【公民及社會發展科】通識科改革，「公民及社會發展科」即係點？

前排盛傳廢除通識科，點知係改名做「公民及社會發展科」！為咗加強同學嘅國民身份認同，成科連內容都改埋，加入新課題，評分模式亦有所變動。不過，公民及社會發展科仍然係必修科嚟，將會喺 2021-22 年度中四級正式推行。

AfterSchool 一齊同大家睇下通識科改革嘅 4 大地方啦。

仲叫 LS？人哋改咗名啦！公民及社會發展科 (Citizenship and Social Development)，又稱「公社科」， 就係改革咗嘅通識科。

根據教育局，設立公民及社會發展科，係為咗培養學生嘅正面價值觀、國民身份認同，以及學習國家發展、《憲法》、《基本法》、法治等。

呢科嘅核心內容有 3 大主題：香港、中國、當代世界。冇咗「獨立專題探究」（IES），取而代之，同學會到內地進行考察。DSE「公民科」淨係需考一份卷，成績都只係設「達標」同「不達標」。

以往嘅通識 IES，只得短時間完成，但工作量龐大，成日令好多學生、老師都好 stressed。而家取消咗 IES，終於都甩難啦！不過就有內地考察報告要做。

相比通識科，「公民及社會發展科」唔再分卷一、卷二咁考，而係一份卷考哂。全「資料回應題 」，無延伸回應題。

評級制度方面，「公民及社會發展科」嘅成績只有「達標」同「不達標」之分，有別於以前嘅通識科同其他必修科 1 至 5** 嘅七級制。

通識科改革最大一定係課程內容。為咗加強國民身份認同，教育局將以前通識科嘅六個單元，包括個人成長與人際關係、現今香港，重整到「公民及社會發展科」得三大主題，分別係：

另外值得留意嘅係，內地考察嘅主題並唔涉及公開試，所以會另外分開教。

前面都有提到，內地考察嘅配合「中華文化與現代生活」呢個主題進行嘅。透過大約 10 個鐘嘅學習時數，同學除咗要網上自學介紹傳統中華文化的特質嘅文章，亦會從中體會到中華文化喺社會嘅保育與傳承。根據教育局所講，內地考察嘅時間、地點冇統一規定，可按學校情況彈性安排，而師生都會獲得團費資助。去內地考察唔係玩㗎，返到嚟要交考察報告㗎！

公社科一份卷，共有 3 題，每個主題各 1 題。每題佔大約 13 - 14 分。題型主要為「資料回應題」，形式同通識科差唔多，亦設有 MC 題。

教育局喺七月發佈咗「公民及社會發展科」嘅樣本試卷，模擬題目如下：

( 1 ) 被告人享有辯護權

( 2 ) 一罪兩審

( 3 ) 無罪推定

A. 只有( 1 ) 和 ( 2 )

B. 只有( 1 ) 和 ( 3 )

C. 只有( 2 ) 和 ( 3 )

D. ( 1 )、( 2 ) 和 ( 3 )

( 1 ) 香港衞生防護中心

( 2 ) 聯合國難民署

( 3 ) 中華人民共和國國家衞生健康委員會

( 4 ) 無國界醫生

A. 只有( 1 ) 、( 2 ) 和 ( 3 )

B . 只有( 1 ) 、( 2 ) 和 ( 4 )

C . 只有( 1 ) 、( 3 ) 和 ( 4 )

D . 只有( 2 ) 、( 3 ) 和 ( 4 )

根據資料 A，就呈報給世界衞生組織的麻疹個案數字，描述兩個主要特徵。(4 分)

就培養香港青少年的國家觀念，學校教育有多重要？參考資料 A、 C 及就你所知，解釋你的答案。 (8 分)

「香港青年人到大灣區內地城市發展事業，既充滿機遇，亦具挑戰。」所提供的資料可如何支持這個看法？解釋你的答案。(6 分)

Source：HKEAA 公社科 Sample Paper

通識科改革，新嘅「公民及社會發展科」加入咗唔少有關中國嘅內容，比起舊嘅 LS 都真係幾大改動㗎。增添咗內地考察，但取消咗 IES、卷二，DSE 冇埋 grading，同學們理應係讀得輕鬆啲嘅～ 至於呢一科真正讀落係點，就要睇佢正式推行咗再講啦～