【公民及社會發展科】通識科改革,「公民及社會發展科」即係點?

AfterSchool
AfterSchool 2021-8-2 7,283
前排盛傳廢除通識科,點知係改名「公民及社會發展科」,仲改埋內容,加入新課題,評分模式亦有所變動。一齊嚟睇下通識科改革嘅 4 大地方啦。
前排盛傳廢除通識科,點知係改名做「公民及社會發展科」!為咗加強同學嘅國民身份認同,成科連內容都改埋,加入新課題,評分模式亦有所變動。不過,公民及社會發展科仍然係必修科嚟,將會喺 2021-22 年度中四級正式推行
AfterSchool 一齊同大家睇下通識科改革嘅 4 大地方啦。

公民及社會發展科簡介

仲叫 LS?人哋改咗名啦!公民及社會發展科 (Citizenship and Social Development),又稱「公社科」, 就係改革咗嘅通識科。
根據教育局,設立公民及社會發展科,係為咗培養學生嘅正面價值觀、國民身份認同,以及學習國家發展、《憲法》、《基本法》、法治等。
呢科嘅核心內容有 3 大主題:香港、中國、當代世界。冇咗「獨立專題探究」(IES),取而代之,同學會到內地進行考察。DSE「公民科」淨係需考一份卷,成績都只係設「達標」同「不達標」。


通識科 4 大改動

credit: unsplash @Alissa De Leva
credit: unsplash @Alissa De Leva

取消「獨立專題探究」

以往嘅通識 IES,只得短時間完成,但工作量龐大,成日令好多學生、老師都好 stressed。而家取消咗 IES,終於都甩難啦!不過就有內地考察報告要做。

只考一份卷,只設「達標/不達標」

相比通識科,「公民及社會發展科」唔再分卷一、卷二咁考,而係一份卷考哂。全「資料回應題 」,無延伸回應題。
評級制度方面,「公民及社會發展科」嘅成績只有「達標」「不達標」之分,有別於以前嘅通識科同其他必修科 1 至 5** 嘅七級制。

加入 3 大主題

credit: unsplash @Hassaan Malik
credit: unsplash @Hassaan Malik
通識科改革最大一定係課程內容。為咗加強國民身份認同教育局將以前通識科嘅六個單元,包括個人成長與人際關係、現今香港,重整到「公民及社會發展科」得三大主題,分別係:
1. 「一國兩制」下的香港
  • 包含主題:「一國兩制」的 內涵和實踐、國家情況與國民身份認同、香港社會的多元文化特徵。
2. 改革開放以來的中國
  • 包含主題:人民生活的轉變與綜合國力、國家的發展與香港融入國家發展大局、參與國際事務。
3. 互聯相依的當代世界
  • 包含主題:經濟全球化、科技發展與資訊素養、可持續發展、公共衛生與人類健康
另外值得留意嘅係,內地考察嘅主題唔涉及公開試,所以會另外分開教。
中華文化與現代生活
  • 包含主題:傳統中華文化的特質、實地考察簡介事項


增設內地考察

前面都有提到,內地考察嘅配合「中華文化與現代生活」呢個主題進行嘅。透過大約 10 個鐘嘅學習時數,同學除咗要網上自學介紹傳統中華文化的特質嘅文章,亦會從中體會到中華文化喺社會嘅保育與傳承。根據教育局所講,內地考察嘅時間、地點冇統一規定,可按學校情況彈性安排,而師生都會獲得團費資助。去內地考察唔係玩㗎,返到嚟要交考察報告㗎!

credit: unsplash @Yang Yang
credit: unsplash @Yang Yang

公民及社會發展科 - 樣本試卷

公社科一份卷共有 3 題每個主題各 1 題。每題佔大約 13 - 14 分。題型主要為「資料回應題」,形式同通識科差唔多,亦設有 MC 題。
教育局喺七月發佈咗「公民及社會發展科」嘅樣本試卷,模擬題目如下:

MC 題目樣本

根據《香港國安法》,以下哪些是符合防範、制止和懲治危害國家安全犯罪時應當堅持的法治原則? (1 分)
( 1 ) 被告人享有辯護權
( 2 ) 一罪兩審
( 3 ) 無罪推定
A. 只有( 1 ) 和 ( 2 )
B. 只有( 1 ) 和 ( 3 )
C. 只有( 2 ) 和 ( 3 )
D. ( 1 )、( 2 ) 和 ( 3 )

以下哪些組織與世界衞生組織一樣,同屬公共衞生組織? ( 1 分)
( 1 ) 香港衞生防護中心
( 2 ) 聯合國難民署
( 3 ) 中華人民共和國國家衞生健康委員會
( 4 ) 無國界醫生
A. 只有( 1 ) 、( 2 ) 和 ( 3 )
B . 只有( 1 ) 、( 2 ) 和 ( 4 )
C . 只有( 1 ) 、( 3 ) 和 ( 4 )
D . 只有( 2 ) 、( 3 ) 和 ( 4 )


資料回應題目樣本

根據資料 A,就呈報給世界衞生組織的麻疹個案數字,描述兩個主要特徵。(4 分)
就培養香港青少年的國家觀念,學校教育有多重要?參考資料 A、 C 及就你所知,解釋你的答案。 (8 分)
「香港青年人到大灣區內地城市發展事業,既充滿機遇,亦具挑戰。」所提供的資料可如何支持這個看法?解釋你的答案。(6 分)
credit: unsplash @Yufeng Fei
credit: unsplash @Yufeng Fei
通識科改革,新嘅「公民及社會發展科」加入咗唔少有關中國嘅內容,比起舊嘅 LS 都真係幾大改動㗎。增添咗內地考察,但取消咗 IES、卷二,DSE 冇埋 grading,同學們理應係讀得輕鬆啲嘅~ 至於呢一科真正讀落係點,就要睇佢正式推行咗再講啦~


Q & A 快問快答 

Q:「公民及社會發展科」讀啲咩?
A:呢科要讀三大主題:「一國兩制」下的香港、改革開放以來的中國、互聯相依的當代世界。內地考察另將涵蓋「中華文化與現代生活」主題。
Q:「公民及社會發展科」同舊「通識」有咩唔同?
A:內容重整至三大主題、取消咗IES、增設內地考察、DSE 取消七級評分。
Q:「公民及社會發展科」點考?
A:DSE 得一份卷,全部都係資料回應題,評分只有「達標」與否。
Q:幾時推行「公民及社會發展科」?
A:2021-22 年度嘅中四級正式推行。



免費 DSE 電子報
定期為 30,000+ 中學生送上實用 DSE 資訊和資源
AfterSchool

AfterSchool

AfterSchool 是一個針對DSE而設的網上補習平台,課程涵蓋多個 DSE 科目,讓同學足不出戶就可以享有優質教學。註冊用戶人達 50,000 人,當中超過四分之一學生為應屆文憑試考生,是全港最大型網上補習平台。