DSE Physics 嘅準考生往往喺備試期間，先會發覺原來自己未好理解一啲基本物理概念同公式；又或者同學仔想透過參加唔同 Physics 補習班，操練唔同題型，希望透過幾個月課程，提升自己喺 DSE 嘅表現。
但係市面上咁多款 DSE 物理補習，有大型補習社、中小型補習社、私人補習班（私補），亦有越來越普遍嘅網上補習班，究竟 physics 補習邊個好？physics 補習邊間好？就等 Afterschool 幫你整理全港常見嘅物理補習選擇、DSE Physics 補習名師、補習社特色同揀老師方法。
本文會幫你快速了解：
- DSE Physics 補習點解有需要
- 大型補習社、中小型補習社、私人補習、網上補習嘅優缺點
- DSE 物理補習老師推薦及學費參考
- 點樣比較 physics 補習班、physics 補習社同私補老師
- 揀補習老師時要留意時間、教學風格、筆記同試題配套
快速答案：Physics 補習點揀？
如果你只想快速判斷自己適合邊種 DSE Physics 補習，可以先睇以下整理。
| 補習形式 | 主要特色 | 適合學生 | 要留意 |
|---|---|---|---|
| 大型補習社 | 名師、大量筆記、模擬試題、Mock Exam | 想操卷、衝高分、需要考試技巧嘅學生 | 大班教學，針對性較低 |
| 中小型補習社 | 小班或中班教學，互動較多 | 想清 concept、補底、需要多啲發問機會嘅學生 | 資源配套未必及大型補習社多 |
| 私人補習 | 一對一或小組私補，時間彈性高 | 想針對個人弱點、跟學校進度嘅學生 | 老師質素參差，要試堂或了解背景 |
| 網上補習 | 可重溫影片、時間地點彈性 | 自律性高、想慳交通時間嘅學生 | 互動性較低，要主動問問題 |
簡單講，如果你問「physics 補習邊個好」，答案唔係單純睇邊位老師最出名，而係要睇你最需要：清概念、操試題、補底、奪星、定係跟學校進度。
為什麼要補習 DSE 物理？
Photo by NeONBRAND on Unsplash
DSE Physics（物理）講求了解科學理論之後，再用公式去解決試卷上嘅問題。好多時同學仔喺日校大班教學嘅情況下，好難充分明白公式背後嘅理論，變相喺 DSE Physics 考試入面唔識利用理論去解題。
補習班正正俾學生有更多時間，去掌握物理理論中嘅重點。再加上補習老師提供精簡筆記、模擬試題、歷屆試題整理同答題技巧，就可以幫學生更有系統咁掌握 DSE 物理。
常見需要補習 physics 嘅情況包括：
- 平時聽書明，但一做題就唔識入手
- 明公式表面意思，但唔明背後概念
- 做 MC 或 long question 經常錯同一類題型
- 學校進度太快，未有時間消化 topic
- 想喺 DSE 物理科坐四望五、坐五望星
- 想有補習老師幫手整理筆記、試題同考試技巧
DSE Physics 補習全攻略：快速了解各類型與名師
揀 DSE Physics 補習前，最好先了解自己需要邊種支援。因為唔同補習形式嘅強項唔同：大型補習社通常資源多，中小型補習社互動多，私人補習針對性高，網上補習就時間最彈性。
以下會先比較各類型 physics 補習嘅優缺點，再整理 DSE 物理補習老師推薦，包括大型補習社名師、中小型補習社同網上補習選擇。
Photo by ThisisEngineering RAEng on Unsplash
DSE Physics 補習類型比較：大型、中小型、私人、網上補習優缺點
以下係 DSE Physics 物理補習推薦及各類型優缺點一覽。同學可以先睇整體比較，再按自己情況深入了解每種補習模式。
| 類型 | 優點 | 缺點 | 較適合 |
|---|---|---|---|
| 大型補習社 | 資源配套充足、名師經驗豐富、試題操練多 | 大班教學，個人跟進較少 | 想衝高分、操 DSE Physics 題型 |
| 中小型補習社 | 互動性高、較易問問題、較有針對性 | 筆記及試題資源可能較少 | 中下游學生、想補底清 concept |
| 私人補習 | 時間彈性高、可按個人弱點教學 | 教師質素參差、需自行篩選 | 想跟學校進度、一對一清概念 |
| 網上補習 | 可重溫、慳交通時間、上課彈性 | 互動性較低、自律要求高 | 時間不固定、自主學習能力較強 |
大型補習社介紹
講起大型補習社，我諗大家一定會諗起遵理學校（Beacon）、現代教育、英皇教育（KGE）等等。呢幾間大型補習社嘅導師都有出版自己嘅筆記同練習，亦會喺 DSE 之前舉行大型 DSE Physics Mock Exam，模擬考 DSE Physics 嗰時嘅情況，真係可以話係一條龍服務。
其中，被許多學生討論嘅 Ken Chan 老師，雖然本文未詳細列出，但其教學風格與筆記亦係熱門選擇之一。同學如果搜尋 physics補習ken chan、physics 補習討論區或 physics 補習 lihkg 評價，可以多方比較，但記得討論區意見只可作參考，最重要仍然係自己是否適應老師教法。
大型補習社補習 DSE 物理的優缺點
✔︎ 資源配套充足
大型補習社 DSE 物理補習老師大部分都有自己嘅團隊，去幫補習老師去設計筆記，編排內容同埋構思模擬試題同整合歷屆試題。對於需要反復操練嘅 DSE 物理科嚟講，大型補習社往往可以針對一啲想奪星嘅學生，提供大量題目操練，令同學對考試內容更加透徹。
✔︎ 資歷經驗豐富
物理科概念艱深，唔同抽象嘅概念例如「電磁感應」、「波特性」同埋「核聚變」等等都需要同學費盡心思去理解；而大型補習社資歷豐富嘅老師正正明白學生理解以上艱難課題裡面遇到嘅困難，咁就可以幫助學生去分析概念內容。
✖︎ 針對性比較低
大型補習社多數採取大班教學，一班多數都有 40 - 50 個學生，甚至有老師一班學生過百；而每個同學仔嘅物理水平有高低，對一啲成績唔係咁理想，或者理解能力唔係咁好嘅同學嚟講，可能會覺得好難跟上進度，間接影響咗吸收物理考試技巧同思維嘅效率。
Photo by Immo Wegmann on Unsplash
中小型補習社介紹
中小型補習社嘅補習老師通常都係一啲大學學生，再加上因為主張小班教學嘅關係，所以啲老師都會同同學仔嘅關係緊密啲，更加了解同學仔喺學業上嘅難題，更有人情味。
中小型補習社補習 DSE 物理的優缺點
✔︎互動性高
中小型補習社通常會採用「小班」或者「中班教學」，補習導師同學生嘅交流就會比較多，如果同學遇到唔明白嘅物理概念或者題目都可以直接問補習老師，咁就唔會將問題係咁堆積啦！
✔︎針對性高
如果你係一啲成績中下游嘅同學仔，咁你就可以揀中小型補習社嘅「補底班」，或者「小班教學班」嚟清 DSE 物理 Concept， 同埋慢慢打好根底，有扎實嘅物理根基先可以對付多變化嘅 DSE 物理考試題目！
✖︎ 資源配套比較少
唔似大型補習社咁，中小型補習社嘅補習老師背後通常冇一個大嘅團隊去幫手寫筆記，同整合試題同答案，變相未必有好好嘅配套比同學仔去利用
Photo by Adam Winger on Unsplash
私人補習介紹
如果同學仔想搵私人補習老師補習 DSE 物理，可以加入 Facebook 唔同嘅私補群組 。又或者可以選擇補習中介網站，例如：
- Stapps
- HKTUTOR 香港補習導師會
- Tutorduck
- Tutor circle 尋補
以上等等，相信可以幫助到同學仔按照需要去搵適合自己嘅 DSE 私人物理補習老師。
有一點需要留意嘅係，補習中介網站會收返幾堂嘅「中介費」，同學喺確認揀邊個補習老師之前記得要睇清楚網站嘅條款，以免收多咗中介費喇~
小編獨家優惠～
有排都未全日復課？想喺屋企 keep 住進度甚至領先一步？
有排都未全日復課？想喺屋企 keep 住進度甚至領先一步？
透過 Tutor Circle 尋補 搵補習老師，疫情下除咗上門補習，仲可以要求視像補習！
Tutor Circle 尋補成功配對率達 98%，專業客服幫你搵導師，最快30分鐘搵到啱你嘅導師!
所有 Afterschool 用戶使用優惠碼「AS50」尊享尋補補習學費$50 減免。
喺屋企好迷失或者欠缺動力嘅你，快啲 click 下面條 link ，搵個私補老師貼身幫你趕進度啦！
立即使用優惠碼：https://bit.ly/3AbnDeP
私人補習 DSE 物理的優缺點
✔︎彈性上課時間
相比起補習社嘅教學編排，私人補習老師通常都可以同同學仔夾一個最 fit 嘅時間上堂，等同學仔唔使喺一啲冇咩精神嘅時段上堂；另外唔少補習導師都會「上門補習」，咁就可以大大減少咗同學要出街搭車嘅時間！
✖︎教師質素參差
唔少同學仔喺上堂之前，都唔係特別了解補習導師嘅教學風格同資歷，變相有機會出現同學同補習導師唔夾或者唔識解釋艱難概念嘅情況。
Photo by Kari Shea on Unsplash
網上補習介紹
網上補習喺疫情底下，成為咗學生首選，除咗貪佢夠方便唔洗帶口罩出街之外，仲貪佢有時會免費將成份課程放上 Youtube，方便同學仔重溫。
網上補習補習 DSE 物理的優缺點
✔︎時間彈性高
相對其他補習方式，同學仔揀網上補習嘅話，就可以同補習導師夾時間，唔需要每個禮拜都要跟補習社嘅時間上堂；而且網上補習都幫咗同學慳咗好多搭車時間，等同學仔喺屋企都可以清到 DSE 物理 concept 同操練到試題！
✖︎互動性較低
雖然大部分網上補習都會有「課後支援服務」(e.g. WhatsApp 答問題服務)，但補習老師喺直播上堂嘅時候往往好難透過鏡頭或者對話去了解學生對物理課題嘅理解程度，有機會會降低老師教學嘅效率。
DSE 物理補習老師推薦
香港咁多林林總總嘅 DSE 物理補習名師同 DSE Physics 補習社，究竟揀補習名師好唔好？定係揀中小型補習社補習 DSE 物理？就等 Afterschool 帶你一次過睇曬全港DSE Physics 補習老師啦！
*價錢僅供參考，一切以其官網數據為準
大型補習社
DSE Physics 補習名師－C.W. Sham
Photo on Beacon College
資歷：
- 香港大學榮譽理學士兼持有香港大學教育文憑。
- 多達 37 年任教中學會考 (HKCEE)、高級程度會考 (HKAL) 同中學文憑試。(HKDSE) 物理科嘅經驗。
- 超過 10 年同考評有關嘅工作經驗，曾經仲擔任過公開試閱卷員。
- 教學細心，深受香港名校生歡迎。
- 宜家喺遵理教育教緊。
評價：
- CW Sham Notes 內容全面，係針對 DSE 物理而設嘅內容，豐富但唔會 Out-syllabus。
- CW Sham Notes 會用好多例子輔助學生理解 DSE Physics 概念，都好擅長用圖解釋唔同 DSE 物理 Concept。
- CW Sham 提供 WhatsApp 俾學生問問題。
- 上堂節奏比較緊湊，要不停抄筆記。
- 為咗令到同學可以明白唔同深奧抽象嘅物理概念，CW Sham 會用好多搞笑卻實用嘅記憶方法，幫助學生理解 DSE 物理概念。
學費：$720-$730/4堂。一堂1小時15分鐘
DSE Physics 補習名師－C.Y.Chau
Photo on KGE website
資歷：
- C.Y. Chau 受正統教育訓練同埋具有20年教授補習班嘅經驗。
- C.Y. Chau 係HKAL 4A (Physics, Chemistry, Applied Maths, Pure Maths) 理科狀元，曾經為無數公開考試講座 (包括喺理工大學、浸會大學等等)講解考試要訣，奪A心得。
- 宜家喺英皇教育教緊。
評價：
- C.Y.Chau 擅長幫學生清 DSE 物理 Concept，解釋清晰易明。
- 會教授作答思維技巧，幫學生唸到考評局想要嘅答案。
- 多 DSE Physics 答題技巧，非常實用。
- 學生可以喺指定問書時間發問。
- C.Y. Chau 提供 DSE 物理筆記配套比較少，內容唔太豐富
學費：$750/4堂。一堂 1 小時 15 分鐘。
DSE Physics 補習名師－Wayne Leung
Photo on Beacon College
資歷：
- 考試技巧和策略稱霸。
- 親自編寫好貼近考試模式嘅模擬試題，令同學可以操練各種唔同嘅考試題種。
- 宜家喺遵理教育教緊。
評價：
- 涵蓋到比較多嘅 DSE Physics 技巧。
- DSE 物理科思維比較全面。
- 上堂有趣輕鬆。
學費：$670-$700/4堂。一堂 1 小時 15 分鐘
中小型補習社
Photo by Gabrielle Henderson on Unsplash
DSE Physics 補習社－ Delta science Education
特色：
- 小班教學，主張堂上即時交流。
- 督促學生定時完成練習，並會有專人批改跟進。
學費：$1450/4 堂 。一堂 1.5 小時
DSE Physics 補習社－理學教室 SciMaths
特色：
- 授課同解題都係採取單對單形式，可以緊貼學生思路，幫學生逐步推論出答案。
- 為每位學生度身訂造教學方法、筆記同練習。
學費：$900-$1060/4堂 。一堂兩小時
DSE Physics 補習社－物理補習 Sin Sir
特色：
- 堅持以「一對一私補」形式授課。
- 附有精心設計筆記。
學費：每小時 $520-$580 。一堂 1.5 小時
網上補習
DSE Physics 補習老師－Herman Yeung
Photo on Herman Yeung Blog
特色：
- 曾經喺英皇，遵理同現代任教。
- YouTube 已經有 5.25 萬訂閱。
學費：網上課程免費；全彩筆記大約 $120 - $150一本
DSE Physics 補習老師－Physics Academy
特色：
- 真人現場直播教導。
- 提供筆記練習, 落堂後都可問功課和拎試卷練習。
學費：一堂$1200 。一堂 3.5 小時
DSE Physics 補習老師－Crystal Lee
特色：
- 曾經喺高考同會考攞到 5A。
- 上課時間同地點彈性。
學費：$800-$900/4堂 。一堂 1 - 2 小時
如何選擇適合自己的DSE物理補習老師？
嗱，講完咁多種補習形式啦，又同大家介紹埋全港嘅 DSE Physics 補習名師，同學仔係唔係眼花繚亂，唔知點揀好呢？ 其實參加 DSE 物理補習班都係想自己成績好啫，不妨試下喺下列嘅層面諗，可能幫到你揀啱心水嘅 DSE Physics 補習老師呢~~
補習班上課時間和地點
Photo by Nils Stahl on Unsplash
如果補習社嘅上堂時間，撞咗自己嘅時間表，咁就可能要考慮其他補習社嘅課程喇。但係值得留意嘅係，就算有時間上堂，都要確保自己有足夠精力去上堂吸收 DSE 物理知識。
好多大型補習社，都會選擇喺同學仔 3 點半放學之後，4 點鐘即刻上補習班。某部份同學往往都冇精神去吸收補習班嘅內容，到最後又要自己睇筆記，先知上堂 DSE Physics 補習班教咗啲乜。
小編建議大家揀一個自己有精神嘅補習班時間，亦都預留時間俾自己堂與堂之間休息。
補習老師教學風格
Photo by NeONBRAND on Unsplash
小編知道，唔少同學仔揀補習社嘅時候，都會問吓身邊嘅朋友邊間好啲，又或者上討論區，聽下唔同學生嘅意見。其實，人哋話邊啲好邊啲差都係好主觀㗎啫。大家可以睇下邊啲補習社有 DSE 物理班試堂，不妨親身體驗吓，就知啱唔啱自己，點都好過剩係聽人哋嘅評價。
補習班資源和配套
Photo by Tom Hermans on Unsplash
同學仔都會好在意補習社筆記嘅質素，希望試前都可以自己重溫課題嘅重點。但係，同學如果淨係靠嗰本筆記，就以為可以喺 DSE 物理攞 5**，咁就實在太天真啦！
補習社嘅筆記，固然包括所有嘅重點，但係如果同學仔上 DSE Physics 補習班期間，又唔自己做吓筆記，又唔做補習導師提供嘅練習，咁搵幾多個 DSE 物理補習名師都冇用。
其實補習班都只係一個輔助嘅工具，唔可以完完全全替代同學仔平時喺中學上嘅堂，同學仔如果平時都唔留意補習老師講書，連課題嘅基本概念都冇，咁上補習班都唔會有咩用。當然，同學仔補完習之後，都要俾心機同時間去重溫，再充份運用補習社嘅資源，咁就一定可以事半功倍啦！
揀 Physics 補習前可跟住呢 4 步
- 先確認自己弱項 例如 mechanics、waves、electricity、radioactivity，定係整體解題思維弱。
- 再選補習形式 想要資源多可考慮大型補習社；想互動多可考慮中小型補習社；想針對性高可考慮私人補習；想時間彈性可考慮網上補習。
- 比較老師風格同配套 睇有冇試堂、筆記、練習、改卷、WhatsApp 問書、Mock Exam。
- 定期檢討成效 補咗一至兩個月後，要睇自己係咪真係清到 concept、做題速度有冇提升、錯題有冇減少。
總括而言，選擇 DSE Physics 補習老師時，最重要係根據時間、教學風格、資源配套、自己弱項去選擇。與其只睇討論區評價，不如親身試堂、比較筆記同問書支援，搵一個真正適合自己學習節奏嘅補習老師。
DSE Physics 補習常見問題
Physics 補習邊個好？
Physics 補習邊個好，要視乎你嘅程度同目標。如果你想操大量試題同學考試技巧，大型補習社會較適合；如果你想清 concept 或補底，中小型補習社或私人補習會較有針對性；如果你時間不固定，physics 網上補習會較彈性。
Physics 補習班同私人補習有咩分別？
Physics 補習班通常有固定課程、筆記同練習，適合想跟系統學習嘅學生。私人補習就可以按學生學校進度同弱項調整課程，適合想一對一清概念或跟進錯題嘅同學。
DSE Physics 補習一定有用嗎？
DSE Physics 補習可以幫你清概念、整理筆記、操試題同學答題技巧，但補習唔會自動令你進步。補習後仍然要自己重溫、做練習、改錯題，先可以真正提升成績。
上網睇 Physics 補習討論區有冇用？
有用，但只可作參考。討論區或 LIHKG 上嘅 physics 補習評價會受個人程度、期望同學習風格影響。最穩陣係試堂、睇筆記樣本、了解問書支援，再決定是否報讀。
GCE Physics 補習、IB Physics 補習同 DSE Physics 補習可以一齊比較嗎？
可以比較教學風格同老師資歷，但三者考核內容、題型同評分要求不同。本文主要集中 DSE Physics 補習；如果你讀 GCE Physics 或 IB Physics，揀老師時要確認對方熟悉相應考試課程。
