DSE Econ 競爭激烈，2020 年 Level 5, 5* 同 5** 嘅 DSE Econ Cut Off 分數分別係 143 / 174, 154 / 174 同 162 / 174，所以唔少學生都想補習，務求喺 Econ 呢科考到理想嘅等級。無論同學補習係想補底定拔尖，補大型補習社、中小型補習社、Econ 私人補習或者補網上補習平台都可以幫助同學喺 DSE Econ 考取理想嘅成績。AfterSchool 今次幫各位讀經濟 DSE 嘅同學整合香港唔同類型嘅 經濟科補習，同埋同大家分析各個補習模式嘅好處同壞處！
目錄
ECON Cut Off
| Level 等級 | Cut Off 百分比 | Cut Off 分數 |
| 5** | 93% | 162/174 |
| 5* | 89% | 154/174 |
| 5 | 82% | 143/174 |
| 4 | 68% | 119/174 |
| 3 | 未有數據 | 未有數據 |
Source: https://hkdsegayau.com/2020-dse-cut-off/
Source: 考評局
根據 2021 年考評局嘅資料，多達 12,307 名考生報考 DSE Econ，喺眾多 Electives 裏面排第三！
經濟科補習邊個好？
| 類型 | 經濟科補習名師 / 補習社 | 課程特色 | 費用 | 分校地址 |
| 大型補習社 | 現代教育Daniel Yu | 師承前香港大學教授張五常 2012-2016 年 DSE Econ 學生奪星比率超過全港平均三倍，逾 1,500 學生奪得 Lv5+ 成績 曾 tip 中 2017 DSE Econ Paper 2 Part B 三條題目 曾舉辦多場 mock exam，歷屆超過二千人參與經濟科模擬考試 提供獨家經濟電子溫習卡等配套 | 每期 $600-630 （四堂） | 荃灣豪輝商業中心分校 荃灣西樓角道 218-224 號豪輝商業中心第1座1樓101室 現代小學士教育中心（宇晴匯） 九龍荔枝角宇晴滙商場2樓57號舖 現代小學士教育中心（鑽石山） 九龍鑽石山鳳德村鳳德商場2樓N231-232號 現代小學士教育中心（元朗） 新界元朗鳳攸南街9號好順利大廈地下19-20號舖 現代小學士教育中心（大埔運頭塘） 新界大埔運頭塘邨運來樓地下11號 現代小學士教育中心（藍灣半島） 香港柴灣小西灣道28號藍灣廣場1樓3號舖 現代小學士教育中心（將軍澳） 新界將軍澳新都城一期商場地下G2至3號舖 現代小學士教育中心（烏溪沙） 新界沙田馬鞍山沙安街23號利安商場地庫二樓L203號舖 現代小學士教育中心（置富嘉湖） 新界元朗天水圍置富嘉湖第1期1樓155號舖 |
| 遵理學校Cliff Yeung | 香港大學經濟學學士、香港大學經濟碩士 曾任考評科目主任及評核發展部經理，負責出題、審題、評卷、撰寫考試報告 全港唯一有份參與 DSE Econ 課程設計嘅補習名師 有十多年會考、高考和經濟 DSE 教學經驗 | 每期 $700-710 （四堂） | 元朗正校 元朗大馬路 (青山公路) 41號誠信大廈2樓至4樓 銅鑼灣分校 銅鑼灣怡和街68號2樓205-215號舖 旺角分校 旺角彌敦道565-567號銀座廣場1樓至7樓 九龍灣分校 九龍灣常悅道21號Eastmark 5樓503室 荃灣分校 荃灣青山公路398號愉景新城3樓3019號 將軍澳分校 將軍澳新都城第一期商場地下G8號舖 沙田分校 沙田大涌橋路52號富豪花園商場一期1號、2號、8號、10號及11號 屯門分校 屯門栢麗廣場 2樓239、250、251、253至256號 上水分校 上水新豐路89號2樓 | |
| 中、小型補習社 | Econer Ryan Wong | 畢業於香港中文大學經濟系 曾為多間中學設計和任教保底、拔尖經濟班 曾考 DSE Econ，多年卷一一直全取100%，卷二分數亦接近100% 平均每三名學生，就有一個獲得 Level 5+ 提供 DSE 經濟筆記、Econ by-topic notes, MC 詳解 | / | 太子彌敦道757號威明商業大廈8樓全層 |
| 私補平台 | Kits-Tutor | 私人補習中介平台 | $150-350 (每小時) | N/A |
| TutorCircle | 私人補習中介平台，現時有超過五萬名老師登記 95% 獲成功配對的導師具5*-5** 資歷 提供經濟 DSE 上門補習、網上補習、自組補習等不同選擇 | $180-250 (每小時) | N/A | |
| HKU Netjob | 私人補習中介平台，由香港大學營運 導師均為香港大學學生，一對一教學 | $200-300 (每小時) | N/A | |
| 網上補習平台 | AfterSchool | 網上補習平台 AfterSchool 經濟導師均有 5** 資歷 | 視乎課程而言 | N/A |
滑動查看更多
Econ 補習形式比較
credit: unsplash @austindistel
大型 經濟科補習社優點
- 配套充足，能夠為學生提供 DSE Econ Past Paper by topic, DSE Econ Notes, AL Econ Notes 等等
- 分校眾多，同學可以方便選擇接近自己嘅補習中心
- Econ 補習名師均擁有多年教學經驗同經濟 DSE 經驗
- 考試（DSE Econ) 為本，加上大型補習社會有更多有關試題嘅統計數字，亦都有團隊專門研究歷屆試題，令學生可以學到更多答題技巧
大型 經濟科補習社缺點
- 多人教學以致互動率低，而 Video Lesson 嘅互動機會比 Live Lesson 更少。導師亦難以即時處理個別同學嘅問題，更加唔能夠就個別同學嘅程度而調整教學內容，影響同學嘅學習效率
- 大型補習社嘅常規課程同個別學校嘅教學進度未必一致，可能影響同學嘅學習進度
- 為咗令學生繼續報讀常規課程，甚至會報讀其他課程（例如一日衝刺課程、暑期課程、某課題精讀等等），大型補習社比較容易拖延教學，影響學生嘅學習進度
中小型 經濟科補習社優點
- 能夠因應學生嘅程度分班，例如拔尖班，補底班
- 小班教學，互動率高，導師亦更容易了解各個同學嘅問題同需要，對症下藥
- 收費通常比較便宜
中小型 經濟科補習社缺點
- 配套通常不及大型補習社
- 課程未必以 經濟DSE 為標準
Econ 私人補習優點
- 一對一教學：補習老師可以根據學生嘅學習進度，為他們制定更加個人化嘅課程同時間表
- 老師可以更 ad hoc 咁同同學處理學校嘅測驗、考試等等
- 老師可以就住學生嘅表現，例如畫 graph，即時俾意見同改善方法
小編獨家優惠～
有排都未全日復課？想喺屋企 keep 住進度甚至領先一步？
有排都未全日復課？想喺屋企 keep 住進度甚至領先一步？
透過 Tutor Circle 尋補 搵補習老師，疫情下除咗上門補習，仲可以要求視像補習！
Tutor Circle 尋補成功配對率達 98%，專業客服幫你搵導師，最快30分鐘搵到啱你嘅導師!
所有 Afterschool 用戶使用優惠碼「AS50」尊享尋補補習學費$50 減免。
喺屋企好迷失或者欠缺動力嘅你，快啲 click 下面條 link ，搵個私補老師貼身幫你趕進度啦！
立即使用優惠碼：https://bit.ly/3AbnDeP
Econ 私人補習缺點
- 相對於大型補習社，DSE 私補收費通常比較貴
- DSE 私補老師資源可能無咁豐富
- 某啲私補老師缺乏教學經驗，或者唔一定接受過教育嘅訓練
網上補習優點
- 上堂時間、地點彈性高
- 課堂配套完善，Econ 補習影片重溫次數無上限，同學可以不斷重睇影片，溫故知新
網上補習缺點
- 同學需要更自律學習，如果對課堂內容有疑問，記得善用補習資源向老師發問！
credit: unsplash @nickmorrison
點樣選擇適合自己嘅經濟補習老師？
同學喺考慮自己係咪需要補習嘅時候，記得要問自己幾條問題：點解我要補 Econ？我期望呢個補習可以點樣幫到我，同埋補習可以幫到我幾多？
除咗要選擇補習老師同補習模式，同學要記得考慮埋以下幾點：
了解自己嘅目標同能力
唔同人揾 Econ 補習可能有好多唔同嘅原因，例如係想拔尖（例如 aim 5*-5**），又或者係想補底 （例如 aim 穩攞4）。同學可以根據自己嘅能力同目標，選擇適合嘅老師。例如，如果同學係aim high，就可以搵一個一向都補拔尖學生嘅老師。
適合自己嘅教學模式
credit: unsplash @christinhumephoto
隨住網上補習嘅興起，補習模式唔再只有舊有嘅面對面教學。Face to face 嘅補習可能因為車程而浪費時間，而網上補習可以俾同學彈性選擇上堂嘅時間，令時間管理做得好啲，而且可以不斷重溫教學影片，唔明就睇到明為止，又唔怕寫唔切 notes。
如果同學比較需要大量嘅學習配套，例如 Econ 筆記，Econ MC 詳解，甚至係 Econ Past Paper By Topic，同埋希望學到更多關於考試答題技巧嘅內容，大型補習社可能比較適合你。
屋企無咩金錢上嘅顧慮嘅同學都可以考慮 Econ 私人補習，令老師可以根據同學嘅不足而作出相應嘅教學改變，例如如果同學 concept 未清，就可以首先清咗 concept，然後再做 Past Paper 鞏固概念同操練；如果同學需要增強答題技巧，老師亦都可以因應呢個情況，同學生講解更多關於答題嘅方法。
DSE ECON 補習老師嘅背景
credit: unsplash @homajob
既然花錢、花時間補 ECON，當然希望搵到一個專業嘅補習老師，可以更深入咁解答自己嘅問題，所以搵一個喺大學讀 Business，甚至主修 Econ 嘅老師，絕對係一個明智嘅選擇。因為喺大學修讀經濟嘅老師比主修其他科嘅老師對呢科嘅 concept 會有更透徹嘅了解，所以佢哋可以更清晰咁同同學解釋 DSE Econ 嘅概念。
除咗考慮老師嘅學歷，其他人對老師嘅評價亦都可以反映老師嘅教學質素。畢竟老師自己讀 Econ 讀得好，唔直接代表佢有能力教好學生，甚至幫助學生考好 DSE！
經濟科補習費用
credit: unsplash @micheile
如果同學想補幾個 DSE 科目，難免會為屋企帶來額外嘅支出。呢個時候，大家會更期望付出咗嘅學費可以換來更好嘅經濟科成績，直入心儀嘅科目！
價錢方面，一般 Econ 私人補習最貴，大型補習社同網上補習最平，而中小型補習社嘅學費就係佢哋之間。大家可以根據屋企嘅經濟負擔能力同自己嘅需要，選擇適合自己嘅補習課程！
ECON DSE 小貼士
疫情唔經唔覺已經持續咗一年半，而 2022 DSE 考生差唔多全個高中生活都喺疫情同埋online learning 之下度過：自己一個喺屋企對住個 mon 上堂考試、之後就 online 補習、然後再自己一個溫書。DSE 本身已經唔容易，而呢種前所未有嘅學習方式更加令學習難上加難。與此同時，
小編想喺呢度同大家打打氣，加油！DSE 同學仔而家可能覺得好似好快就要考 DSE，自己又未溫好書，未做 Past Paper… 但係只要你肯不斷努力，將來嘅你一定會感謝今日願意努力嘅自己！
credit: unsplash @Nguyen Dang Hoang Nhu
Econ 補習 Q&A
Econ 補習邊個好？
香港現有嘅 Econ 補習選擇有私人補習、大型補習社、中小型補習社、網上補習等等。大家可以喺衡量過各個補習形式嘅好處同壞處之後，作出適合自己嘅選擇。
大型補習社優點、缺點？
大型補習社配套充足，名師備有多年教學同埋 DSE 實戰經驗，而且龐大嘅教學團隊可以為同學製作最適合 DSE 嘅筆記。但係，大型補習社普遍互動率低，而且教學同學校嘅未必一致，可能影響同學嘅學習進度。
私補有咩優點、缺點？
私人補習可以令同學有一對一教學，補習老師可以根據同學嘅進度，制定適合佢哋嘅教學進度同時間表。
P. S. 呢幾篇 blog 會幫到想 Econ 進步嘅你！
DSE 補習系列文章:
