留意到唔少中小學生都會搵上門私人補習去惡補自己唔同科目嘅弱點，從而提升學習成績，但其實幾多錢先係私補嘅合理價錢呢？小編就為大家整理咗今年最新嘅私補市價為大家提供一個價錢參考，同學仔就可以因應翻預算去搵最適合自己嘅私補老師啦！ 私人補習價錢 同補習社唔同，私人補習主要係以單對單授課形式，針對學生嘅優缺點因材施教。亦因為咁，私補嘅收費往往會比補習社貴啲。現時普遍私人補習嘅收費都係以每個鐘100蚊起跳，而同學仔越高年級，讀嘅嘢越難，自然私補嘅費用就會越高啦，高中私補價錢甚至可以係小學補習嘅一倍！ 私人補習老師唔同資歷嘅收費 除咗年級之外，唔同私補老師資歷都會有唔同嘅收費。隨著中小學生嘅功課愈嚟愈難，唔少學生同家長都會傾向搵大學生甚至係搵日職老師補，當然價錢會相對地更加高啦。以初中學生為例，大學程度老師每個鐘收費大約係$130-170；如果想搵全職補習導師嘅話就要$180-250；而日職教師一個鐘更加可以去到$300-500添！家長同學生喺揀老師嘅時間記得要留意翻自己嘅預算呀！ 各年級嘅私補市價價錢比較 以下價錢以一小時為標準，學費只供參考，實際價錢宜自行查詢相關導師。 學生年級 大學程度導師 大學畢業生導師 全職補習老師 日職導師 幼稚園 $80-120 $90-130 $130-160 $160-300 小一 $100-130 $120-150 $150-200 $200-300 小二 $100-130 $120-150 $150-200 $200-300 小三 $100-130 $120-150 $150-200 $200-300 小四 $130-150 $150-170 $170-220 $250-400 小五 $130-150 $150-170 $170-220 $250-400 小六 $130-150 $150-170 $170-220 $250-400 中一 $140-160 $160-180 $180-250 $300-500 中二 $140-160 $160-180 $180-250 $300-500 中三 $150-180 $160-200 $180-300 $300-500 中四 $160-180 $180-200 $250-300 $350-500 中五 $180-200 $180-220 $250-400 $400-600 中六 $180-200 $180-220 $250-400 $450-650 大專以上 $200-250 $400-500 $600以上 各種上門補習價錢及形式 私人補習入面小學生同中學生嘅補習模式都會有少少唔一樣。唔少小學生都係「全科補習」嘅模式，補習老師會檢查功課同幫學生溫習所有科目。而中學生主要都係「專科補習」，老師會專攻同學仔最弱嘅科目，例如係「死亡之卷」嘅中文同英文科，為高中學生喺DSE前做足準備，但如果中學生想補足「全科」嘅話，價錢就會逐科計啦。 除咗市面上最常見嘅一對一補習，一對多嘅小組補習亦都好受歡迎㗎。呢一種補習方式啱哂一班基礎唔係好差嘅同學仔，唔單止可以有效提升學生嘅成績，最緊要係家長之間可以攤分一半私補費用，簡直係Win-win! 最近受到疫情影響，除左上門補習之外，網上補習亦係一種新嘅補習形式，不論你係初中定高中生，Afterschool都會針對你嘅需要提供最合適嘅課程，同學仔可以因應自己嘅溫習進度、隨時隨地用手機或電腦上堂！而Afterschool嘅課堂價錢亦會比一般私人補習平，仲會有課堂筆記送到你手上，而家某啲科目仲有免費試堂添！（㩒呢到去睇下） 唔同範疇嘅私補價錢 除咗一般「全科」、「專科」補習之外，市面上仲有好多唔同範疇嘅私補㗎！例如樂器，英文會話，畫畫，甚至係IB同IGCSE呢類公開試課程都有上門補習。不過呢一啲比較特別嘅私人補習，補習費用上亦都會再高啲啦〜 以下價錢以一小時為標準，學費只供參考，實際價錢宜自行查詢相關導師。 公開考試（IELTS、TOFEL、IB、MCSE、OCACLE等） 初階 $150 – $250 進階 $200 – $300 高階 $250 – $400 會話私補 程度 英語 / 普通話 外語 初階 $200 – $300 $160-300 進階 $250 – $350 $300-400 高階 $300 – $400 $400或以上 樂器、樂理私補 程度 樂器 （每小時） 樂理 初級 (Grade 1-2) $220 – $290 $160-180 中級 (Grade 3-5) $300 – $350 $200-250 高級 (Grade 6-8) $360 – $420 $270-320 演奏級 (Grade 9 以上) $500 – $800 $340-380 私補附加要求同收費 為咗令同學仔有效咁吸收知識，唔少私補老師都會準備past paper同自製課堂筆記，不過自製課堂筆記唔係每個老師都有，同學仔同家長最好喺上堂之前同私補老師講翻呢個要求同商討翻價錢，就可以避免不必要嘅爭執啦〜 除此之外，唔少同學仔都係透過中介公司搵私補老師，而中介公司通常會收翻頭幾堂嘅全數學費作為中介費，家長記得喺請私補老師之前睇清楚中介公司條款，咁就唔洗俾人罰「冤枉錢」啦。
