問題紙寫好大致答案。換言之，我開卷後十五分鐘內都唔會係答題紙上落筆。當然，有人即興寫作都有5**。依個方法考你手速。我係考試緊張手震型患者，依15min可以比個buffer zone我，而我係確保我成個中六手速練得好先咁做。
👉 卷二會先花10分鐘係問題紙上寫大綱，會先寫自己第一時間想起既概念同例子，之後再安排論點。題a用30-35min答（dse時約用35min答做四段以上），其餘45分鐘答題b，平均5分鐘一段，15分鐘1個完整正反駁。當然check卷既時候就已經要搵到答既題目。我既題目標準在於先題型，後題目。
– 希望 @rebel_19dse 嘅文章可以令到大家了解如何製作一份屬於自己嘅通識筆記，唔知有冇幫到大家呢？想操past paper又唔知係邊度搵？即刻禁入嚟睇AfterSchool整合嘅Past Paper資料庫！
