數學想考得好，最主要嘅溫書方法就係不停操Past Paper！不過想搵 HKDSE Maths 數學嘅 Past Paper 真係難到喊，好多同學都要用好多時間，慢慢上網一年一年咁搵（仲要未必搵得齊……）因為唔想各位同學浪費青春，AfterSchool by year 、 by topic 咁幫大家收集曬其他網上資源嘅連結，包括HKDSE 香港中學文憑試 、HKCEE 會考，仲有 A-Level 嘅歷屆試題。 聲明：AfterSchool僅作分享用途搜集網上現有其他教學網站資源的連結，並無任何擁有權。 HKDSE Maths 數學 — 考核要求 根據考評局 2023 年數學評核大綱，數學卷有分必修同埋選修部分。 必修部分有卷一（長答 LQ）同埋卷二（選擇題 MC）： 數學卷一 LQ 長答 （考試時間2小時15分鐘，佔全卷65%） 數學卷二 MC 選擇題（考試時間1小時15分鐘，佔全卷35%） 選修部分為兩個單元，每個單元只考一份試卷，同學只可報考其中一個單元： 單元一 M1 微積分與統計（考試時間2小時30分鐘） 單元二 M2 代數與微積分（考試時間2小時30分鐘） 歷屆DSE Maths Past Paper (DSE、CE 會考、AL) 以下所有連結的所有權均屬於其他外來網頁，如連結失效請到其官網查詢，AfterSchool並沒有當中任何擁有權。 DSE Maths Past Paper DSE English Version 英文版 2012-2023 DSE Past Paper English Version DSE 中文版 2012-2023 DSE Past Paper Chinese Version CE English Version 英文版 1980-2011 CE Past Paper English Version CE 中文版 1980-2011 CE Past Paper Chinese Version By Topic（中） By Topic (中) AL-CE-DSE 1990-2021 By Topic（英） By Topic (英) AL-CE-DSE 1990-2021 註：以上嘅 Past Paper 資源轉自其他嘅網頁，AfterSchool 並非相關資源嘅持有人。 等等！喺操卷之前，記得睇埋下面 Maths 數學操卷三部曲！ 重要！Maths 數學操卷三部曲 成日聽人話唔好「死讀書」，其實亦都唔可以「死操卷」。雖然大家已經有歷屆 Past Paper係手，但都唔好咁心急開始操住。眾所周知，DSE唔單止係一個考知識嘅考試，亦係一個玩考試技巧嘅遊戲。喺操歷屆試題之前，不妨留意一下有咩考試技巧，做下其他練習，熟悉下呢個遊戲先。到操卷嗰一刻，一定會事半功倍。 清 Concept，記數學公式 喺開始操卷之前，首先一定要清曬所有concept，熟悉所有數學公式。如果喺咩都唔記得嘅情況下操卷，只會浪費左份試卷 (始終Past Paper 數量有限，唔好咁浪費啊喂)。知道各位同學一直想搵一份最完整嘅數學公式表，所以我地就特登邀請經驗豐富嘅Gary Sir 幫手整理左一份按照DSE Syllabus by topic 咁排好嘅數學Maths formula sheet 公式筆記。快啲save低啦！ DSE Maths 考試 Skills 小編作為一個文科人，當年係靠計數機 program 同考試技巧打數學大佬，最後成功送自己入到大學。所以，喺操卷之前記得入好曬啲 program！ 另外，講到數學考試技巧，就一定唔可以唔提Paper 2 MC卷。手握 MC 技巧，分分鐘可以令你升一個 level！想知考 MC 有咩技巧，不妨睇下【DSE Maths MC 全攻略】如何提升答題速度200%？ DSE 數學操卷攻略 當你部計數機已經入曬啲 program，個腦又裝曬啲數學公式同考試技巧時，就係時候開始準備操卷啦！雖然 AfterSchool 好比心機咁搵埋年代久遠嘅 Maths Past Paper 比大家參考，但其實真係唔使操曬所有㗎！無論 by topic 定係 by year，操卷都係有技巧！DSE 至少考 6 科，如果科科都要操曬咁多年嘅卷，真係分分鐘暴斃……想有效率咁操卷，就一定要避免操卷常犯嘅錯誤。點樣操卷先有用？快啲睇【DSE Maths】數學Past Paper操卷技巧！ 其實考好DSE數學科嘅公式好簡單，就係【技巧 + 操卷】。AfterSchool 提供啲考試技巧比你，你自己再付出少少努力，相信各位同學到時一定可以打贏數學呢個大 Boss！ 如果想攞埋其他科嘅 Past Paper 嘅話可以去【2024最新最齊】歷屆 DSE/CE/AL Past Paper 網上資源整合庫 。 P.S. 操卷加油！搏盡無悔！
