讀書壓力爆煲，情緒受困，想搵人傾訴，怕屋企人擔心，又怕煩到朋友？不如試下心理輔導啦！除咗 24 小時傾訴熱線，而家仲有唔少免費心理輔導平台可以揀㗎！ AfterSchool 呢度整理咗唔同嘅情緒輔導途徑：輔導熱線、網上心理輔導、實體輔導，當中一定有樣幫到迷失嘅你！ 心理治療分邊幾類？ credit: unsplash @Leon 心理輔導 心理輔導係以面談形式進行嘅心理治療，概念係同輔導員傾計咁，每次大概半個至一個鐘不等。心理輔導員會耐心聆聽你嘅感受，令你嘅情緒可以得到宣洩。心理輔導冇任何副作用嘅。喺無藥物嘅情況下，心理輔導員做到嘅就係梳理 client 嘅負面情緒。不過可能要見十幾次，先見到效果。睇心理輔導一次約需幾百至 1000 蚊，較為入門。 另外，臨床心理學家提供嘅心理輔導，同心理輔導員大同小異。不過佢哋除咗會同你傾偈，用到嘅方法會多啲。例如喺香港，認知行為治療係最主要嘅方法之一。臨床心理學家較為專業，梗係有專業嘅收費啦，一次約需 $1000 - 2000，較難負擔。 精神科醫生 精神科醫生唔係心理醫生，佢哋係用物理嘅方法治療心理問題。當情緒問題係一種病咁處理，開精神科藥 / 血清素俾 client，以達致心理治療嘅效果。雖然食藥可以好快見到效果，但食完同時會產生各種副作用，如手震、嗜睡、疲倦、體重增加、坐立不安等。由於食藥解決唔到真正嘅心理問題根源，client 可能會因此依賴藥物去控制情緒。 青少年心理輔導有咩途徑？ credit: unsplash @Bewakoof.com 今次，我哋集中講心理輔導。講起心理輔導，你第一時間會諗到咩？一對一嘅專員輔導？定係耳熟能詳嘅「關心一線」？你又知唔知，心理輔導有邊幾種途徑呢？ 主要有三種，分別係： 熱線輔導 網上輔導 實體輔導 熱線輔導、網上輔導多數都係免費嘅，仲有好多選擇添！實體輔導一般都要收費，不過如果合資格嘅話，參與資助輔導計劃，可以用津貼去睇心理輔導！ 其實，而家有唔少專為青少年開設嘅心理輔導，所以唔洗怕尷尬㗎～ 接落嚟小編同你逐一介紹！ 免費心理輔導熱線 credit: unsplash @Priscilla Du Preez 「關心一線」 機構：香港青年協會 熱線：2777 8899 服務時間：星期一至六：14:00 - 02:00 服務對象：6 - 24 歲嘅青少年 24 小時傾訴熱線 機構：協青社 熱線：9088 1023 服務時間：24 小時 服務對象：8 - 21 歲嘅青少年 青少年生命專線 Youth Link 機構：生命熱線 熱線：2382 0777 服務時間：14:00 - 02:00 服務對象：24 歲以下嘅青少年 免費網上心理輔導 credit: unsplash @Kaitlyn Baker Open噏 「Open噏」係專為年青人而設嘅網上輔導平台，不限於來自學業、家庭、朋輩相處、工作嘅情緒困擾。提供 24 小時服務，可以透過手機或電腦， 喺 WhatsApp、FB Messenger、SMS、官方網站搵佢哋。 機構：香港小童群益會、香港明愛、香港青少年服務處、香港青年協會、聖雅各福群會、香港大學香港賽馬會防止自殺研究中心、香港賽馬會慈善信託基金 Whatsapp：91 012 012 Facebook / Instagram：hkopenup 服務時間：24 小時 服務對象：11 - 35 歲嘅青少年及青年 夜貓Online -「夜貓會客室網上輔導服務」 夜貓 Online 網上青年支援隊，以線上和線下(Online & Offline) 嘅模式，為面對即時危機或高危處境嘅青少年提供輔導服務。 機構：香港小童群益會 Whatsapp：9726 8159 / 9852 8625 Skype : nitecatonline01@hotmail.com.hk / nitecatonline02@hotmail.com.hk 服務時間： 星期一、二、五：18:00 - 02:00 其他時段須先填表格預約 (星期日及公眾假期休息) 服務對象：6 - 24 歲嘅青少年 一微^_^米網上青年支援隊 (eSm^_^iley) eSm^_^iley 嘅 e 代表新界東，團隊由一班社工組成，喺 e-platform 服務新界東以外嘅青少年。有即時網上傾偈提供情緒支援，亦有組織唔同活動俾青少年參加。 機構：香港青少年服務處 服務時間： 星期一、二及六：18:00 - 02:00 星期三、四及五：18:00 - 22:00 服務對象：青少年 香港明愛連線Teen地 - 網上青年支援隊 明愛連線Teen地由一班網上外展社工組成，主要透過 Whatsapp、Signal、FB Messenger、TG、IG，輔導於網上表示生活遇到困難、情緒受困、覺得被社會邊緣化或遇到網上欺凌嘅青少年。 機構：香港明愛 Whatsapp / Signal：9377 3666 Facebook / Telegram：caritasinfinityteens Instagram：caritas.infinityteens 服務時間： 星期一、二：10:00 - 18:00 星期三、四：14:00 - 22:00 星期五、六：18:00 - 02:00 星期日及公眾假期休息 服務對象：6 - 24 歲活躍於網上、有較大成長需要嘅青少年 港島區網上青年支援隊 - 第六點 第六點嘅社工團隊以香港島為出發點，為網上處於高危或隱蔽嘅青少年及其家人提供網上線下嘅輔導服務。網上輔導嘅途徑以 Whatsapp、FB Messenger、TG、IG 為主。 機構：聖雅各福群會 Whatsapp：5933 3711 Facebook：SJSSDH Telegram：@hearforyou Instagram：sixdegreehubs 服務時間： 星期一：10:00 - 18:00 星期二：14:00 - 18:00 星期三：10:00 - 14:00 星期四：14:00 - 22:00 星期五、六：14:00 - 02:00 星期日及公眾假期休息 服務對象：6 - 24 歲喺網上處於高危 / 隱蔽嘅青少年及其家人 uTouch 網上外展輔導服務 uTouch 服務其中一項係網上輔導服務。透過 uTouch Portal (網上聊天室)、Whatsapp、FB Messenger，為青少年提供輔導。 機構：香港青年協會 Whatsapp：6277 8899 Facebook：utouch.hk 服務時間： 星期二至四：16:00 - 22:00 星期五、六：16:00 - 02:00 服務對象：青少年 備註：以上嘅名單未能盡錄所有服務。 實體心理輔導 credit: unsplash @Priscilla Du Preez 熱線輔導、網上輔導有得免費做，咁實體心理輔導呢？聽聞好貴？會唔會都有免費？免費就難啲啦，而價錢方面每個機構都唔同。下面介紹嘅兩間機構，可以提供價錢相宜、較易負擔嘅實體心理輔導，都係值得考慮嘅選擇嚟㗎。 突破機構 - 輔導中心服務 服務對象： 19 - 30 歲嘅青年人 (個人心理輔導服務) 11 - 18 歲嘅青少年及家庭 (少年及家庭輔導服務) 服務申請：致電中心預約 收費： 個人輔導：按照個人收入 1.7% 計算 家庭輔導：家庭總收入 1.2% 計算 以上兩者下限每節 $150；上限每節 $1,500 查詢時間： 星期一、三至五：09:30 -12:30；14:00 - 20:00 公眾假期休息 輔導中心採用彈性上班時間，須先預約 地址：九龍吳松街191號突破中心二樓（港鐵佐敦站C2出口） 電話：2377 8511 按此了解更多 香港小童群益會 - 心理創傷輔導中心 服務對象： 3 - 21 歲嘅兒童及青少年 (曾歷創傷事件，並出現心理創傷徵狀) 服務申請： 自行提出申請 經由專業人士作出轉介 (如醫生、心理學家、社工) 收費 (家庭月入 / 個別輔導費用)： $30,000 以下 / $200 $30001 - 50000 / $400 $50001 - $70000 / $600 $70001 或以上 / $800 如個別家庭有經濟困難，可申請減費 查詢時間： 星期一至六：09:30 - 12:30；13:30 - 17:30 星期日及公眾假期休息 地址：香港灣仔駱克道3號28樓 電話：2823 8646 按此了解更多 資助輔導計劃 credit: unsplash @JESHOOTS.COM 實體心理輔導雖然要收費，但本港亦有機構提供資助輔導計劃，符合資格嘅話，睇輔導或者會得到部分 / 全額資助！以下介紹嘅兩個資助計劃，津貼範圍唔止包括精神科治療，仲有臨床心理治療，無論你係青少年，定係成年人都受惠㗎！ 青協：Project STEP - 青少年全健精神科資助計劃 性質：精神科醫療 申請資格： 10 - 29 歲香港永久性居民 首次接受精神科服務之人士 有經濟困難嘅家庭 經社工初步評估有臨床情緒病徵狀，以及需要接受精神科治療 18 歲或以下青少年須獲監護人同意，18 歲以上青少年須自願參與轉介服務 資助範圍： 免費接受協作私家精神科醫生不多於 6 次診治，資助包括診金及藥費 首次到診後，申請者可向計劃協作醫生攞轉介信，排期公立醫院精神科門診 完成 6 次治療後，如有需要 (根據醫生及社工評估)，申請者可申請續期，成功續期者可獲額外 6 次免費診治 資助金額上限：$3,600 查詢電話：3422 3161 按此了解更多 社聯：「港講訴Time To Heal」計劃 性質：心理治療、精神科醫療 申請資格： 因最近社會動盪 / Covid19 疫情而出現心理或精神創傷人士 不論年齡、經濟狀況、政見、有否牽涉法律調查或訴訟也可申請 需由社工了解及評估後作轉介申請 資助範圍：相關輔導或治療費用、精神科醫療評估及藥物治療 資助金額：$7000 查詢電話：9010 2980 心理治療現金資助：按此了解更多 精神科醫療現金資助：按此了解更多 * 心理治療、精神科治療資助計劃可同時申請 備註：請留意各計劃嘅截止日期！ 想知更多健康資訊？ credit: unsplash @Matteo Raw Shall we talk - 精神健康推廣和公眾教育計劃 由精神健康諮詢委員會推行 提供多元化資訊，包括心理健康資訊、心理困擾測試、常見精神健康問題、求助途徑、社區支援途徑等 按此查看 情緒GPS（賽馬會情緒GPS心理支援計劃） 由新生精神康復會主辦 提供唔同教育 / 治療課程、心理治療小組、情緒自我測試等，亦有介紹各種情緒健康資訊 按此查看 輔導熱線可以幫到一時，但唔係一個長期有效嘅解決辦法。 如果你 feel 到自己嘅心理 / 精神問題持續惡化，就要儘快尋求專業醫生嘅協助啦。 記住一點，睇心理輔導唔等於有病！千祈唔好將負面情緒收收埋埋，嘗試搵人傾訴下，一定有人願意聆聽㗎！勇於面對自己嘅情緒，先至係真正善待自己嘅表現！
