【DSE 文言文】中文卷一文言文技巧大全 (附文言文練習方法、文章語譯)

DSE 中文卷一文言文係好多中文 DSE 考生必經嘅難關，但 DSE 文言文亦係每個目標攞 DSE 5+ 學生嘅必温同熟習嘅部份！AfterSchool 今日就同大家講解 DSE 中文文言文佔分比例、學習文言文嘅重要性、理解文言文文章技巧、DSE 中文文言文考核重點、學生常犯錯誤等等，重提供常見文言文語譯（附有字詞例子、例句），方便同學溫習 DSE 中文文言文～

中文老師經常話文言文好重要，但究竟 DSE 中文文言文佔中文卷一全卷分數幾多？

答案係：文言文及白話文共 70%！

不過，中文卷一另外 30% 係 DSE 中文十二篇範文，所以文言文考核部份可能比你想像中佔全卷更多部份！

資料來源：考評局 2023 DSE 中文考試安排

相信各位同學都有過呢個疑問：明明我哋喺日常生活已經唔會用到文言文，咁點解重要學文言文？點解要學啲唔知學嚟做咩嘅「知乎者也」，重要做咁多文言文練習？

喺語言知識方面，中文文言文係現代語法嘅根源，如果同學對文言文有更深入嘅認識，喺學習現代漢語語法嘅時候都會更有幫助。學習古文嘅時候，同學亦可以從中明白更多字詞嘅意義同埋出處，從而可以運用得更準確，提升學生嘅閲讀理解同埋寫作能力。另外，文言文用字較為精煉，同學透過多閱讀文言文，可以學習更精煉、更準確地寫白話文。

喺文化層面方面，學習文言文有助同學學習傳統文化。語言教學嘅核心部份係文化教學、傳承。同學學習嘅唔只係學習文字，而是透過閱讀文字，更深刻地了解中華文化以及古人嘅思想。

延伸閱讀：DSE 中文卷一全攻略 (十二篇範文+文言文答題技巧)

相信各位 DSE 同學喺初中階段都一定有聽過「詞類活用」呢個文言文技巧。詞類活用指喺特定嘅語言環境中，部分文言文詞彙嘅詞性會被臨時改變。喺理解文言篇章嘅時候，同學必須利用詞類活用去延伸字詞意思，從而準確明白句子嘅意義。詞類活用例子包括：

如果同學想文言文進步，就必須對詞類活用熟能生巧！

2018 DSE 及後考生需要讀中文十二篇範文。同學喺溫習 12 篇範文嘅時候可以多熟悉文言文句式、文言字詞。同學可以將喺 DSE 中文範文學返嚟嘅字，套用去其他文言文文章。當然若能養成閱讀文言篇章嘅習慣，累積文言詞彙量就更加理想。但文言詞彙量之大，絕對唔建議死記硬背。至於究竟中文文言文有咩常用字？繼續睇落去就有喇！

文言文代詞係 DSE 中文文言文嘅基本詞彙，想喺中文 DSE 考取 Level 4+ 嘅同學都必須必須必須熟讀呢部份！！

古漢語嘅人稱代詞數量豐富，第一人稱代詞有「吾」、「予」、「余」等， 第二人稱代詞有「汝」、「女」、「爾」等；第三人稱代詞有「之」、「其」、 「彼」等。（須留意文言「一詞多義」嘅特性，以上所舉嘅例子，都各自有超過一個嘅義項。）除咗呢啲之外，你重識邊啲文言文人稱代詞？即睇文言文答題攻略了解更多閱讀理解部份嘅答題方法！

文言部分考核嘅題型大部分比較直接，整體得分表現同我哋嘅文言翻譯能力掛鉤。文言詞彙量豐富，並且掌握各類語法分析方法嘅同學，基本上已經可以喺文言部分取得相當於 5+ 嘅分數。無論係注釋題、語譯題、選擇題等，都要求同學準確翻譯字、詞、句義。

如果喺翻譯技巧上，已經掌握純熟，期望取得更高分嘅同學，就需要多加留意文言篇章嘅深層意義。譬如係 2019 年 DSE 考核嘅劉熙載《海鷗》一文，就有一題係直接考問同學有關該篇故事嘅寓意。文言篇章用字精煉，未必好似白話文咁，每句間嘅邏輯關係清晰詳細地表述出嚟，所以我哋亦應該學習理解文言篇章深意嘅技巧，面對直陳己見、借事抒情、隱晦立意嘅文章，都能夠循住各種線索，諸如故事人物嘅形象塑造、抒情述理段落中，是否借用反問句帶出作者意見等線索，判斷該文嘅立意。

而上述所提及嘅「直陳己見式」、「借事抒情式」、「隱晦立意式」文章，就係就住文言篇章之抒情述理嘅表達方式、顯隱程度而劃分嘅三大種類。「直陳己見式」嘅文章一般係以論說文為體裁，作者喺文章中直接提出自己就某論題嘅立場、意見，但由於論說過程中牽涉多個不同方面或層次嘅論述內容，所以同學亦須分清主次，判斷作者真正嘅寫作目的。而「借事抒情式」以及「隱晦立意式」嘅都多以寓言為體裁，前者可從文章中搵到相關抒情述理嘅句子，但當我哋答題嘅時候，就需要就住該句句子，再進一步剖析深層意義，正如《海鷗》一文；後者可謂最難理解文意嘅文章，作者經常以隱喻嘅方式表達自己對人生哲理、社會批判等嘅意見，同學需要抓住並分析文章嘅隱喻涵義。

根據考評局歷屆中文 DSE 評核報告，DSE 中文考生常犯錯誤包括以下幾點：

承接上文所言，如果同學已經掌握到翻譯文言嘅技巧，並且理解文章嘅深層意義，大抵上已經可以避免絕大部分嘅考試常犯錯誤。不過仍有相當重要嘅一步需要注意，就係答題技巧。但就住呢一點，同學都唔需要太擔心。因為文言文嘅題型有部分同白話文一樣，而且文言部分鮮少高分嘅長答題，作答框架較簡單。

答題思維係應考全份卷一都需要具備嘅技巧，不論係可以溫習嘅甲部範文，抑或乙部白話文以及文言文。答題框架及方向其實都係貫通於各部分。如果唔能夠掌握答題思維，就會出現同學經常遇到嘅問題：寫滿考卷嘅所有橫線，但係仍然拎唔到各題嘅一半分數。問題往往在於，同一個重點，不論同學分析得幾詳細，都只係可以拎到嗰項重點嘅分數，以致出現答案欠完備嘅問題。各種題型均有不同嘅框架，同學不妨重溫課堂所學，多實踐；或通過自行整理以及分析歷年考核題型，掌握各種題型嘅作答技巧。

相信每位同學都有諗過「如何有效提升中文水平/成績」。長遠而言，提升語文能力嘅方法只有一個，就係「多讀、多寫、多聽、多講」。但係對於需要喺較短時間內改善中文分數嘅同學，文言文係你可以重點温習嘅部份。文言詞彙相當多，同學無須以死背嘅方式強迫自己累積詞彙量。養成閱讀以及翻譯文言篇章嘅習慣，期間多留意一下字詞嘅特點、詞性等語法，日子有功下，提升語感以幫助理解文言。

語文能力需要同學自己花時間、花心機浸淫，當中唔少得多讀文言文語譯及文言文文章，同埋多做文言文練習。同時，同學亦唔好忘記重複溫習文言文代詞。如果同學想進步嘅話，搵一個 DSE 中文補習老師可能會令你嘅學習事半功倍。最後，同學一定要盡早開始溫習中文！

Q: DSE 中文文言文佔分比例？

A: 文言文及白話文共佔中文卷一 70%。

Q: DSE 中文文言文有什麼技巧？

A: 同學必須掌握語法分析技巧（譬如詞類活用），並且熟讀常見文言實詞同虛詞。要提升文言文能力，當然唔少得溫熟 DSE 中文十二篇範文！

Q: DSE 中文文言文考生常犯錯誤？

A: DSE 中文文言文常犯錯誤包括理解錯誤、表達欠佳（答案欠完備）、沒有思考文言字詞意思與文意是否配合、未知古今詞義有別，以及對文言通假字缺乏認識等。

Q: DSE 中文文言文常見文言文實詞/虛詞？

A: 常見文言文實詞包括道、當、兵、作、察、遠等；而更常見嘅 DSE 文言文虛詞除咗包括之乎者也，仲包括於、諸、耳、夫、何、為、其、以等字。（但謹記文言一詞多義，同一個字詞可以兼有虛實詞義。）