DSE 數學 Past Paper 操卷攻略 (By Year/ By Topic 操練心得)

DSE 比想像中更近，同學可以點樣喺有限嘅時間，令 DSE Maths 成績大幅提升？如果你覺得平時溫 DSE 數學冇咩效率，咁以下落嚟呢篇文就一定要睇曬啦！ 等我 Gary Maths 教你點樣「高效率」、「高回報」操卷啦！ DSE Maths Syllabus 考核要求 2024 佔分比重 數學DSE設有2份卷，卷一傳統題，佔總分 65%，分為甲乙兩部。而卷二就係多項選擇題（multiple choice questions)，佔總分 35%，總共45條題目，考生需要作答所有題目。 想睇更多有用嘅數學資訊？可以參考：【DSE 數學公式】數學公式表 DSE Maths Formula (中英對照) 卷一 Paper 1 (考試時間 2 小時 15 分鐘，佔全卷 65 %) Section A1：包括 9 - 10 題簡易問題 Section A2 : 包括 5 題較難問題 Section B：包括 5 題高階問題 卷二 Paper 2 : MC (考試時間 1 小時 15 分鐘，佔全卷 35%) Section A : 包括 30 題基本 Concept 題目 (基本並原代表簡單） DSE Maths Cut Off Grade 2022/179 (%) 2021/187 (%) 2020/182 (%) 2019/188 (%) 2018/190 (%) 2017/183 (%) 2016/183 (%) 2015/183 (%) 2014/184 (%) 2013/201 (%) 5** 168(94) 169(90) 171 (94) 170 (90) 170 (90) 170 (93) 171 (92) 169 (93) 170 (92) 178 (89) 5* 156(87) 157(84) 158 (87) 158 (84) 158 (83) 159 (87) 160 (86) 159 (87) 160 (87) 163 (81) 5 143(80) 142(76) 144 (79) 143 (76) 146 (77) 150 (82) 146 (78) 146 (80) 146 (79) 149 (74) 4 121(68) 116(62) 113 (62) 123 (65) 119 (63) 122 (67) 122 (66) 119 (65) 120 (65) 123 (61) 3 109(61) 103(55) 90 (49) 100 (53) 105 (52) 100 (55) 110 (59) 95 (52) 90 (50) 105 (52) 大家可以見到近呢幾年嘅5*-5** Cutoff 都相對比較高， 尤其是係 2020 年5** Cutoff 超過94%。 但係其實 Lv3-4嘅 Cutoff 反而比以往更加低。 所以大家可以得出結論就係 Killer 題嘅難度逐步下降， 但係 A2 中等程度嘅問題亦都逐漸變得更加難同埋 Tricky。 HKDSE Maths 中六操卷前準備 credit: unsplash @slelham 即撳：【DSE Math Past Paper】2023更新 DSE/CE/AL 歷屆數學Past Paper (題目＋答案) 其實由 1 月開始，就係同學「最佳嘅搏殺期」! 但大家應該點樣把握呢段時間呢？ 相信同學已經初步接觸過每個 chapter，亦了解自己較弱嘅 chapter。咁我就建議大家先將呢啲 chapter by topic 做多幾次，令到自己唔再擔心嗰個課題。 同埋數學係一科需要時間纍積嘅科目，最理想嘅情況係同學每星期都可以做至少一份 Past Paper。但有多啲科目嘅同學，就算個日唔得閑操 Paper，都要臨訓前背下啲 Concept、公式等等 (例如: 四心特性)，務求令自己記憶更深刻。 另外，我都係建議大家操完 MC 卷，再操長問題 Long Question (LQ)，因爲 MC 卷可以包含更多嘅 Topic 同埋時間成本更低，比起操完整一份 Paper 1 嘅效益更高。到咗 2 - 3 月，同學應該已經做完 by year 嘅 Past Paper。雖然係咁，但同學不妨做多次！因爲吸收完教訓，就可以測試自己水平大約到邊到。 了解出卷模式和考核範圍 好多同學都忽略咗額外嘅操練， 認為操練教科書或者學校老師比嘅功課已經足夠，但係好多時候額外嘅練習並冇跟足考評局嘅要求，所以操練得再多亦都未能夠提升成績。 因此了解出卷模式非常之重要， 可以幫我哋了解考評局出卷嘅習慣同埋伏位，操練 Past-Paper 同埋有質素嘅 Mock 就顯得非常之重要。 但係唔少同學亦都唔識得分辨有質素嘅練習， 所以Pastpaper 就係一個非常之重要嘅資源， 無論係 DSE 定係 CE 都應該抽取重點出嚟操練（By topic and By year) 準備筆記及錯題簿 現階段對中五同學最緊要嘅係溫故知新，例如係知唔知自己平時錯啲咩、點解錯，對於新學嘅嘢有冇深化同 output 出嚟。⁣有好多同學好努力吸收，但忽略咗 output 呢個步驟，冇好好消化自己做錯嘅地方。 ⁣其實可以準備本錯題簿，mark 低做錯嘅題目同答案，記得自己點解做錯，提自己唔好再犯。⁣ 好多同學都知道要準備錯題簿， 但係要整一本幫助到你日後溫習嘅錯題簿必須要有以下幾個元素： Past Paper 題號 錯誤原因 重複錯誤次數 需要重新溫習嘅概念 Concepts 要清 + 熟習常見題型 初中 Concepts 初中課題其實會佔大約 30% 嘅題目，好多同學都會忽略去溫習初中嘢， 可能係覺得太簡單或者冇挑戰性， 但係往往會喺呢啲題目到失分。 舉個簡單嘅例子， 例如二進制十六進制， 其實呢類型嘅題目每年都考， 但係直至2021年都仲有六成嘅同學做錯。 即係代表大家對於初中課題嘅概念並唔係太熟悉， 而呢個問題係會導致大家喺簡單嘅問題入邊失分。 所以建議大家亦都要抽返部份嘅時間溫習初中課題。 高中 Concepts DSE 並唔係每一個課題都需要長時間去溫，有啲課題相對會比較簡單基礎，排列嘅次序亦都係非常重要， 由基礎開始逐個課題擊破， 先至係最有效嘅方式。 最簡單就係由中四嘅課題開始溫習， 因為佢哋有好多都係中五嘅基礎。而 有冇啲課題可以個別分開去溫習， 因為佢哋冇同其他課題有特別嘅聯繫， 例如係 Statistics，Probability。 另外亦都要思考一下需要溫習嘅內容， 根據你自己 Aim 嘅 Level， 安排適合自己溫習嘅程度， 咁樣先唔會浪費時間。 DSE Maths 操卷順序及心得 正確操卷流程 操卷要跟返相應嘅步驟先會有顯著嘅進步： 操練試卷 （計時） 核對試卷 翻查溫流嘅概念 錯題簿 定期重溫 DSE Maths Past Paper By Topic 操卷順序 操 by Topic Past-paper 嘅方法層出不窮，記得以下呢幾個步驟，可以 Maximize 大家溫習嘅成效🌟！ 以10 - 15 條為一組 根據題目難度制定時限 （一般每條為 1 - 1.5分鐘） 核對答案 重溫/Mark 低錯嘅Concept 或 題型 完成一整個Topic 後，重溫所有錯題 DSE Maths Past Paper By Year 操卷順序 操 By Year Past Paper 嘅順序重點係： 計時（Aim High 嘅同學應只用8-9成時間完成Paper） 做卷唔可以查公式 Mark 低錯題，以後重溫 Mark 低分數（睇下進步幅度） DSE Maths Past Paper 操卷常見錯誤 1. 太遲做 Maths Past Paper 有啲同學可能到而家都未開始操 Past Paper，或者覺得太遲開始已經放棄咗。其實 pick up 返「數學」係咁多科入面最值得投資嘅一科，因爲好 straight-forward，唔係好似語文咁需要理解。如果你覺得自己太遲唔夠時間嘅話，不如唔好再荒廢時間，pick up 返啲嘢啦。 其實中四嘅同學已經可以開始操練 By Topic， 好多同學都會取得顯著嘅成效， 而且提早習慣操練， 可以養成良好嘅習慣， 亦都可以提早訓練操卷速度。 2. 操卷淨喺做會考數 (CE Maths) 同文憑試 (DSE) Aim High 嘅同學好多時淨喺做CE同DSE並唔足夠，DSE 太少年份，而CE有啲課題會太簡單。大家可以試下操練其他嘅past paper， 例如係 A math， 入面有好多 geometric sequence 等比數列嘅難題，係以往 DSE 俾唔到你嘅操練。 3. By Topic 嘅 DSE Maths Past Paper 做太少年份 好多同學因為太遲開始，導致每個 topic 都只能做到一部分題目，根本觸及唔到上面提及過嘅其他題目，甚至有啲 topic 嚟唔切做。 同 by year 唔同，CE Maths 應該最少做 10 年，有時間/ aim high 可以做 抽Killer Topic出黎做， 尤其係 3D Trigo，CE 嘅題目亦都相當有質素。 DSE 數學必學操卷技巧 credit: unsplash @joshcala DSE Maths Paper 1 - LQ Section A Section A 呢 Part 唔算難，但都意味著會捉更多答題技巧。好多同學仔見到條題目都識做但到最後都會無咗一兩分。咁就可能係同學對「答題格式」仲未有足夠嘅了解。 同學喺操卷嗰陣可以留意答案每一分係點比，同埋留意唔同嘅字眼（e.g. note that) ， 可以係試卷用下呢啲字眼，引導考官去你個答案。 DSE Maths Paper 1 - LQ Section B Section B 包含嘅課題比較少，但都係最難嘅嗰幾題，考考同學係咪對每個 chapter concept 都清楚。 同學操 Part B 嗰陣，要操熟唔同嘅題型！ 其實每年 Past Paper 題目背後問嘅 concept 都大同少異，只係字眼唔同。比起不斷地操卷，我建議同學先了解唔同 Section B 嘅 chapter concept (locus、四心等等）再去做，效果會比盲目做更好。 DSE Maths Paper 2 - MC MC 呢個兵家必爭之地，同學必須熟練。學習唔同嘅 skills 之後，你會發現真係要做嘅題目只有 10 幾題左右。老師成日同你哋講要一分鐘一題，但其實係唔正確！！！ ****你要將簡單嘅題目喺最短時間做完，再撥時間去難嘅題目。 MC 最重要係「時間控制」，同學要習慣留意時間去緊貼自己嘅進度，就算去到最後唔夠時間都要做到有 skill 咁撞答案！ 從以上可見，操卷其實並冇你想像中咁簡單。操卷嘅過程中，除咗需要理解係題目本身嘅答案，你更需要理解 DSE 嘅遊戲規則！因為 DSE 考嘅並非單單係學生能否理解某啲數學 concept，亦同時考緊佢哋對數學嘅應用、答題方法，同考試策略。 例如 MC 題咁，你以為需要人手計算好耐，其實當中有啲位置考評局已經畀咗提示你，基本上無需思考，只係簡單咁用計數機就計到！呢一啲正正要係你係操卷嘅過程需要發掘嘅嘢！。 如果想知道 MC 卷仲有咩考試技巧，我會推薦你參加我「學費全免」嘅 《MC 神技體驗班》。 75分鐘課堂會教你 MC 答題最快捷徑、必學計數機 PROG + 內置功能，無論 Trigo、四心呢類大熱題型，都可以輕鬆秒殺⋯⋯保證大幅提升你做 MC 卷嘅速度 ! MC 神技體驗班 (2025 DSE) Gary Maths 100%off $300 免費 數學 Past Paper 操卷常見問題 1. 做完就算 唔再睇返自己錯咩，做完卷就擺埋一邊。係而家短時間内可能操唔到太多卷，但每次操卷後都要 double check 份卷，睇下自己做錯咩，然後 mark 低提醒自己唔好再犯同樣錯誤！ 2. 太遲開始 有啲同學可能到而家都未開始操 Past Paper，或者覺得太遲開始已經放棄咗。其實 pick up 返「數學」係咁多科入面最值得投資嘅一科，因爲好 straight-forward，唔係好似語文咁需要理解。如果你覺得自己太遲唔夠時間嘅話，不如唔好再荒廢時間，pick up 返啲嘢啦。 3. 睇完都唔識 唔知你哋有無試過操完卷之後，望住份答案完全無從入手，由唔知道問邊個。但如果你係我嘅學生就唔會有呢個問題。因為無論咩問題，我哋都會清晰為你解答，仲有唔同嘅 by topic、 mock paper 比你參考㖭！ 4. Concept 錯、方法錯，但繼續不停操卷 明明自己本身都已經非常唔熟悉啲 concept，但就不停操卷，甚至係同一份卷操 n 咁多次，最終終於答啱？！但其實只係背咗個答案，並非理解題目。冇錯，考 DSE 前操卷係必須，但你需要一個「正確且有效率嘅操卷策略」，先可以發揮試卷嘅效用！ 5. 大家最容易忽略嘅隱藏課題 (Long Question低分主因) Estimation and Error 估算及誤差 呢個課題唔係年年考，但有好多未考嘅隱藏概念。例如 Maximum Absolute Error 最大絕對誤差、Absolute Error 絕對誤差、Percentage Error 百分比誤差。 好多人都唔記得 Relative Error 相對誤差嘅兩種計法！同埋計 Possible Value 可取值嘅時候，Possible Value 係唔可以等如最大值㗎！ Polar Coordinate 極座標 主要係考大家識唔識畫返幅圖出嚟！ 記得點畫已經贏咗一半，淨低就要用幾何公式：Sin/Cos/Tan 、畢氏定理、三角形面積公式，甚至 sine/cosine formula 解題！ Distance-time Graph 行程圖 讀物理嘅同學可能諗緊開正佢嗰瓣，但其實同物理考核內容唔一樣。呢個係考同學嘅時間概念同時用相似三角形去計！所以物理同學收返埋你嗰四條公式先。 希望大家睇完呢一篇操卷攻略之後可以搵到屬於自己操卷嘅方式，大家要識得去調整自己嘅溫習策略， 每一個人最舒服嘅方法都唔一樣， 只要令到自己進步嘅都係好方法！ 但係記得千祈唔好跌落去陷阱， 浪費時間係你哋而家最唔需要嘅一樣嘢！ credit: unsplash @alexbracken ***睇到呢到大家應該對溫數學有一個初步嘅了解。好多人以爲數學係唔使溫書，但其實個啲所謂「數霸」，背後唔知做過幾多題目，先會有而家所謂「數學天分」！ 仲唔快啲落起枝筆，開始溫書，繼續為 DSE 奮鬥？！

DSE 數學 Past Paper 操卷攻略 (By Year/ By Topic 操練心得)

下載AfterSchool

追蹤AfterSchool