【中學畢業典禮】中學畢業全攻略 (畢業公仔禮物、Party Room、到會推介)

踏入四月，相信好多同學仔都正為DSE積極備戰，未必可以抽出時間籌備畢業嘅嘢！但係中學畢業係人生里程碑，應該要同朋友製造更多美好嘅回憶！所以今日 AfterSchool 除咗幫大家諗下畢業有咩有趣嘅班聚活動，仲會有唔同嘅畢業禮物、班聚場地推介。喺大家努力奮鬥嘅時候，等我地幫手做大家嘅畢業活動智囊團啦！

 

學生會/班會嘅同學留意啦～ 相信有啲學校每年都會舉行畢業舞台，俾中六各班嘅同學濟濟一堂，喺全校面前表演。表演內容可以係唱歌、話劇、跳舞，甚至拍一條好得意嘅片等等等等極具創意嘅idea，最重要係喺籌備嘅過程入面，可以俾全班同學一齊合作、參與，同花多啲時間同大家一齊、深入了解大家！表演當日一齊唱下驪歌，直到台上表演完結嗰一刻，相信都好令人感動～

 

畢業活動又點少得謝師宴？為咗答謝老師六年嚟嘅春風化雨，同埋同學校好好咁作道別，相信謝師宴係好多間中學每年嘅傳統！喺當日，每位同學都會精心打扮，到酒店/宴會廳一齊食飯、影相，同埋形形式式嘅班會活動，盡興一番。不過謝師宴事前準備工夫咁多，又要book場地、又要精心置裝打扮，真係諗起都頭痕！

不過，呢排小編就發現到ReUbird嘅場地預訂平台唔單止可以一次過睇曬全港各大星級酒店同宴會廳，而且透過呢個平台查詢，仲可以免費獲得送多1小時，或者全單九折等等驚喜優惠！

 

臨近畢業，相信好多中學生都會帶相機返去同識咗多年嘅朋友留倩影（最近仲好興菲林相機添，夠曬懷舊）除咗最正式嘅集體班相之外，其他相又可以點影先可以特別啲呢？

其實小編當年臨近畢業，返學都變得影相多過上堂。除咗同朋友影啲離奇搞怪嘅pose，例如一班人一齊砌唔同嘅形狀、數字、字母等等，簡單啲紀錄下平時上堂嘅點滴（即係訓覺樣），都好彌足珍貴㗎！ 小編畢業嗰年好流行Mannequin Challenge，即係全部學生扮成假人、靜止不動咁拍片，依家睇返都依然覺得好有趣～ 

另外，平時鍾意攝影嘅同學仔應該都聽過Light painting，雖然同樣可能雖然NG好多次，但以學校做背景，影出嚟都係超級靚同特別！

 

中學畢業到大專院校開學中間有三、四個月咁長時間，緊係唔會諗住喺屋企hea曬佢啦！除咗繼續同朋友見面，其實都可以約埋一班同學出黎聚會㗎（喺唔違反限聚令情況下）

雖然今年因為疫情唔可以去其他國家旅行散心，不過其實都可以一齊朋友去個遠離市區嘅短trip，租下度假屋或者露營，一樣有旅行嘅樂趣！除咗常去嘅長洲同南丫島，小編都推介一啲比較少聽嘅地方，例如西貢嘅鹽田梓客家村、東平洲、鴨洲、吉澳等等，都有唔少嘅地質奇景可以欣賞！

 

除咗Grad din，畢業之後其實都可以成班friend搵日出黎聚下！除咗book餐廳食飯，相信好多人都會諗到Party room！不過上IG一搵咁多間，就咁睇真係唔知個場可以容納幾多人，同有咩特別場地設施，都幾麻煩～

不過依家上 ReUbird，就可以一次過睇曬超過300 間 Party Room同派對場地。只要你click你輸入日期、人數同地點，無論觀塘定荃灣，甚至係大西北，幾個制就知道邊間係最啱你地嘅畢業Party room！

除咗以上所講嘅基本資料，而且每個場地都會有埋環境圖片作參考，大大減低中伏嘅風險。去得party room，相信你都會想有啲特別主題同打卡位，波波池、唱K、麻雀檯等等，甚至想要有個廚房，可以一齊煮啲輕便嘅嘢食，依家都可以喺 ReUbird click 兩個制就輕鬆找到心水之選啦～

一班人去玩又點少得食嘢，ReUbird 連美食到會都有全面嘅推介！同學仔可以根據人數、聚會形式、食物類型等去篩選，仲可以每盤自由散叫，無論食素人士定係食肉獸、食中餐定西餐，都輕鬆啱曬咁多人嘅口味！菜式由沙律、小食、主食、甜品同飲品，包羅萬有。只要你諗到，都可以直接喺網站搵到，兩分鐘就可以完成預定啦～ 

相信有啲同學唔到最後一刻都揀唔到食咩，不過部分平台上嘅店鋪最遲只需前一日預定，第二日就可以送到啦！

 

中學畢業係一個人生重大里程碑，相信好多人都會揀買禮物送俾畢業嘅朋友或者屋企人。其中畢業公仔更係熱門之選！你諗到嘅卡通人物例如角落生物、麵包超人、櫻桃小丸子等等，都可以喺唔同嘅商場搵到。除咗可以買朋友鍾意嘅卡通人物之外，其實部分舖頭仲有訂製服務，喺公仔嘅畢業袍上繡上朋友個名同學校名，做到真正嘅獨一無二！

覺得畢業公仔太悶又冇用？ReUbird 就為大家搜羅唔同品牌、價錢嘅中學畢業禮物選擇，例如各式各樣嘅畢業公仔、客製化照片星空燈、訂製人像夜燈、數字油畫、永生花音樂盒等，創意滿分！咁就有心思得黎，又有意義啦～

如果想要實用啲，仲可以買個拉鏈銀包材料包，返去親手自己縫製一個專屬嘅銀包，盡顯心意。自認手工藝技術麻麻地嘅同學仔，仲可以買個完成品、再用免費嘅壓字服務，一樣意義非凡！

 

雖然中學畢業未必個個同學都會收花，不過相信好多女仔都鍾意收花，細細紮都足以代表住你對佢嘅祝福！不過原來畢業花束都有分好多款式㗎，除咗我地平日所認知嘅鮮花，原來仲有繡球花、保鮮花等等。小編就比較鍾意送乾花啦，靚得黎又可以擺耐啲！

除咗場地，原來 ReUbird 亦有送禮鮮花預訂平台，一眼就可以望曬唔同商戶有咩花賣，超方便！同學仔仲可以根據價錢、花嘅種類同款式，甚至顏色去篩選自己想要嘅花～

畢業花束黎講，滿天星係嘅大熱之選，而唔同顏色嘅滿天星都有唔同嘅花語！想再特別啲，部分店鋪甚至可以幫你加上心意卡、燈串等，令你送嘅花束更加獨一無二～

 

唔知有冇同學仔好鍾意食蛋糕？依家又有多個藉口買蛋糕食啦～踏入人生新階段，不妨同朋友一齊買個畢業蛋糕慶祝下啦！林林總總嘅網店成日都唔寫價錢，特登要續個續個 pm 店主真係有啲麻煩。不過喺 ReUbird 嘅蛋糕預訂平台，除咗可以根據價錢、款式同口味去篩選同輕鬆比較超過200款蛋糕之外，更可以更平更抵嘅價錢訂購心水蛋糕！

小編見到蛋糕款式包羅萬有，由水果蛋糕、芝士蛋糕、雲石蛋糕、甚至依家好hit嘅「星球扑爆蛋糕」都搵到；想更加有心思同創意，可以揀特別嘅造型，例如粉紅小豬同胡迪，見到都好想食呀～

依家經 ReUbird 網上查詢同預訂以上產品，仲可以有唔同嘅優惠同折扣！快啲 Click 入去開始睇下有咩心水之選，為家人/朋友送上最貼心嘅畢業祝福啦！AfterSchool 都祝福畢業嘅同學仔前程似錦，無論未來發生咩事，都要對自己保持信心啊！