辛苦咗咁耐，嚟到 2026 DSE 考試嘅大日子啦！喺考試前夕，你需要知道到底要帶咩去應考 DSE！做好全面準備，先唔會白費之前溫習嘅努力！AfterSchool 特登喺度幫大家整合咗 「DSE 應考物品 checklist」，提提大家 DSE 要帶啲咩，教各位同學仔點做好應試準備。收音機、耳機、准考證等呢啲物品都一定要帶齊，千祈唔好大意！ 應考物品 Checklist 准考證 准考證係考 DSE 最重要嘅應考物品，就等同於入試場嘅入場證，冇帶有機會考唔到試㗎！同埋，千祈唔好貪玩同准考證打卡，有機會被取消考試資格！ 身分證正本 身份證同准考證同樣重要，冇帶有機會冇得考試㗎！ 入好 program 嘅計數機 考需要計數嘅科目，記得要準備好適用於 DSE 嘅計數機，考評局標志要清楚，機身亦唔可以有書寫痕跡。如果有好多 formula 要記，不妨係考試前將程式入落計數機先，考試就方便好多啦！ DSE Radio 收音機 + 耳筒 credit: Akshay 記得檢查自己考場係紅外線考場定非紅外線考場。 如果係紅外線考場，只需要帶備插頭直徑 3.5 毫米並有 2 個絕緣環嘅耳機接駁試場提供嘅接收器，手提電話附送嘅耳機普遍唔適用於 DSE 聆聽考試。 如果係非紅外線考場，記得帶合適 DSE 嘅收音機，例如 Aitkenson - 5** Radio Classic 或者 Aitkenson - 5** Radio PRO，都係唔少考生中意用嘅 DSE 考試收音機型號。BTW 記得仲要帶埋駁到收音機嘅有線耳機呀！千祈唔好帶錯無線藍芽耳機呀！ P.S. 依家即刻 Click 入下面個掣到購買，輸入優惠碼 AFTERSCHOOL 即享買 2 件或以上，即享 9 折優惠！ 立即按此購買 5** Radio 收音機（輸入優惠碼 AFTERSCHOOL） 產品連結：Aitkenson - 5** Radio Classic 產品連結：Aitkenson - 5** Radio PRO 文具 黑/藍原子筆、間尺、塗改帶、鉛筆同擦膠等基本文具一定要準備好啦！ 特定科目用具 特定科目例如視藝科，記得帶齊畫具、參考資料呀！ 錢 記得帶足夠嘅現金同八達通，作爲交通費用 (有現金喺身，有咩事都可以搭的士啊嘛)。 手提電話 credit: CardMapr.nl 方便揾路同向人求助，但入到考場記得熄機呀！最好就 set 靜音 + 勿擾 + 飛航模式，先再熄機。 外套 + 紙巾 考場冷氣可能比較大，帶件外套就唔怕太凍影響考試表現啦！順便帶埋紙巾，以備不時之需。 水 + 少量食物 另外因為部分科目嘅考試時間比較長，同學仔可以帶定少少食物同水，喺休息時間食（小編以前考 DSE 嗰陣，成日都聽到隔離位個肚響......）。 口罩 credit: Markus Winkler 雖然疫情已經過咗好耐，不過始終考場都係一個人口密集嘅地方，萬一一個唔覺意染病，就會大大影響之後其他考試嘅發揮﹗（同埋有同學仔話戴咗口罩就好似幫自己起咗個防護罩咁，做卷都專心啲） 所以有備無患，帶定穩陣！ 最後溫馨提示 1. 確認考試日期同時間，寧願早到好多，都一定唔可以遲到！ 2. 確認考試地點，唔好去錯考場呀！(考試前一日就已經要 check 清楚) 3. 前一晚要有充足嘅睡眠，養足精神考試！ 4. 唔好太擔心，放鬆心情反而可以展示最好嘅狀態！ 相信各位 2026 DSE 嘅同學仔呢刻都非常緊張，希望呢篇 blog 可以提到大家做足試前準備，幫到你哋更順利應考 DSE啦！ 睇完呢個 checklist 就唔使擔心因爲大頭蝦而影響考試表現啦！加油！ 延伸閱讀： 1. 【DSE Timetable】2026 DSE 考試時間表及重要日子
