【DSE Econ 溫習攻略】Efficiency and Equity 效率與公平

MH Economics
MH Economics 2021-8-6 375
DSE Econ 考試範圍廣,所以大家好容易就忽略咗 Efficiency and equity 呢題。一齊睇下 DSE 經濟「效率與公平」嘅溫習重點 + Econ Past Paper 溫習攻略!
效率與公平 (Efficiency and Equity),係 DSE Econ 微觀經濟學嘅最後而且最複雜嘅一課。Efficiency and Equity 所涉及嘅課題非常多,入面包括晒需求及供應 (The Demand and Supply)、需求彈性及供應彈性 (The elasticity of demand and supply),同埋機會成本 (The opportunity cost) 等經濟概念,基本上就總結緊微觀經濟 (Microeconomics)。
效率與公平呢課可以佔 Econ DSE 十幾二十分,係微觀經濟學嘅重中之重!所以今次 AfterSchool 邀請咗 Ming Ho 同大家由效率與公平嘅定義、界外效應、相關星級考試技巧 DSE 經濟答題框架出發,希望各位睇完之後 DSE Econ 升多一個 Level!
 

DSE Econ 效率與公平考啲咩? 

效率與公平 (Efficiency and Equity) 呢一個 Topic,其實喺 DSE Econ 扮演一個好重要嘅角色,呢一課涵蓋咗好多唔同嘅經濟 Concept: 
  1. 價格的功能 (The Function of Price)

  2. 相對價格的概念 (The Concept of Relative Price)

  3.  消費者盈餘及生產者盈餘 (Consumer Surplus and Producer Surplus)

  4. 效率損失 (Deadweight loss)

  5. 界外效應 (Externality)

  6. 洛倫茨曲線 (Lorenz curve) 及堅尼系數 (Gini coefficient)

  7. 收入均等化 (Equalizing income) 及機會均等化 (Equalizing opportunities)

DSE 經濟唔同 topic 嘅答題要求都唔一樣,有啲要畫圖,有啲要計數,好多時亦會同其他課題一齊出,所以掌握唔到相關嘅概念,DSE Econ 一定唔會考得好!
 

Definition of Efficiency and Equity 效率與公平嘅定義

Efficiency 效率

定義:
要資源分配達致有效率水平,其條件就是邊際利益(Marginal Benefit) = 邊際成本(Marginal Cost)。而邊際利益等於邊際成本時,總社會盈餘便是極大化
Definition:
A market is efficient in the sense that it can attain the allocative efficient output level, i.e., produce at where Marginal Benefit = Marginal Cost. Once marginal benefit equals marginal cost, the total social surplus is maximized.

效率與公平
效率與公平
喺「均衡」嗰陣,社會每一蚊或者每單位資源都可以充分地被利用,物品分配畀願意付出最大代價嘅人,同物品由生產成本最低嘅廠商供應,即係資源的分配達致最佳狀態,無超額需求或供應,總社會盈餘最大化
  

咩情況下係會出現無效率? 

DSE 經常會問喺咩情況下市場會出現無效率、政府干預會點樣影經濟效率呢類問題,而同學仔作答嘅時候通常要畫圖,所以我一次過喺度總結晒相關嘅 concept 畀大家!

1. 價格上限 (Price Ceiling)

由於生產過少,喺 Q2 邊際利益 (MB) 大於邊際成本 (MC),導致淨損失 (abc)。而同學唔好同其他三角形混淆咗呀,因為我哋係要從圖中表示生產過少嘅範圍呀。
 

2. 價格下限 (Price Floor)

由於生產過少,喺 Q2 邊際利益 (MB) 大於邊際成本 (MC),導致淨損失 (abc)。

3. 配額 (Quota)

由於生產過少,喺 Q2 邊際利益 (MB) 大於邊際成本 (MC),導致淨損失(abc)。

4. 從量稅 (Per Unit Tax)

由於生產過少,喺 Q2 邊際利益 (MB) 大於邊際成本 (MC),導致淨損失 (abc)。

5. 從量津貼 (Per Unit Subsidy)

心水清嘅同學同見到呢幅圖就知道同上面個幾張圖唔同,上面個啲圖係指出生產過少嘅情況,而今次係生產過多,所以喺 Q2 邊際成本 (MC) 大於邊際利益 (MB),導致淨損失 (abc)。
以上五個政府干預都係 DSE 極常出嘅類型,希望同學仔都記畫圖步驟同埋答題內容呀!
 

Equity 公平

credit: unsplash @samsonyyc
credit: unsplash @samsonyyc
公平無一個絕對標準,涉及價值判斷。
公平可以指機會均等,或者結果公平(例如均等收入)。傳統經濟學好多時都講求效率,因為方便計算,易於量化。
對公平嘅研究一直都唔多,因為呢樣嘢好難量化成一啲數字。但後期發展之下,好多學者都明白到公平嘅重要性,特別係政策研究,好多時都要留意機會均等化 (Equalizing Opportunity) 收入均等化 (Equalizing Income)
DSE Econ 多年嘅 Report 反映,考生唔識用呢兩個概念去演繹公平性問題,所以大家要留心啦~

機會均等化 (Equalizing Opportunity) 

主張機會均等嘅人認為,只要有公平嘅遊戲規則,確保每個人不受歧視,以及有平等機會去盡展所長同創造財富,即使結果係唔均等(例如貧富懸殊),都屬於公平。

收入均等化 (Equalizing Income)

政府可以透過「稅收」「轉移支付」去改善由市場經濟造成嘅收入不均程度。主張收入均等嘅人認為政府應向高收入人士徵稅,並透過社會福利制度轉移畀低收入人士,呢個稱為「收入再分配 (income redistribution)」

公平題目例子

問題:
A 國政府在 2021 年公布「$5000 消費券計劃」:向每位十八歲或以上的A國永久居民或新移民派發 $5000 消費券
你認為政府應否推行「$5000消費券計劃」以令 A 國社會更公平?試加解釋。(4 分) 
答案:
公平無一個絕對標準,涉及價值判斷。
就收入均等化而言,相比富人,$5000令消費券窮人的收入有較大百分比的上升,收窄他們於稅後收入的差距,令A國社會更公平。
就機會均等化而言,相比富人,窮人没有取得較多的資源以增加他們的未來收入 (Future Income),未能收窄貧富起步點的差距,無法令社會更公平。

以上只係 Suggested Answer ,同學如果有其他相關答案諗到都可以寫出嚟㗎,言之成理就得啦。而呢類題目都只係想考下各位對政府政策的公平性,即係可唔可以從呢兩個角度去講公平問題,所以都建議同學背定啲框架去考!
 

界外效應 Externality

界外效應 (Externality) 指某人從事生產或消費活動時影響到第三者 (third party) 嘅福利 (well-being) 而無為此而支付或獲得任何補償

如果對第三者嘅影響係有害,就會稱為「負面界外效應 (negative externality)」;

如果係有益,就稱為「正面界外效應 (positive externality)」。
由於考評局講到明話呢課係唔洗考畫圖,咁所以就唔 show 啲圖點畫啦。但係同學都係要知道當佢常出啲咩嘅同埋背後嘅 concepts。因為單單界多效應呢個 sub-topic 都可以佔 6 - 8 分,但命中率長期低迷,所以同學要多加注意。

首先,大家一定要記得呢條公式
社會成本(利益) = 私人成本(利益) + 界外成本(利益)
即係話,當界外成本 (利益) 出現時,社會成本 (利益) 同私人成本 (利益) 會有分歧。

credit: unsplash @vishnurnair
credit: unsplash @vishnurnair

界外影響例子題目

題目:
Mirror 是香港有名的男團,不時會於各地舉行活動,而這些活動地點會吸引很多市民聚集,一些偏遠地區的商店的生意額因而轉好。
試以界外效應為基礎,解釋 Mirror 舉行活動如何可能導致缺乏效率 (3分)。

答案:
正面界外效應,偏遠地區的商店因為 Mirror 舉行活動令其生意轉好而得益,但這些商店沒有補償 Mirror,因此出現了正面界外效應,導致邊際社會得益大過邊際社會成本,出現了私人利益和社會利益有分歧,反映 Mirror 舉行活動是低於有效率水平。
大家可以從上例子明白到效率、公平及界外效應嘅相關概念及答法,但係都明白要精通係有一定難度嘅,所以都想同大家分享下我自己讀呢一課嘅技巧啦。
 

經濟 DSE 必學考試技巧

技巧一:「效率三部曲」

效率類題目係經濟科必問題目,同學成日會問點解攞唔足分,呢一 part 其實好考同學對唔同嘅政府干預夠唔夠熟,因為同學要分到佢係有效或者冇效
只要你夠熟,答啱晒呢類題目變成好基本,但係要秒殺就真係要啲功力。同學可以背一背「效率三部曲」,咁見到呢啲題目時就唔洗怕。
價格上限為例:
實施有效價格上限 (Pc) 令市價低於均衡價格,價格會由 Pe 下降至 Pc,交易量由 Q1 下跌至 Q2。
由於生產過少,在 Q2 邊際利益 (MB) 大於邊際成本 (MC),導致淨損失 (abc)。
  1. 解釋有效嘅干預係點

  2. P 同 Q 會點變

  3. MB > MC / MC > MB -> 淨損失 / 效率損失 (Deadweight Loss)

  4. 畫圖都要注意㗎,大家可以睇返上面價格上限嘅圖
 

技巧二:「公平思考法」

我哋啱啱都有講過公平類嘅題目,基本上 DSE ECON 每年都會出一至兩條,但係點樣做同點樣攞滿分呢?其實好簡單,只要從機會均等化 (Equalizing Opportunity) 同收入均等化 (Equalizing Income) 去諗就可以
  1. 寫公平嘅定義

  2. 機會均等化 (Equalizing Opportunity),同學可以諗諗呢項政策係咪人人都有份,無任何人受到歧視,例如 Regulation、Restriction。同埋可以諗下可唔可以令窮人有多啲資源增加未來收入(改善個遊戲規則~) 

  3. 收入均等化 (Equalizing Income),同學可以諗諗呢項政策係咪可以收窄貧富收入差距。
 

技巧三:「生活故事化」

其實界外效應呢一課點學得好? 我自己就好鍾意用生活故事去背相關概念,例如
負面界外效應例子:
工廠排出污水,污染附近環境,損害咗工廠外嘅居民嘅利益。由於呢啲成本係其他人負擔,而工廠又無向附近居民作出補償,因此出現咗負面界外成本。由於廠商嘅成本無變動,導致邊際社會成本大過邊際私人成本,反映咗私人和社會成本嘅分歧

正面界外效應例子:
credit: unsplash @lukephotography
credit: unsplash @lukephotography
航海船隻利用燈塔照明,可以避開大型岩石同障礙物,又可以指明方向,但從來無人畀錢使用燈塔,所以無私人公司會興建燈塔。但燈塔帶來嘅社會得益大過私人得益,反映咗私人和社會得益嘅分歧
 

經濟 DSE 畫圖技巧 (DSE Econ diagram drawing)

畫圖係 DSE 經濟科必備技能,甚至有人話唔識畫圖,可以 drop 咗 Econ 佢,因為已經冇咗 25% 分數,呢句雖然有啲誇張,但某程度都反應咗畫圖喺 DSE Econ 嘅重要性。

完美答題框架

今次等我以從量稅為例,同大家分享下畫圖同答題框架啦!
Step 1: 指出有效的政府干預對物品的價格和成交量的影響 (當然要首先判定該政府干預是否有效,此亦為考評局常見的陷阱位)
Step 2: 解釋該政府干預對淨損失的影響 (即其原因,其原因如上)
Step 3: 畫一供需圖內顯示出價格和成交量變動、淨損失,有需要的話可能要畫消費者和生產者盈餘,或是買賣方的稅項負擔。
 
實施從量稅令供應減少 ( S1 至 S2 ),結果,市價則由 P1 上升至 P2,而交易量由 Q1 下跌至 Q2。
在Q2,由於生產過少,邊際利益 (MB) 大於邊際成本 (MC),導致淨損失 (abc)。
因產量下跌,所以總社會盈餘會下跌,而政府的稅收位置是 P2bcP3
而交易量及生產者價格下跌令生產者盈餘下跌,生產者盈餘的位置由 0aP1 減少至 0cP3。
因交易量下跌和市場價格上升,所以消費者盈餘會下跌。由 P*aP1 減少至 P*bP2。
 

DSE Econ Past Paper Tips

相信大家去到呢度都想搵搵下有咩 Econ DSE Past Paper 題目可以畀大家練習關於「效率與公平」嘅題目,所以我建議可以做以下題目,而以下題目出於 2016 DSE Past Paper,大家可以見到單單一年都差唔多出咗十條,每條佔分都唔低,可以得知呢課重要性。

2016 DSE 經濟 Past Paper

DSE Econ Long Question (Efficiency and Equity): 
2016: 04
2016: 06
2016: 10(C)
2016: 11
DSE Econ MC (Efficiency and Equity): 
2016: 18
2016: 19
2016: 21
2016: 22
 
見到我同大家分享咁多呢一課嘅 concept 同框架,大家就知道呢一課真係好重要!因為佢直接影響到大家 2 - 3 個 grade,真係 2 - 3 個 grade,係 2 - 3 個 grade!!!! (重要嘢要講三次)
所以如果你問我 DSE 微觀經濟學最重要係邊一課,我一定會答你效率與公平!點解?因為呢份卷係最多星級框架可以背,最多技巧可以用,我成日都話,我要學生做題目做到填充題咁,呢一課我可以,你,都一定可以!!!
免費 DSE 電子報
定期為 30,000+ 中學生送上實用 DSE 資訊和資源
MH Economics

MH Economics

🌟 DSE ECON 5**.戰績備受肯定👔 中大經濟畢業.保證專科專教📈5年補習經驗.學生成績顯著躍升📚 熟知考評套路.自創答題框架