成日聽人講 MC 答案嘅分佈唔係平均，MC 唔會連續一樣答案，想係 MC Part 攞多啲分但係唔識又唔夠膽撞？！以下我哋 AfterSchool 為大家一一破解MC四大迷思! 每個答案嘅數量係咪平均？ credit: Pineapple Supply Co. ✔️係，考評局出嘅 MC 卷通常 ABCD 各佔四分之一，但並非絕對，以 40 條 MC 為例，份卷未必 ABCD 各 10 條，有機會 A 得 8 條但 D 有 12 條，但誤差都係±2 條之內，所以可以放心撞！ 係咪唔會連續幾條同一個答案？ credit: Caleb Jones ❌唔係， DSE 曾經出過連續4條同一個答案，ECON SP Q7-10 連續 4 條都係 B，連續 3 條一樣差唔多年年都有。 如果我做完頭 20 條都係 AB 多，冇乜 CD，係咪有問題？ credit: Egor Myznik ❌唔係，ABCD 嘅平均分布係睇全部卷，的確有機會頭嗰 20 條都係 ABC 而 1 個 D 都冇，所以唔駛擔心。 同一 Pattern，例如連續嘅 ABABAB 係咪唔會出現？ credit: Tachina Lee ❌唔係，可以出現，冇乜奇怪，2018 DSE ECON Paper 1 Q21-26嘅案係 BABABA，所以係可以出現重覆 Pattern。 睇完大家係咪對 DSE MC 嘅玩法了解多咗呢？以後就算撞答案，都記得要撞得醒啲啦！
