近年學界越來越重視全人發展，所以喺 2012 年最後一屆 A-Level 同 DSE 順利完成後，教育局設計咗一個新修訂建議其他學習經歷（OLE），令到學生有課後時間去促進多元發展以及有多啲社會參與。Afterschool 就同大家拆解吓咩係「其他學習經歷」啦！所有高中學生必須要完成合共 405 個小時嘅 OLE 課程。但其實咩係 OLE？今日小編就同大家拆解咩係 OLE 啦！ 其他學習經歷 Other Learning Experience (OLE) 係啲咩？ 其他學習經歷係高中課程內其中一個重要組成部份，而推行 OLE 嘅原因係為咗向學生提供多元化嘅課程從以促進學生全人發展，而因為大部分學校都有自己嘅課堂進度同校本發展需要，其他學習經歷 OLE 嘅分配課時會係學校總課時嘅 10至15%，學生需要完成呢 10-15% 課時，而當中有五個範疇分別係：體育發展 (PD)、藝術發展 (AD)、德育及公民教育 (MCE)、社會服務 (CS)、與工作有關的經驗 (CRE)，令到學生獲得均衡發展。 其他學習經歷各範疇例子 Other Learning Experience Example 而以下為中華基督教會蒙民偉書院喺OLE各範疇嘅例子﹕ 德育及公民教育 (MCE)： 內 地 學 習 交 流 團 國 慶 文 藝 匯 演 濕 地 公 園 、 米 埔 參 觀 地 區 公 民 教 育 活 動 社 區 考 察 活 動 社會服務 (CS)： credit: unsplash @Larm Rmah 校 內 服 務 學 生 會 學 務 領 袖 生 社 區 中 心 的 服 務 活 動 賣 旗 籌 款 制 服 團 體 與工作有關的經驗 (CRE)： 升 學 講 座 與 升 學 、 就 業 有 關 的 工 作 坊 商 校 計 劃 參 觀 工 作 場 地 校 園 電 台 製 作 工 作 實 習 藝術發展 (AD)： (包括音樂、視覺藝術、戲劇、舞蹈和媒體藝術) 校 內 、 校 外 的 藝 術 講 座 出 席 音 樂 會 、 參 觀 展 覽 參 與 演 出 、 比 賽 參 與 藝 術 培 訓 計 畫 參 與 社 區 藝 術 服 務 體育發展 (PD)： credit: unsplash @anniespratt 各 類 體 育 活 動 的 興 趣 小 組 各 類 體 育 活 動 的 訓 練 班 校 際 比 賽 和 校 外 的 體 育 活 動 運 動 相 關 的 安 全 知 識 課 程 以上嘅活動有啲係學生強制要參與（例如賣旗籌款、升學講座等等），但都有其他活動係學生可以自行選擇嘅，好似體育活動等等有唔同興趣小組可以畀學生自己選擇，而小編中學個陣（都有一段日子）係揀上化妝班喇。 其他學習經歷活動原則 有唔少同學仔都會好疑惑，「好地地讀書咪算囉，點解要有其他學習經歷活動 OLE 呀？」其實教育局喺設計 OLE 課程有考慮咗 7 個原則嘅。 原則一：建基在現有的實踐或優勢上 從行之有效的實踐經驗開始，因應現有的資源（例如專業知識、時間、與機構的連繫）來制定新的計劃。學校可詳細檢視現有活動，識別可作為全方位學習的項目。學校亦可重新調整策劃方式，例如透過協商制定連貫的全方位學習年度計劃，而非舉辦個別的全方位學習活動。 原則二：學生為本 透過俾學生積極參與規劃同組織全方位學習活動，去聆聽他們對活動嘅意見同提升佢哋嘅興趣。著重學生的親身經歷，強調個人積極投入活動，以及他們如何看待呢啲經歷嘅意義，從而改變個人價值觀和態度。 原則三：機會均等 其他學習經歷（OLE）嘅機會適當地分配畀所有學生，學校應該要推行各種全方位學習活動，以照顧學生的不同需要，包括特殊教育需要學生嘅需要，令佢哋所有人都可以發揮潛能，唔受業成績等因素影響。 原則四：協調 其他學習經歷課程其實唔係一堆唔相關的活動組成，相反係基礎教育嘅延續，以補充高中課程。就好似如果學生 DSE 係修 PE、音樂科及視覺藝術科，只要能運用相關嘅知識同技能，就可以幫到 OLE，發揮最高學習成效。 原則五：注重質素 喺「重質不重量」的大原則下，優質嘅經歷可以引發學生喺某一種終身興趣，並且可以確保學生從全方位學習得到嘅經驗能達至預期的學習目標。 原則六：彈性處理 為學生提供一系列策略（例如團隊協作、角色扮演），以提升體驗式學習質素。運用綜合方式來設計全方位學習計劃。 原則七：共同學習 同時為教師以及學生提供了寶貴學習機會，老師喺 OLE 中亦都同學生一齊學習，而唔係活動導師或活動提供者，唔單止可以促進學生自主學習，同建立更密切嘅師生關係。 學生 OLE 時數 (不同範疇) 教育局喺設計其他學習經歷 OLE 係有建議課時嘅，而每間學校喺分配 OLE 時數都可能都有唔同，以下係教育局設計嘅五個範疇喺三年嘅總課時，可以令學生喺各範疇都有足夠 OLE 時數上堂： 經歷範疇 三年總計課時 每年平均課時 德育及公民教育MCE社會服務CS與工作有關的經驗CRE 135小時 45小時 藝術發展AD 135小時 45小時 體育發展PD 135小時 45小時 總計 405小時 135小時 而學校可自行調整各範疇喺三年內嘅 OLE 時數分佈。以李求恩紀念學校為例，佢哋學校嘅 OLE 時數分配如下： 經歷範疇 中四 中五 中六 三年合共 德育及公民教育 MCE社會服務 CS 與工作有關的經驗 CRE 50小時 50小時 35小時 135小時 藝術發展 AD 50小時 50小時 35小時 135小時 體育發展 PD 50小時 50小時 35小時 135小時 總計 150小時 150小時 105小時 405小時 OLE 好處 唔少同學仔可能會覺得喺課餘時間上 OLE 係一件好哂時間嘅事而且 OLE 好處又冇乜，但其實 OLE 都對一班中六同學喺申請大學有好處㗎喎。大學校長會早喺 2008 年發表聲明，鼓勵學生參加更多有益的課外活動，所以大學聯合招生辦法管理委員會接受學生學習概覽（SLP）作為補充資料，大學可以考慮喺 DSE 成績表現方面以外嘅考生表現，以提供學生全人發展佐證的參考文件。而學生喺 OLE 參加嘅活動，例如校內戲劇節、濕地公園暑期實習計劃、校際音樂節等等都可以寫入 SLP 㗎。詳細例子可以睇呢到。 另一個 OLE 好處就係參與 OLE 嘅活動可以培訓學生嘅興趣，就好似音樂、視藝、戲劇、舞蹈嘅活動都可以令學生培養到自己嘅興趣。而一啲實習計劃同參觀機構更加可以幫學生搵到自己嘅職業偏好，對於未來有莫大嘅幫助。 其他 Other Learning Experience常見問題 Q：學生係咪要自行安排其他學習經歷（OLE）嘅時數呢? A：唔需要。其他學習經歷（OLE）嘅活動係由學校舉辦或者其他機構嘅項目。學校會在課時內外，為學生安排足夠嘅 OLE (例如體育課、班主任課節、課後學習活動等)，所以喺一般情況下，學生無需自行安排及累積其他學習經歷（OLE）的時數。 Q：如果學生喺校外自行參加活動，會唔會被視為新高中課程中嘅其他學習經歷（OLE）？ A：唔會。因為嚴格來說，其他學習經歷（OLE）係學校為高中學生舉辦嘅學習活動。如果學生有參加其他課外活動，可以將校外所參與的項目、獎項及成就記錄喺「學生學習概覽」的內容。 Q：乜嘢係學生學習概覽（SLP）？同 OLE 有咩關係？ A：學生學習概覽扼要地記錄及反思在高中階段全面的學習經歷同成就，目的是為中學畢業生向心儀大學提供補充資料，以便能更全面反映考生係全人發展嘅參與和成就。因此，學生學習概覽（SLP）可以令大學更全面了解學生的均衡發展。內容扼要嘅學生學習概覽（SLP），不論在甄選過程或面談中都甚具參考價值。而 OLE 係 SLP 入面好重要嘅內容，入面可以寫學生參與過嘅活動同體驗。 Q：咁咩先叫做一份好嘅學生學習概覽（SLP）？係咪越多內容愈好？ A：絕不是愈多愈好！一份好嘅 SLP 入面學生應該總結同反思自己嘅學習經歷，並篩選一啲意義重大嘅項目，作為自己有全人發展嘅佐證。而過於冗長嘅學生學習概覽（SLP），反映學生唔能夠扼要說明自己嘅長處，亦都令人對你有一個缺乏綜合能力的印象。 希望大家喺睇完呢篇 blog 之後都可以更加了解咩係 OLE，同埋要留意個時數。
