【DSE GEOG】地理短文章 Essay 考試攻略 + Past Paper 分析

森.地理
森.地理 2021-9-1 411
地理科短文章式問題為卷一及卷二必考,AfterSchool 拆解 DSE Geog Essay 常見題型及答題技巧,分析地理 Past Paper 溫書方法!
想考好地理 DSE,除咗要温熟必溫 DBQ 題型,當然唔少得寫好卷一同卷二都必出嘅 Short Essay 短文章式題目。而家就等 Sam Sir 我喺 AfterSchool 話你知答呢類 GEOG Short Essay 嘅考試攻略同答題技巧,等你好好準備地理 Essay,乃至地理 DSE 啦!
 

2022 HKDSE 地理科考評模式、分數佔比

Source: HKEAA
Source: HKEAA
HKDSE 地理科喺卷一同卷二分別都有一個部分叫做「短文章式問題」,又稱 GEOG Short Essay。通常呢個部分嘅題目都佔好大比重嘅分數,一條題目 12 分,佔成份卷嘅 12%。喺一試定生死嘅 DSE,地理 Essay 絕對係不容忽視嘅一種題型!
 

DSE 地理 Essay 常見題型 + Essay 技巧(Past Paper 參考)

Source: Unsplash
Source: Unsplash
HKDSE GEOG 嘅短文章式問題通常分為三大題型,通常一條 GEOG Essay 會有兩個部份,以下就等我地逐一分析地理 Essay 每個題型啦!

1. 指出、列出、描述(基本題型)

呢種係比較簡單嘅題型,通常 GEOG Essay 題目裡面會出現「指出」、「列出」、「描述」等等嘅關鍵字。
GEOG DSE Short Essay 問題字眼答題攻略
「指出」、「列出」、「描述」等需要以實例回答,例如講出板塊邊界名稱、地方氣候等

例子:2014, 2015, 2016 HKDSE 地理卷一 Past Paper 參考題目
  • 2016: C1 機會與風險 (描述同埋解釋喜馬拉雅山區嘅構造活動。)
  • 2015: C6 熱帶雨林( 描述同埋解釋熱帶雨林裡面大規模濫伐林木所帶黎嘅負面後果。)
  • 2014: C5 對抗饑荒(描述南加州農業嘅氣候限制。)

例子:2015, 2017 HKDSE 地理卷二 Past Paper 參考題目
  • 2017: E4 珠江三角洲區域研習(描述同埋解釋最近十年珠江三角洲地區嘅工業發展。)
  • 2015: E2 天氣與氣候(描述同埋解釋行星風系嘅行程。)
  • 2015: E3 運輸(描述對香港物流業發展嘅有利因素。)*
*唔建議同學溫 E3,因為數據顯示每年平均分都最低;建議溫 E1 岩石。
 

2. 分析、說明、解釋(中階題型)

呢類型嘅地理 Essay 題目通常會見到「分析」、「說明」、「解釋」呢啲字眼。
同學操 Past Paper 可能見過「分析其利弊」嘅問題,不過呢類題目喺 DSE 好少出。
GEOG DSE Short Essay 問題字眼答題攻略
「影響」需要提及正面影響同埋負面影響,除非題目字眼係「負面影響」、「破壞」、「損失」等

例子:2014, 2015, 2017 GEOG 地理 Paper 1 Past Paper 參考題目
  • 2017: C6 熱帶雨林(說明熱帶雨林生態系統嘅養分循環。)
  • 2015:  C3 工業區位 (說明1978年之前影響中國鋼鐵工業空間分布嘅主要因素。解釋由1978年到而家,「改革開放」政策點樣改變咗中國鋼鐵工業的空間分布。)
  • 2014: C7 全球增溫(解釋過度使用化石燃料點樣導致全球溫度上升。)

例子:2014, 2016 GEOG 地理 Paper 2 Past Paper 參考題目
  • 2016: E4 珠江三角洲區域研習(討論喺過去十年間,土地利用衝突同埋勞工短缺對珠江三角洲地區農業嘅生產影響。)
  • 2014: E1 動態的地球(解釋岩石類型點樣影響到香港嘅景觀特徵。)
  • 2014: E3 運輸(解釋興建道路同埋鐵路網絡點樣有助緩解香港眾多嘅交通問題。)
 

3. 評估 + 綜合(高階題型)

呢類地理 Essay 題目通常出現「討論」、「比較」、「評估」、「反思」等等關鍵字。
GEOG DSE Short Essay 問題字眼答題攻略
「比較」需要比較相同及相異之處
注意:「比較」題要答嘅嘢有別於「分別」/「不同之處」題
「分別」/「不同之處」只需要列出兩者相異之處
注意:「分別」/「不同之處」題要答嘅嘢有別於「比較」題
「評估」需要加上個人立場,例如覺得一個措施成效如何(有效或者無效)

例子:2014, 2015, 2016 DSE GEOG 卷一 Past Paper 參考題目
  • 2016: C7 全球增溫(討論較發達國家同埋欠發達國家嘅合作可唔可以有效減少二氧化碳嘅排放。)
  • 2015: C5 對抗饑荒(評估生物科技喺降低薩赫勒地區饑荒風險嘅效用。)
  • 2014: C4 可持續發展的城市(評估新市鎮發展可唔可以維持環境保育同埋城市發展之間嘅平衡。)

例子:2014, 2016, 2017 DSE GEOG 卷二 Past Paper 參考題目
  • 2017: E3 運輸(討論港珠澳大橋落成之後會唔會令香港同埋面嘅效用。)
  • 2014: E4 珠江三角洲區域研習(評論立法喺舒緩該問題上面嘅有效程度。)
 

地理 DSE Short Essay 5** 滿分溫書方法

Source: Unsplash
Source: Unsplash
想考好地理 DSE 拎 5**,但成日寫極都拎唔足分,又或者寫唔到咁多嘢?你欠缺嘅係 Essay 答題技巧!

技巧一:清楚每一個題型你要寫咩相關地理概念詞

每個課題都有唔同嘅地理概念詞,同學一定要清清楚楚咁記熟啲專有名詞,唔好用錯,因為概念詞用錯咗考評局就唔會畀分。呢啲可以背嘅位,大家要嘗試攞足分,如果唔係就真係好唔抵。
我會建議同學嘗試整理屬於自己嘅筆記,將地理嘅專有名詞分類,同埋寫低近年出現過嘅相關題目喺隔籬。其實地理問題來來去去都十分類似,通常都只係換咗其他詞語,但係萬變不離其中,近年仲有翻炒嘅情況出現,所以呢個方法真係好有用。
 

技巧二:不斷儲 GEOG 論據 / 例子

唔少同學覺得短文章式題目成日寫極都好低分。其實好多時係因為每段都差咗「論據」。一段好嘅段落應該要有論據去證明你嘅論點喺正確同可信,就好似你寫中文議論文或者通識題目咁樣。

咁我哋應該點樣累積論據?
最簡單就一定係總結晒教科書裡面嘅所有例子先。以機會與風險呢個課題為例,你可以搵下近年有咩大型地震或者火山活動嘅事件,記低呢啲事件同相關數據、時間、發生地點等等。平時多啲留意新聞都係一個好辦法,唔多唔少都會記得啲例子,到時 DSE 考試果陣就可以寫翻出黎。
而且儲得多論據重可以幫你慳返唔少時間,做地理 Essay 題目前可以好快諗到唔同題目嘅 Point 同例子,揀到寫邊條題目有利,寫嗰陣都唔洗寫吓停吓、嘥時間慢慢諗。
 

技巧三:努力練手速 + 每星期做卷

GEOG Essay 短文章式題目一題 12 分,建議至少要寫到 6 段,平均一個論點 2 分係最保險。
而一題要 40 分鐘內完成,所以每段大約要 5 分鐘搞掂,所以除咗要熟記論據,最重要都係練手速,喺考試嗰陣盡寫,寫得越多越好。

咁到底點練手速最好?
其實平時要經常 count 自己時間做題目,唔好因為係練習就唔理時間,要慢慢訓練自己喺指定時間內「爆速」,手速練得多就會有進步。
而且可以同朋友一齊做卷,做完之後互相做 marker 核對大家份卷,慢慢摸熟點樣 match 考評局嘅 marking。當然最好係搵日校地理老師幫手改卷,始終老師有份接觸 DSE 改卷,更加清楚有咩注意事項同畀分嘅方法。
Source: Unsplash
Source: Unsplash
無論係中六準備緊文憑試嘅你、又或者喺中四五嘅高中生都一定要睇睇:
範文系列
DSE 補習文章系列
大學選科系列
免費 DSE 電子報
定期為 30,000+ 中學生送上實用 DSE 資訊和資源
森.地理

森.地理

✍🏻 定期分享不同 DSE 地理心得🧑🏻‍🏫 多年知名補習社任教經驗📝 對 DSE 新舊題型有獨特見解🌍 曾創造多個地理奇蹟