臨近 DSE，大家係咪都好努力操卷呢？但千奇唔好唔記得仲有一樣嘢會影響到JUPAS 㗎！就係 Student Learning Profile (SLP) 學生學習概覽啦！就等Afterschool 即刻教你點樣寫到個 JUPAS SLP 靚靚仔仔啦！最後仲有 SLP Sample 俾大家參考添！
目錄
什麼是 JUPAS SLP 學生學習概覽？(Student Learning Profile)
「學生學習概覽」係用嚟概括咁展示學生喺高中階段，於全人發展方面所達到嘅成就同埋參與嘅活動。呢個概覽嘅目的旨在於彰顯同埋確認學生會得到全人發展，等學生喺經驗過程中反思同埋建立目標。
簡單嚟講，就係一個 Porfolio 去裝載住學業以外嘅活動反思同埋得著！詳情可以睇返教育局網站。
為什麼學生學習概覽 (SLP) 如此重要？
增加大學面試和取錄的機會
Photo by LinkedIn Sales Navigator on Unsplash
好多人都唔知道，原來大學面試嘅機會同你寫嘅 「JUPAS 學習概覽」同「個人陳述」息息相關？係啊！大學面試官會用 SLP 去揀學生參加面試。
其中有好多學科，例如理工大學設計學士學位，同會計學位（工商管理），都會喺考DSE 放榜前就已經開始面試嘅環節。屆時喺冇 DSE 成績嘅情況下，大學就會通過學生學習概覽去了解同學喺高中階段參與嘅成績同活動，同埋靠 Personal Statement 去了解同學嘅性格。
至於喺大學收生嘅過程中，JUPAS SLP 原來都發揮好大嘅作用！唔知大家有冇聽過「平分決勝 (tie-breaker)」呢個 term 呢？其實呢個 term 係指同學如果計曬全部嘅學業分都仲係不分上下，咁就需要其他嘅比較方法啦。其中一個就係個人陳述啦！一般學院就會參考返同學嘅課外活動、性格、經歷嚟決定收邊個同學入學。
展現學術成績以外的技能
Photo by Joshua Woroniecki on Unsplash
對於某啲科目，優秀嘅學業成績都未必可以令你脫穎而出。例如護理學、建築設計等等科目，都需要同學展現出自己嘅愛心同埋創造力。咁喺呢個時候，個人陳述就顯得好重要啦，因為通過 JUPAS SLP，大學就可以知道同學喺課外點樣去為入讀心儀學科做準備。
另外，有部分學科都需要同學具備特定嘅知識同技能先會符合入學條件。例如音樂系需要同學識至少一項樂器，而體育系就需要同學有運動比賽相關嘅經驗。因此，同學需要喺 Student Learning Profile 同埋個人陳述入面，展現自己嘅相關經驗同特質比大學睇。所以 SLP 學習概覽的確係一個好好嘅方法比同學去展現自己學術成績以外嘅技能！
如何寫好一份SLP？
嘗試代入大學面試官的角色
Photo by Sebastian Herrmann on Unsplash
如果你仲係到諗緊 JUPAS SLP 嘅 Personal Statement 點寫，不如試吓代入返你心儀學科嘅大學面試官嘅身份？通過設身處地，你可能會發現到大學面試官想你展現嘅特質！
例如想讀 Law 嘅同學，可以諗吓：做律師係需要自信同流暢嘅表達，同埋好高嘅組織能力，所以喺個人陳述入面就可以舉一啲課外活動嘅例子，例如參加過辯論比賽當中嘅感受同得著，同埋呢個活動點樣證明自己有能力讀 Law。
又例如想讀建築學系嘅同學，可以諗吓：大學面試官可能想了解多啲自己嘅創作經驗，所以就可以喺寫 SLP 個人自述嘅時候，加入返自己參加過嘅室內創作比賽做例子，同埋寫返當中學到嘅嘢，證明自己嘅創作能力係可以勝任到建築系嘅學習要求！
個人自述內容緊記重質不重量
Photo by Tim Gouw on Unsplash
好多同學喺高中時期都參加過好多課外活動。呢個係一件好事，但如果全部都寫落JUPAS SLP Personal Statement 就唔係一件好事啦！點解嘅？因為個人陳述最緊要係「重質不重量」，姐係指要揀某啲活動嚟寫。
咁應該點揀呢？首先最重要就係要寫同心儀學科關係最密切嘅經歷，例如想讀體育嘅同學就要揀自己喺體育比賽嘅經驗做例子，說明自己好適合讀體育。
跟住就係揀內容或者感受最深刻嘅經歷做例子去寫落 JUPAS SLP。例如自己係學生會幹事，喺任期內體驗到策劃活動，或者同校方溝通係需要好好嘅管理能力，說明自己學習能力強，面對新事物都唔會退縮。咁樣大學面試官先會對你嘅性格特質刮目相看㗎嘛！
論述時要展現個人獨特之處
Photo by Snapwire on Pexel
有 SLP Sample 參考當然係好啦，但係又千奇唔好搬字過紙！因為每個人都有自己獨特嘅地方，而個人陳述就係比個機會你去展現自己嘅獨特性。所以喺寫 Personal Statement 嘅時候，參考完 SLP Sample 同格式後，就要緊扣返人哋冇而自己有嘅特質或者經歷。
例如想讀語言治療嘅話，好多同學都會話因為自己鐘意幫人。但如果要比其他人做得更好就要配合自己獨特經歷，例如曾經參加過大專學院舉辦嘅言語治療活動，又或者參加過接觸有言語障礙小朋友嘅義工活動，當中發現自己對言語治療有好大興趣，希望可以入讀言語治療嚟幫助有言語障礙嘅人。如果咁樣講，就充分咁論述到自己點解想入自己心儀嘅學系啦！
記住參考完 SLP Sample 後，就應該跟住 SLP 格式去寫出自己最獨特嘅地方啦！
行文簡潔態度真誠
Photo by Andrea Piacquadio from Pexels
同學仔要注意：SLP 係俾你展現自己學術成績以外嘅技能，即使有好多獨特嘅課外經驗，寫果陣語氣都要表現出謙虛同誠懇。千奇唔好曬命！
同埋簡述活動內容要簡而精，將「時，地，人，事」大致寫出嚟就可以啦，千奇唔好長篇大論。最重要都係解釋自己喺活動過後嘅得著為主！
緊記：依家係要同大學面試官介紹自己，就唔好咁寸嘴啦！
JUPAS SLP 格式結構建議
School particular (個人資料)
主要係記錄學生個人資料，例如姓名，出生日期，就讀學校等等。
Academic performance (學業成績）
主要記錄低學生喺學校嘅學業成績，俾大學面試官做個粗略成績估計。
Other learning experience (其他學習經驗)
呢 Part 就比較重要啦，因為佢記錄咗同學高中時期嘅課外活動同埋學習經驗。記住要每個活動都加上簡介同埋參與角色！
List of major achievement in school(主要校內獎項)
主要列出咗校內獲得嘅獎項。
Performances/Awards outside school (校外表演或獎項)
主要記錄咗校外參與活動所獲得嘅獎項。
Personal Statement (個人自述)
詳情可以睇睇下面！
各院校對 SLP 有什麼要求？（附 JUPAS Personal Statement Deadline)
香港大學（HKU）
- 個人自述嘅內容一定要有實質內容支持，唔可以空談。要有個人特色，唔應該過分依賴 SLP Sample。無論係書寫特色同內容都要有獨特性。
- 要喺個人自述中脫穎而出，首先要有創意，同埋用最精簡嘅文字開頭，吸引大學面試官睇落去。
- 可以中或英文寫 SLP，以英文寫唔會有較大優勢。
- 部分課程，例如英文教育(雙學位) (JS6066)，揀面試者嘅時候會考慮以學習概覽同個人自述做 Tie-breaker。
香港中文大學（CUHK）
- 如果同學獲得面試機會，可以將SLP同個人陳述直接交俾大學嘅學系。
- 部分課程例如音樂 (JS4082)，要求同學喺個人自述講到同心儀課程相關經驗作參考。
香港科技大學（HKUST）
- 同學喺個人自述嘅部分應該盡量表現真實自我，同埋展現自己嘅學習態度、優點同特質，亦都要講解點解自己會揀選呢一科，或者畢業後嘅打算。
- 寫 JUPAS SLP 嘅語言並唔會影響評核。
- 如果出現同分嘅同學，學生學習概覽就會喺其中一個 Tie-breaker 去揀學生。
香港浸會大學（BUHK）
- 同學要通過個人陳述，重點描述喺高中嘅其他學習經驗同得著，令大學了解同學嘅學歷同經歷。
- 唔應該受 SLP 格式所限。簡單嚟講，就係指同學寫 JUPAS SLP 嘅時候應該重質不重量，應該著重講述自己喺活動中嘅得著同感受。
- 如果同學可以展現出領導才能，或者曾經參加過國際交流同喺比賽中獲獎，都會有多啲優勢！
- 對撰寫 JUPAS SLP 嘅語言冇特定要求。
- 如果有同分嘅同學，又或者要揀參加面試嘅同學，SLP 就會係其中一個 Tie-breaker。
香港城市大學（CityU）
- 個人陳述可以用嚟同大學分享吓對自己有特殊意義，或者影響到個人成長同人生目標嘅興趣、經歷。千奇唔好長篇大論。
- JUPAS SLP 有機會喺揀學生入學嘅額外輔助資料同參考文件。
香港理工大學（PolyU）
- 冇特別要求。
嶺南大學（LingU）
- 大學希望同學可以喺個人陳述中展現到唔同嘅學習經歷同抱負。
- JUPAS SLP 有機會喺揀學生入學嘅額外輔助資料同參考文件。
香港公開大學（OUHK）
- 同學寫 SLP 嘅時候應該概括咁展示自己喺高中階段係全人發展所達到嘅成就同埋活動。
- 應該挑選自己印象最深刻嘅學習經歷同展望到大學生活嘅項目落去。
- 同學可以利用個人陳述講吓自己成長故事，精簡咁介紹吓自己擅長嘅地方，揀返自己成績比較好嘅科，校內外突出表現同獎項嚟論述。
- 可以用中或者英文寫 JUPAS SLP 。
- 如果有同分嘅同學，就會計算同學第二、第三同埋第四個選修科目嘅成績嚟決定取錄名單。
香港教育大學（EdU）
- 重質不重量。
- 個人陳述主要用嚟簡潔咁反映同學嘅個人成長經歷。
- JUPAS SLP 可以中或者英文撰寫，院校比較着重資料內容。
香港樹仁大學（HKSYU)
- 對 JUPAS SLP 冇特別要求。
香港恆生大學（HSU）
- 對 JUPAS SLP 冇特別要求。
SLP 學習概覽 Deadline：2021年6月2號。詳情可以參考JUPAS網站。
中文 SLP 樣本和例子
每當聽到音樂這個詞，人們總會想起一大串的音符，小節線和樂器。但這些卻未能解釋我對音樂的厚愛和熱情：因為我想透過音樂去影響和激勵他人。
「好的音樂可以治愈一個人的心靈和引起共鳴。」這是我一直相信的一句話，也是我一直堅持學習音樂和練習的原因。然而我知道在學習音樂的過程中一定會遇到很多困難，例如研究艱難的音樂理論，華麗的表演藝術和培養音樂感。所以我在五歲開始邊學習敲擊中樂，更在小學的時候已經成為小學中樂團敲擊部的成員。自此以後，我對音樂便有著極大的熱情。
當我從充滿回憶的小學畢業後，我便踏入充滿哭笑浮沉的中學生活。剛踏入中學，我已經非常憧憬中學中樂團的表演和練習。所以我立刻便申請加入中樂團排練。中一的時候，我十分自豪能成為敲擊部的其中一員出席表演。而我和我的團員都具有對中樂的厚愛和熱情。好景不常，我在中二的時候迎來了我在音樂旅程中的第一次失敗：我們在校際音樂節慘敗。十分氣餒和傷心的我開始思考自己是否能達到自己以前定立的目標：透過音樂去影響和激勵他人。 所以在傷心過後，我發現了自己還是對音樂認識尚淺。我決定接觸不同種類的音樂和樂器。
我相信勤奮和堅毅不屈的精神可以彌補我天賦上的不足。我開始學習低音大提琴，二胡，笙，還有鋼琴。我也發現自己需要培養更強的音樂感，所以我嘗試接觸和學習樂理。最後憑藉我的堅持和我的帶領下，我們突破傷痛，學校的中樂團更是連續四年在香港青年音樂匯演中取得銀獎。令我印象最深刻和最有滿足感的表演是我在香港中文大學學生畢業典禮中的敲擊中樂表演。從中我學懂如何鼓起勇氣在一班觀眾前表演自己的音樂。在中學生涯中最後一個音樂節，我們使盡渾身解數去排練和表演。但結果仍是強差人意。身為中樂團的隊長，我也不禁開始流淚。但當我抬頭看見台下觀眾滿足的笑容和堅定的眼神，我卻會心微笑了：因為我發現自己成功用音樂去傳遞正能量。
雖然我在中學階段仍有部分目標未能完成，但我希望可以在大學生涯中不斷研究和深造，然後在音樂系完成我的夢想, 把音樂帶給世界上每一個角落的人。
SLP English Sample + Example (英文版)
Whenever we speak of Music, what immediately springs to mind is a host of music notes, bars, and instruments. This, however, cannot explain my zeal and enthusiasm for music – they come from the motivation to inspire and influence others.
A proverb has it that a good piece of music should be able to heal one’s soul, assisting the recuperation of one’s health. And my diligence and assiduity drive me to achieve the above goal. Yet the building blocks for my aspiration are many and indisputable: fundamental music theory, performing skills, sense of music, to name but a few. Learning of these, I started studying percussion music at 5. I became a member of my primary school’s Chinese Orchestra accounting for the percussion team. In retrospect, I firmly believe that my liking for music stemmed from it.
Following the graduation of my memorable primary school life is my secondary school life comprising smiles and tears, as well as ups and downs. Stepping in Form 1, I took every pride in my position as a percussion mate in the Chinese Orchestra (CO). Having the same love for Chinese music, teammates and I have become good confidants. But for our team chemistry, there is no way we could win the inter-school music festival (silver).
Unfortunately, this achievement did not guarantee another in the later stages of life: we lost in the next few years. Saddened by failure, I pondered if I could really achieve the goal set up in my childhood: to inspire and influence. I made up my mind: I would touch upon various types of music.
Industry and studiousness can make up for my inadequacies. I started learning double bass, Erhu and Sheng, and even the piano. Seeing that I needed to build a strong sense of music, I even tried out acquiring music theory. At last, with determination and pains, I was awarded a Silver award in 4 consecutive years in HK Youth Music Interflow by LCSD. The performance I gained the most satisfaction and fulfillment was the solo performance in Wu On Wai (a student in CUHK) graduation recital of Chinese gong chimes. From it, I acquired the courage and strength to face a profusion of the audience in front.
In the last interschool music festival, we strived to achieve the best, but in vain. Being a committee member of the CO, I could not help bursting into tears. Nevertheless, when I saw the fulfillment of all the audience, I smiled from my heart: I have achieved part of my goal.
Yet this goal should not only be achieved in my secondary school life but in the tertiary one as well. I would appreciate it if the Faculty of Music of CUHK can grant my admission so that I can utilize my music to inspire and influence others, giving them a simple, humble, and noble life.
SLP Sample 點評
開頭用咗「聯想法」開頭，引起大學面試官嘅興趣，之後繼續解釋自己嘅目標同埋夢想，更加引用咗深刻獨特嘅例子去加以解釋自己嘅目標，突出自己就算面對失敗都可以鼓起勇氣去克服。最後講埋自己希望可以喺大學學系繼續努力奮鬥。
總括而言，呢篇 SLP Sample 行文精簡而且內容獨特。
唔知大家睇到呢到會唔會更加重視同埋更加有信心知道 SLP 點寫呢~
其實 JUPAS SLP 同個人陳述真係冇固定嘅格式，我哋提供嘅 SLP Sample 都淨係想俾同學參考~
希望大家都可以透過理想嘅 DSE 成績同優秀嘅 SLP 考入心儀嘅科目！
