【英國大學】經濟學系申請全攻略 (入學要求及職業發展出路)

AfterSchool
AfterSchool 2021-5-1 7,747
申請英國大學經濟學系嘅關鍵?加強學術背景對獲得英國大學經濟學系 Offer 好重要㗎!
近年「英國升學」成為港人熱烈討論嘅話題,唔少家長都想送仔女升讀英國大學,希望仔女畢業後可以有更好嘅前途,而咁多學科中好多家長都會選擇經濟學系,唔講唔知原來英國大學經濟系嘅畢業生可以有百萬年薪
AfterSchool 今次就同大家分析下申請英國大學經濟學系嘅關鍵,仲會提及入學要求及職業發展出路,等大家可以為申請英國大學經濟學系做好完善嘅準備!

為什麼報讀英國大學經濟學系?

英國大學經濟學系畢業生出路絕對比其他學系闊,選科亦有好多專修 (Major) 同科目可以選擇,例如:
  1. 哲學,政治學和經濟 (Philosophy, Politics and Economics)
  2. 工商管理與經濟 (Business Management with Economics)
  3. 經濟和數學 (Economics and Mathematics)
  4. 環球經濟 (Global Business)
  5. 會計和財務管理 (Accounting and Finance)
無論選擇以上邊一個 Major,經濟學畢業生都會係職場嘅「搶手貨」,唔少熱門行業例如銀行、金融、投資、保險,甚至係比人一種高薪厚薪感覺嘅投資銀行(Investment Banking),都需要具備經濟學嘅知識同概念。
同學可以根據自己嘅興趣,選擇適合自己嘅 Major,如果有興趣報讀英國大學經濟學系,記得一定要 Mark 實唔同英國大學經濟學系嘅申請截止日期啦! 
牛津大學、劍橋大學經濟學系申請截止日期:
15/10/2021
其他大學經濟學系申請截止日期:
15/01/2022
 

英國大學經濟學系職業發展方向及平均收入

credit: unsplash @Ruthson Zimmerman
credit: unsplash @Ruthson Zimmerman

投資銀行家 (Investment Banker)

投資銀行家嘅職責係買賣公司及融資,而通常都會賣以十憶元計嘅公司債劵或股份。Investment Banker 需要為唔同交易做好多調查,就著複雜嘅商業條款及法律問題進行談判及釐清。如果錯任何一個範疇,一單交易就會隨時取消,所以投資銀行家需要高度集中處理每一單交易。
Investment Banker 可以透過完成每一單交易賺取巨額佣金及專業服務費用,每一年賺取以「球」計的收入與花紅。投資銀行家入行要求只需要一個經濟學學位,而選擇環球經濟 (Global Business) 及哲學,政治學和經濟 (Philosophy, Politics and Economics) 為 Major 嘅同學會較易入到投行的 Investment Banking 部門成為投資銀行家。
平均收入:HK$100萬年薪

投資分析師 (Investment Analyst)

投資分析師嘅職責係通過唔同財務模型,例如公司財務報表同圖表,去分析公司債務並作出投資建議,所以投資分析員必須精通數學,以判斷每一項交易可以獲得嘅盈利。投資分析師入行要求只需要一個經濟學學位,而選擇會計和財務管理 (Accounting and Finance) 及工商管理與經濟 (Business Management with Economics) 為 Major 嘅同學會較易入到公司投資部門成為投資分析師。
平均收入:HK$130萬年薪

數據分析師 (Data Analyst)

相信大家都聽過「大數據」呢個術語,「大數據」指傳統數據處理應用軟件不足以處理嘅複雜數據,數據分析師需要具備一定嘅經濟及會計圖表分析能力,有技巧咁將繁亂嘅數據,轉化成容易被大眾接受嘅圖像同市場經營策略,當中都需要應用唔同電腦程序語言同工具,例如 Python,Hadoop 等等。全球經濟狀況不斷轉變,將複雜數據轉化為有效嘅市場經營策略尤其重要,所以好考數據分析師嘅應變能力㗎!
平均收入:HK$18,000月薪 (初入行);HK$30,000-$70,000月薪 (3-5年經驗)

金融風險分析師 (Financial Risk Manager)

金融風險分析師負責識別同分析威脅資產嘅因素、公司盈利能力同公司各部門嘅經濟成功程度,仲會俾吓投資建議添。如果成功修讀風險管理課程,就可以喺保險公司、金融服務公司同債務公司工作㗎啦!
金融風險分析師係經濟學系畢業生可以從事嘅工作!只要你有金融、經濟、統計或者電腦科學嘅學士學位,你都可以報讀風險管理嘅課程去進修自己,從而踏入金融風險分析師呢行!
平均收入:HK$100萬年薪

精算分析師 (Actuarial Analyst)

精算分析師係咪一定要讀精算先可以入到行?唔係!其實只要你有一個相關經濟嘅學士學位,包括統計、經濟、會計,都可以從事呢份工作㗎!精算分析師嘅職責係通過電腦軟件分析數據,搵到相關性、關係同趨勢,然後整合成結果交俾公司做經濟策略決定,責任都好大㗎!
平均收入:HK$15,000-20,000月薪 (初入行)
 

英國大學經濟學系入學要求

credit: unsplash @charlespostiaux
credit: unsplash @charlespostiaux

學術能力 (DSE 成績要求及建議修讀科目)

如果你係諗住以 DSE 成績入讀英國大學經濟系,要注意佢哋大部分都係睇「英文 / 數學」+「3 個選修科 Electives」
如果大家想入讀英國著名大學嘅經濟系,DSE成績就需要達到5*55 - 555 ,再加上主科成績達Level 4 以上。有啲大學例如劍橋就要求同學有5* 5* 5嘅成績先會考慮收生。但成績無咁好嘅同學,可以考慮先報讀一年英國大學基礎課程(Foundation Programme),再升讀大學一年級,因為收生成績要求較低, DSE 有 223 就可以申請入讀!
至於修讀科目方面,英國大學經濟系收生部門普遍要求同學修讀 M1 或 M2(更佳),即係指如果 M1 或 M2 有 Level 5 以上,入讀經濟系嘅可能性就會大大提升!

英國大學入學試

唔少英國大學經濟系收生嘅時候,都會用入學試成績去決定學生可以入學與否,例如牛津、劍橋大學,都會有特定嘅入學試測試學生嘅思考同解題能力。唔好睇少入學試啊!因為佢隨時係決定你能否入讀嘅重要因素。以下為牛津、劍橋大學經濟系入學試嘅考試形式同內容!

牛津大學經濟系入學試
名稱:TSA : S1S2 (Thinking Skills Assessment)
考試形式同內容:
Section 1: 50條 MC 題目考核同學嘅解難同批判性思考能力(90分鐘)
Section 2: 從4題題目中抽1題寫作(30分鐘)

劍橋大學入學試
名稱:TSA:S1(Thinking Skills Assessment)
考試形式和內容:50題 MC 題目考核同學嘅解難同批判性思考能力(90分鐘)

課外活動貢獻

credit: unsplash @Thierry Chabot
credit: unsplash @Thierry Chabot
除咗學業成績,好多英國大學經濟學系收生部都會睇埋同學過往嘅課外學習經歷,例如義工、體育、課外活動、獎項、個人興趣等等去評核學生嘅潛力同領導能力,希望所錄取嘅學生日後可以為社會作出貢獻。
牛津、劍橋大學仲特別講明,收生會考慮其他因素,包括課外活動嘅得著、面試表現等等。

語言要求 (IELTS 成績要求)

如果同學仔想去英國大學讀書,學校當然會要求同學具備一定嘅英文水平啦!一般英國大學經濟系要求同學喺 IELTS UKVI 有7分嘅成績,每一份分卷都要有至少6.5分嘅成績。

Personal Statement

好多同學仔想去英國大學讀書,就搏命推高自己嘅學業成績。學業成績固然重要啦,但係千祈唔好睇少 Personal Statement 嘅重要性。
一份好嘅 Personal Statement 可以展示到你嘅成就同經驗,從而可以令大學更加了解你。如果可以喺 Personal Statement 加入中學參加過嘅活動,例如參加過經濟學會活動、領袖活動、市場研究實習或者 Case Competition,甚至奧數或辯論比賽,都可以令你嘅 Profile 更加耀眼,英國大學就更加容易取錄你啦!

面試能力

面試都係其中一個同學容易忽略嘅環節。其實英國大學經濟系有幾樣嘢想同學喺面試中可以呈現出嚟,包括:
  • 了解同明白基礎經濟理論
  • 擁有基本運算能力
  • 批判性思考
  • 解題能力
  • 運用邏輯去闡釋問題
如果同學仔想喺面試裡面表現得好就記得多加注意以上要點啦!
 

想入讀英國大學經濟學系?加強學術背景最重要

真實個案分享

credit: unsplash @Avel Chuklanov
credit: unsplash @Avel Chuklanov
案例分析:
Jessica 喺香港讀書,一向都成績好好,DSE 預計成績有 5*5*5*。佢對於入讀英國大學經濟學系非常有興趣,但準備申請時唔太清楚應該揀咩 Educational Credential Assessment (ECA),或者參加咩比賽先可以令自己更加有把握成功入讀。
有見及此,所以佢搵咗 UNIKEY  Academy 嘅英國升學顧問團隊幫手。UNIKEY 經過分析後發現,Jessica 嘅數學成績比較優秀,所以推薦 Jessica 去參加唔同嘅數學比賽,仲提供埋相關嘅培訓,令佢喺 Pascal 同 Cayley 數學比賽獲得優異成績,由此可以證明到俾大學睇佢係非常精通數學!
除此之外, UNIKEY 仲幫 Jessica 尋找合適嘅工作實習機會,而且仲幫手草擬埋 Cover Letter,令 Jessica 可以成功喺眾多面試者中脫穎而出,成功拎到機會喺達維律師事務所同港交所 LLP 進行實習。 UNIKEY 為咗令 Jessica 更加明白經濟學嘅實用性,仲特登推薦咗幾個唔同嘅 ECAs,例如香港會計師公會會計及管理案例比賽、模擬聯合國及 iTeen 領導力計劃,教識 Jessica 點樣準備,先至可以攞到最多經驗!
最後 Jessica 成功得到 4 間心儀大學經濟學理學士嘅有條件錄取 (Conditional Offer),包括劍橋大學王后學院 (Queens' College, Cambridge)、倫敦大學學院 (University College London)、倫敦國王學院 (King's College London)、華威大學 (University of Warwick) 。

英國升學顧問專家推介

Jessica 成功得到 Conditional Offer, 除咗佢本身成績好之外,仲因為佢搵咗 UNIKEY  英國升學顧問團隊幫手,策劃應該參加咩嘢課外活動同比賽。 UNIKEY 仲會點樣幫你?睇埋下面你就知!
  • 升學考試輔導:針對唔同嘅考試同入學考試,提供一對一專家輔導,包括IELTS,TOEFL,TSA,LNAT,BMAT,UKCAT,STEP,ECAA等。
  • 升學咨詢:由兩位專家顧問同支援團隊為學生嘅個人陳述、學術題目、職業規劃、個人概覽等,提供全方位嘅指導。 UNIKEY 仲會幫你草擬 埋 Cover Letter,教你點樣舉辦活動 同 Panel Discussion。就算你無參加、或者係唔知參加咩 ECA,又或者唔知參加咩比賽好,UNIKEY 都會根據學生興趣,建議學生選擇同參加適合個人嘅 ECA 同學術比賽!
  • 英語培訓: UNIKEY 嘅專家顧問會提供試題同筆記,希望可以指導學生達到理想嘅 IELTS 成績。 
 

英國大學經濟學系排名

英國排名世界排名大學
13University of Cambridge
劍橋大學

入學成績要求 (英國A-Level):A*A*A(包括數學達A級) 
24University of Oxford
牛津大學

入學成績要求 (英國A-Level):A*AA(包括數學達A級)  
37London School of Economics and Political Science
倫敦政治經濟學院

入學成績要求 (英國A-Level):A*AA(包括數學達A*級) 
420University College London (UCL)
倫敦大學學院

入學成績要求 (英國A-Level):A*AA - A*AB(包括數學達A *級)
522University of Warwick
華威大學

入學成績要求 (英國A-Level): A*AA(包括數學達A級) 
632University of Manchester
曼徹斯特大學

入學成績要求 (英國A-Level): AAB(包括數學達A級)
743University of Edinburgh
愛丁堡大學

入學成績要求 (英國A-Level):AAA - ABB(包括數學達A級)
861University of Surrey
薩里大學

入學成績要求 (英國A-Level):ABB(包括數學達A級)



9



65University of Leeds
利茲大學

入學成績要求 (英國A-Level):ABB(包括數學達A級)
1077University of Sussex
薩塞克斯大學

入學成績要求 (英國A-Level):ABB-BBB (包括數學達B級)
滑動查看更多
 

報讀英國大學經濟學系常見問題

應該報讀英國大學商業管理學系還是經濟學系?

英國大學經濟學系嘅入學門檻較高,如果同學仔目標係從事涉及專業投資嘅工作例如投資銀行家 (Investment Banker) 及投資分析師 (Investment Analyst) 就應該報讀英國大學經濟學系。相反,英國大學商業管理學系嘅入學門檻較低,如果同學仔只係想從事一般商業有關嘅工作,選擇報讀英國大學商業管理學系會較為合適。

經濟學系畢業生就業情況如何?

經濟學系畢業生普遍就業率好高,因為喺大學裡面,老師會提供好多唔同方面嘅技能培訓 (Multi-disciplinary Skill Training),同時亦唔會忽略基本功同理論嘅基礎。所以經濟學系畢業生已經具備非常廣闊嘅視野同扎實嘅基本理論基礎,令經濟學系畢業生可以應用所學,而各大公司都好需要呢類嘅畢業生去幫公司去分析經濟決定同策劃未來嘅發展方向!

想報讀英國大學經濟學系,應該考 DSE 還是 A-level ?

如果同學無修讀 DSE M1/M2,又想讀英國大學經濟學系,就建議可以考 A-Level Mathematics 數學同 Further Mathematics 進階數學,因為咁樣會就更加符合英國大學申請嘅審核機制,英國大學會對 A-Level 嘅機制比較熟識,所以會較易透過成績對應番學生嘅學術能力,而 DSE 未必有效對應番學生嘅學術能力,認受性都無咁好,所以會建議同學考 A-level

經濟學課程主要教授什麼內容?

經濟學課程主要圍繞住社會中個體經濟決定(Decision-Making)嘅過程,希望可以培養學生嘅批判性思考及統計方法應用等。課程內容包括:
必修單元:
  • 微觀經濟 (Microeconomics)
  • 經濟統計學 (Introduction to Econometrics)
  • 進階經濟學 (Intermediate Economics)
  • 宏觀經濟學 (Macroeconomics)
選修單元:
  •  政治經濟學 (The Economics of Politics)
  • 博弈理論和決斷策略 (Game Theory & Strategic Decision-Making)
  • 公共經濟 (Economics of the Public Sector)
  • 全球經濟學 (International Economics)
  • 管理經濟策略 (Managerial Economics & Strategy)
  • 貨幣政策 (Monetary Economics)

如何準備申請英國大學經濟學系?

準備申請英國大學經濟學系嘅步驟都唔簡單,同學需要準備好多文件,例如CV、Personal Statement、學校成績同考試成績文件等等,同埋要認真準備面試同 Admission Test,包括一啲常問嘅問題,例如入讀英國大學經濟學嘅原因,及多種情景題,當中都會涉及好多生活化嘅問題。英國大學仲會好強調課外活動嘅得著同自身經歷點樣令同學有所成長。所以面試之前,一定要好好反思活動當中嘅得著,如果唔係就會俾考官問到口啞啞㗎啦!
如果喺電腦/手機前嘅你,仲苦惱緊點樣整理一大堆入學文件,同完全唔知點樣準備Admission Test 同面試,咁你就一定要諮詢吓 UNIKEY Academy 啦,佢哋會提供完善嘅安排,確保你更輕鬆入讀英國大學!
UNIKEY Academy 會喺 5月8日 (星期六 12.30pm - 13.30pm) 舉行限時限額嘅免費講座【英國大學經濟學系申請全攻略】,講座針對正在就讀F. 4/5,並有意升讀英國大學嘅學生及其家長。今次請到劍橋大學經濟學畢業生 Alfred Chang,以過來人身份分享英國頂級學府嘅經濟學系申請程序、就業前景及收生要求,幫助你為 UCAS 申請做好準備!如果同學仔想成功報讀英國大學經濟學系,就記得參加講座留位!費用全免㗎!

免費 DSE 電子報
定期為 30,000+ 中學生送上實用 DSE 資訊和資源
AfterSchool

AfterSchool