做護士係好多人由細到大嘅志願，因此 Nursing 係唔少同學想報讀嘅科目，而香港只有 4 間大專院校提供護理學課程，究竟 CUHK，OU，POLYU 同 HKU Nursing 有乜分別？咩人先適合讀 Nursing? 做護士辛唔辛苦？AfterSchool 幫你一文睇清各院校 Nursing 收分，以及 Nursing 課程特色！ Credit: Unsplash 各院校 Nursing 收分及簡介 HKU Nursing 港大護理學課程為期 5 年，學科包含 44 個課程 （6 個共同核心課程，26 個核心課程，7 個實踐課程，1 個生命啓進學習課程，3 個語言課程同 1 個自選課程），護理學系學生一定要完成 1400 小時嘅臨床實習先可以畢業，想詳細參閲課程内容，可以按此了解。完成所有課程要求嘅 HKU Nursing 嘅畢業生就合資格向香港護士管理局註冊成為註冊護士。 2021 學額 計分方法 2020 收分 面試 210 Best 5 UQ: 26 M: 25 LQ: 25 選擇性 POLYU Nursing 理大護理學係全港第一個護理學學士課程，歷史最悠久，院校亦會為學生提供實習經驗，課程内容可按此了解。 POLYU Nursing 課程受香港護士管理局認可，畢業生都係合資格申請成為註冊護士，當中唔少都受聘於醫管局，政府部門同其他非政府組織。 以下科目喺計算入學分數時會佔高啲比重： 中文 英文 數學 通識 生物學 組合科學 （生物學） 2021 學額 計分方法 2020 收分 面試 193 4C + 2X 平均分: 29.4 不設面試 CUHK Nursing CUHK Nursing 係全港排名第一嘅大學護理學課程，喺全球大學嘅排名亦非常唔錯。中大護理學嘅課程内容全面，涵蓋基礎護理知識至較複雜嘅健康問題，旨於培訓學生成爲受香港護士管理局認可嘅註冊護士。中大護理嘅學生要修讀 4 個醫學院基礎課程嘅學科，同埋課程中包含嘅 40 個主修學科。詳情可按此參閲。 同學其中一科選修科以生物、化學、組合科學、綜合科學或物理會被優先考慮。 2021 學額 計分方法 2020 收分 面試 217 4C + 2X UQ: 30 M: 29 LQ: 28 選擇性 OU Nursing 公大護理學課程為期 5 年，課程内容根據香港護士管理局嘅要求而設計，得到專業認可。校園内新建嘅臨床護理教學中心應用高度先進嘅計算機技術，提供一個無風險嘅臨床模擬學習環境，協助公大護理學嘅學生掌握從基礎到高級嘅全面護理技能。 以下科目喺計算入學分數時會佔高啲比重 ( x1.2)： 組合科學 綜合科學 生物 化學 健康管理與社會關懷 物理 2021 學額 計分方法 2020 收分 面試 325 4C + 2X M: 20 LQ: 19 選擇性 Credit: Unsplash 你適合讀護理學課程嗎？ Nursing 課程特色 Nursing 課程集合課本内容同實際操作。學生需要背好多專業知識，醫學名詞，同埋身體結構，並要識將背好嘅知識活用到臨床實習。除咗護理技巧，護理學仲包含基本藥理學，護理倫理及法律同埋行為及社會科學等課題，同學要有心理準備唔係淨係學理科知識㗎！讀 Nursing 嘅同學要溫習嘅内容較多，筆記頁數都多過人，所以同學真係要認真讀書，犧牲少少玩樂時間啦！ 護士工作範疇 護士主要工作包括照顧病人，向病人提供預防疾病嘅建議，提供藥物並監測病人嘅反應、教導病人同家屬處理傷口同埋講解藥物嘅使用方法，協助醫生診治病人，操作醫療設施，保存同整理醫療記錄等。當然仲有超時工作，各種厭惡性工作同承受病人嘅指指點點等非常辛苦嘅部分啦！ 性格特點 讀 Nursing 首先要夠勤力，先可以應付龐大嘅課業量同各種考試。畢業後，做護士要日以繼夜地工作，唔單只要應付病人同家屬嘅各種要求，仲要處理好多血淋淋嘅傷口，日日面對生離死別同壓力。除咗要細心同具責任感，做護士真係要有好高嘅情商，少啲耐性同堅持都唔得啊！揀 Nursing 之前最重要就係諗清楚自己有冇想幫助別人嘅初心，如果冇心做護士真係好難挨㗎！ 了解完 Nursing 嘅課程特色同工作範疇，如果自問有愛心同責任心，又肯學肯挨，相信護理學都幾適合你，希望呢篇文幫助到同學們揀啱你嘅大專護理學課程，想圓 Nursing 夢要加油呀！ Credit: Unsplash 讀 Nursing 常見問題 Q：Nursing 學費幾多？ A：POLYU, CU 同 HKU Nursing 嘅首年學費都分別為 $42,100，而 OU Nursing 嘅首年學費就係 $126,920。 Q：Nursing 面試會問啲咩？ A：面試通常會以小組形式進行，同學要自我介紹，亦會被問到對各種情境議題嘅意見同態度，安樂死，器官捐贈，公共衛生情況同醫療事故等都係常見嘅議題。面試通常會以英文同廣東話進行。不過記住要將 Nursing 擺喺 Band A 先有機會被安排面試㗎！ Q：出 ward 同返 tuns 有咩分別？ A：出 ward 係護理學學生畢業前必須要完成嘅實習，冇錢收但係一個跟 mentor 學嘢嘅好時機；tuns 係由醫院管理局提供嘅有薪兼職空缺，以舒緩人手短缺嘅問題，只有護理學學生可以申請。 Q：除咗以上四間大學，仲有冇其他院校提供護理學課程？ A：有唔少護士學校都有提供護理學專業文憑同高級文憑課程。 學校 課程名稱 明愛醫院普通科護士學校／伊利沙伯醫院普通科護士學校／屯門醫院普通科護士學校 護理學專業文憑 香港浸信會醫院護士學校 普通科護理學高級文憑（登記護士） 聖德肋撒醫院護士學校 普通科護理高級文憑（登記護士） 養和醫院護士學校 護理學專業文憑（註冊護士 - 普通科） 仁安醫院護士訓練學校 普通科護理高級文憑（登記護士）
