前排疫情肆虐，中小學生都停咗好耐課，日日喺屋企上堂，真係好難抵過手機嘅誘惑，好好溫書。與其漫無目的咁睇 IG，不如睇吓啲 Studygram 或者溫書 account，得閒睇吓有關 DSE 嘅資訊會幫助我哋留喺一個溫書嘅作戰狀態！ AfterSchool 幫大家搜羅同整合咗 30 個香港多個 DSE 科目嘅 Instagram / Youtube 溫書資源，當中有 DSE 考試技巧、JUPAS 選科、DSE 考試心態、大學科目分享等資訊，一定幫到 DSE 考生準備考試，同埋為將來做準備！快啲睇落去，睇睇你有 follow 邊啲 study account～ 知識型 IG / Youtube 資源分享 DSE 中文 Instagram @claire_man @claire_man 文靜本身係✨文學獎得主 5**中文科補習名師，佢嘅 IG 主要係分享範文問題問答、中文常見修辭手法等等，亦都會講講蘇軾、辛棄疾等作家嘅生平、性格，可以豐富同學對 DSE 中文卷一十二篇範文背景嘅認識！佢啲例子喺 DSE 中文卷二都會用到～ DSE 英文 Instagram @dse.engmrj @dse.engmrj 主要同大家分享英文生字 synonyms、英文 Grammar 同埋英文 DSE 考試技巧。例如，佢會同你講除咗 “because” 之外仲有啲咩方法講「因為」、除咗 “improve” 之外仲有啲咩方法講「改善」 、仲有 DSE 英文 Paper 2 嘅常犯 Grammar 錯誤。 DSE 6 科 38 分、HKU BBA Law 畢業嘅 Mr J. 有多年英文補習同辯論經驗，想 DSE 英文 Paper 2 寫到多啲生字 synonyms 嘅你一定要留意呢個 IG page！ Instagram @vocabno 同上面講到嘅 Mr J. 一樣，@vocabno 都有分享唔少常用 DSE 英文生字知識，不過呢個 page 就分享多啲英文 phrases、英文 Quote、同埋大學學科資訊，例如大學物理治療系、中文系、時裝與紡織學系究竟係讀啲咩。未諗好大學讀咩、或者仲諗緊點排 JUPAS 嘅你一定要定時留意呢個 Page！ Instagram @Melody Tam 相信大家可能都聽過 Melody Tam @melodytamhkdse 呢個 2015 DSE 7 科 5** 狀元，佢喺就讀香港中文大學 Global Business Studies 期間已經喺網上分享自己嘅溫書方法，亦同大家分享 DSE 英文生字、Grammar 教學、溫習方法等等。 DSE 數學 Instagram @kingsley.dse.maths @kingsley.dse.maths 主要同大家講講 DSE 數學計數機 programme 教學、DSE 數學考試技巧、Maths 題目，直接幫到大家增強數學 Skills！ Instagram @dse.maths.gary Youtube @Mathman Mathman 有同大家分享開 DSE 數學 Past Paper 解題、DSE 溫書 Tips 同埋計數機技巧。大家平時可以喺屋企做完 DSE 數學 Past Paper，再喺返學搭車嘅時間睇睇啲解題，慳返唔少時間～ Youtube @Herman Yeung 相信各位同學都有聽過 Herman Yeung，佢之前喺大型補習社教過書，而家主要做 Youtube 拍片教學。佢嘅 Youtube 有海量 DSE 數學 Past Paper 解題，而且每條都解釋得好詳盡，唔識做 DSE 數學 Past Paper 嘅同學記得去睇睇！ DSE 通識 Youtube @Henry Sir and Friends Henry Sir and Friends 主要分享 LS DSE 答題框架思維同埋 DSE 通識答題技巧。對 2022 DSE 同 2023 DSE 同學嚟講，LS DSE 都仲係必修科，所以唔熟 DSE LS 答題技巧嘅同學記得去睇吓可以點寫得高分啲喇～ 地理 DSE Instagram @dse_geog @dse_geog 為大家提供地理 DSE 現象問答，包括沉積岩層嘅形成、各大國嘅能源使用等，當中唔少都係 Geog DSE DBQ 可能會問到嘅問題。大家得閒都可以睇睇呢個 IG 試吓答吓啲題目當溫 DSE Geography！ DSE 歷史 Instagram @history.dse @history.dse 主要分享「當年今日」歷史分享、歷史人物真相、歷史趣聞等等，雖然同 DSE 歷史冇直接關係，但係讀 DSE History 嘅同學都不妨認識多啲～ DSE BAFS Instagram @dse.bafs @dse.bafs 提供好多 BAFS 情境題、BAFS DSE 溫書策略，而且啲 post 都係以問題嘅形式幫大家溫書，讀 BAFS 嘅大家可以平時當溫書咁睇 post～ Youtube @Herman Yeung 除咗數學解題之外，Herman Yeung 嘅 Youtube 仲有大量 BAFS DSE Past Paper 解題，讀 BAFS 嘅同學記得得閒去睇睇！ DSE Econ Instagram @dse.econ.mh @dse.econ.mh 自己係一個 Econ 碩士，喺 IG 幫大家清 DSE Econ concept（例如壟斷 Monopoly）、經濟 DSE 概念現實應用等等～ Youtube @Herman Yeung 又係 Herman Yeung 嘅解題部份～ 今次係 DSE Econ Past Paper 解題，除咗 DSE 仲有 HKCEE 卷嘅解題！ DSE Bio Instagram @dse.bio @bio.dse 喺 IG 同大家清 DSE Bio concept、現實 DSE Bio 應用、溫習方法、生物 DSE Sample Questions，好適合大家喺空閒時間睇！ Youtube @Herman Yeung 冇錯，Herman Yeung 仲有教生物 DSE Past Paper 解題～ DSE Chem Youtube @5** Chemistry 同唔少其他 channel 一樣，5** Chemistry 主要分享 Chem DSE Past Paper 解題。佢唔少片都係大概 6-7 分鐘，同學每日睇一條 DSE Chem 片應該好快會有進步～ Instagram @dse.chemistry @dse.chemistry share 唔少 DSE 化學冷知識同埋關於清 Chem DSE concept 嘅 post，亦都不乏一啲 DSE Chem 嘅題目，平時大家都可以留意吓，話唔定會有你唔識答嘅題目！ 物理 DSE Youtube @Marc Yam Marc Yam 嘅 channel 主要係做 DSE Physics Concept 解釋，睇佢嘅 thumbnail 已經覺得佢嘅內容生動有趣，有冇讀物理 DSE 嘅同學都不妨去睇睇，話唔定會學到啲新嘢～ 多科分享 Instagram @pamsstudy @pamsstudy 係一個 2019 DSE 考生，而加讀緊港大 MBBS 醫科～ 作為一個 DSE 高材生，Pamela 有同大家分享中文 DSE 、英文 DSE、DSE Bio、DSE Econ 考試技巧 Tips 同埋整體溫習方法，係一個好全面嘅 studygram，同學無論同 @pamsstudy 係咪讀一樣 electives 都一定可以由個 account 學到嘢！ Instagram @hkdsegayau @hkdsegayau 畢業於香港嘅法律系，坐擁過萬 Followers 嘅佢同大家分享溫書效率 Tips、DSE 英文生字分享、LS DSE Concepts 等等～ 經驗分享型 Instagram / Youtube page Instagram @dselaynomore @dselaynomore 3 位 admin 都係 2018 DSE 考生，而家就讀 HKU BBA (Law)、HKU Social Science 同 HKU Journalism + GCIN。呢個 page 坐擁 6300 followers，平時會分享「港大日常」，包括「Law 讀啲咩」、「BBA 讀啲咩」、「HKU 讀啲咩 」、「Journal(ism) 讀啲咩」，向中學生介紹大學某啲學科究竟讀啲咩。 除咗學術啲嘅分享，呢個 studygram 都會同大家講講 DSE 放榜分享、排 JUPAS 分享、點樣放鬆學業壓力等，幫助大家全方位認識大學究竟係讀啲咩，同埋點樣準備 DSE～ Instagram @bjmf.studygram @bjmf.studygram 現就讀 HKU GLaw，IG page 主要介紹 HKU Law / GLaw 讀書內容、大學上堂模式、大學靚 grade 貼士、實習分享、HKU 文化等等。想讀 HKU 法律系嘅你一定要睇睇呢個 Page！ Instagram @18dsex @18dsex 都係一個就讀 HKU 嘅同學嘅 studygram，主要分享大學 Exchange、HKU Free electives、大學 Common Core、中學補習、中三選科、住 Hall，對 HKU 讀書、住 Hall 有興趣嘅你一定要留意呢個 account！ Instagram @speechugram @speechugram 又係另一個 HKU 同學開嘅 studygram～ 讀 Speech and Hearing (言語及聽覺治療) 嘅版主主要用呢個 studygram (1) 介紹喺 Speech and Hearing 學到嘅概念，包括廣東話音素、聽力損失、吞嚥障礙等等、(2) 分享 HKU Speech and Hearing 面試 Tips、(3) 講述言語治療師職責、同埋 (4) 分享 HKU Speech and Hearing 讀啲咩。 想做言語治療師嘅同學一定會喺呢個 page 搵到有用嘅資訊～ Instagram @geogaholic 想去英國讀書？需要知道英國唔同大學唔同學系究竟係讀咩？各間院校有咩特色？ @geogaholic 可以畀到答案你！作為坐擁過萬 followers 嘅 UCL Geography 學生，geogaholic 平時會喺 IG 同大家講講英國留學分享，例如英國大學物理治療、語言系、Computer Science 分享、UCAS 分享等等。 對於想喺香港讀書嘅同學，呢個 studygram 都幫到你！Geogaholic 亦都有做 CUHK 地理系、HKU Urban Studies 分享，亦都有講講 DSE 溫書工具，仲有 DSE Geog、DSE Hist 資源分享！ Instagram @dsefreegiveaway @dsefreegiveaway 本身係一個 2019 DSE 6 科 39 分嘅考生，開咗呢個 account 分享自己 JUPAS 放榜嘅經驗、溫書方法，仲提供 DSE 筆記。同學想放鬆但又想吸收 DSE Tips 嘅時候就可以睇呢個 account～ Instagram @studyat.sg @studyat.sg 係由一個註冊精神科護士同一個註冊物理治療師開辦，主要同大家講出路選擇分享（Asso or Repeat）、Appeal、考試心態、選科建議等等。平時溫書溫到悶嘅時候，呢個 account 或者可以畀到啲新嘅溫書睇法你，幫助你喺溫書嘅長征事半功倍！ Instagram @dse.corner 相信各位 DSE 同學都會好憧憬大學生活，希望快啲過完 DSE ，考到大學之後好好享受 U Life～ 來自中大嘅 @dse.corner 有別於其他 studygram，有同大家介紹中大書院，等大家溫書溫到攰嘅時候都可以展望將來嘅大學生活，俾大家有啲溫書動力！ 除咗中大書院介紹之外，@dse.corner 仲有同大家分享時間管理技巧同埋溫習方法，亦都有分享中文嘅 DSE Tips～ Youtube @Pam Chiu 啱啱都有同大家介紹 Pamela，其實 Pamela 除咗有開溫書 IG，佢都有開 YouTube！ Pam Chiu 喺 Youtube 有同大家分享 (1) 中文、英文、Bio 溫書 Tips、(2) Study Leave / 暑假時間管理方法，仲有 (3) 醫科生 VLOG，全方位幫助準 DSE 同學備戰考試，亦都俾想讀醫科嘅同學睇睇醫科生嘅生活係點嘅～ Youtube @Melody Tam 同 Pam Chiu 一樣，相信大家對 Melody Tam 都好熟悉！ 作為一個 7 科 5** 狀元，Melody Tam 有喺自己 YouTube 分享 DSE 英文卷技巧教學、操卷分享、考試 Tips 等等。有 Quit U 經驗嘅佢仲有同大家分享，一定幫到要排 JUPAS 嘅同學～ Youtube @Cherry VDO Cherry VDO 係香港一個 Youtuber，畢業於香港中文大學 CUHK，平時會拍片同大家講講 DSE 溫書時間管理方法、JUPAS OEA+SLP 寫作經驗分享、中文、數學、通識等 5** 分享、中大醫科分享等等。 AfterSchool Youtube AfterSchool 嘅 YouTube Channel 有別於其他 IG/Youtube Page，佢嘅【JUPAS 睇真啲】系列同大家主打分享一啲大學嘅學科簡介，包括 HKU 政治與公共行政學、HKU 文學士及教育學士、HKU 精算、PolyU 放射學等等，等同學喺 JUPAS 選科之前真正了解心儀科目究竟喺讀啲咩，並且作出正確嘅選科選擇！ 除此之外，佢嘅【DSE PP 逐題解】系列仲有 DSE Physics 嘅解題，每題都有詳細解釋，同學一定睇得明！ 小編聽講 AfterSchool Youtube Page 就快有 update，同學記得要留意住喇！（仲可以Comment, Like, Share, Subscribe 我哋嘅 Youtube Channel…！） IG/Youtube 溫書 Q&A Q: 中學生搭車可以點溫書？ A: 與其漫無目的咁睇 IG，同學不如 follow 吓啲 Studygram 或者 DSE 資源 page，利用搭車時間睇多啲 DSE 嘅資訊，包括考試技巧、Past Paper 答案解構等等。 Q: IG 或者 Youtube 有咩溫書資源？ A: IG 同 Youtube 其實都有唔少溫書資源，有唔少 account 都係分享 DSE 英文生字、synonym，或者分享 DSE Past Paper 嘅答案同詳解。除咗以上提及嘅 account / channel 之外，其實都有好多 page 係分享同 DSE 有關嘅有用資訊，同學不妨自己去搵搵適合自己嘅溫書 account！
