【退學信格式】家長必學致學校的申請信!(含範本範例,幼稚園小學中學適用)

AfterSchool
AfterSchool 2023-7-12 22,391
退學信係家長寫俾學校嘅一封申請信,無論係咩原因要幫小朋友喺幼稚園、小學或中學時期轉學,都需要向校長說明轉校原因。Afterschool為你整理好退學信格式,連英文 sample 都有!
學校係小朋友成長學習嘅環境,校園嘅學習氣氛,同埋提供嘅資源對學生嘅將來影響深遠。假如學生喺學校讀得唔如意,又或者有其他想轉校嘅原因,家長都需要幫小朋友遞交一封退學信向學校申請退學,之後先可以繼續完成轉校申請。
相信好多家長都唔係好清楚點樣幫小朋友辦理退學手續申請轉校,同埋最重要嘅退學信格式。AfterSchool 為各位整合咗一系列有關退學信嘅資料,包括退學信嘅格式以及常見問題,仲會提供退學信嘅範例俾家長參考,減低家長們幫小朋友申請退學時嘅煩惱。

點解需要遞交退學信?

退學信就相當於一封打工仔嘅離職信,透過遞信向公司表達自己想離開嘅意願。喺為小朋友退學申請轉校嘅時候,除左遞交申請表格同相關文件之外,好多時候都會需要附上一封退學信。
退學信嘅用意就係幫助學生清晰表明佢想退學嘅原因同意願,以便校方知道學生之後嘅去向以及調整其後嘅班級安排,退學信同有關資料最終亦會由學校轉遞到教育局手上。

點樣寫好退學信?

退學信篇幅長短

一般嚟講,退學信冇指定嘅格式,但係要注意部分學校對格式可能有特別要求(例如以搬遷為由嘅學生必須包括住址)。內文唔需要長篇大論,簡單交代就足夠。部分學校甚至可以讓家長到學校索取退學信表格填寫,填寫後可交回班主任或校務處。

內容重點:點寫同寫咩好?

除咗學校要求嘅特別內容之外,學生喺撰寫退學信時應注意一啲細節。首先,退學信應該寫得簡潔明瞭,唔好使用太過複雜嘅詞語或長句子。除此之外,學生應該喺信中表達感謝之情,感激學校同老師對自己嘅教育及培育,最緊要係態度友善、誠懇為佳!退學信都要喺語氣上表現出對學校嘅尊重同敬意,唔好用任何唔禮貌或冷漠嘅措辭。最後,學生要喺遞交退學信之後,盡快向學校或班主任告知自己的新學校同轉學的相關事宜,以便學校能夠及時處理相應嘅手續同文件。

參考網上退學信樣本範例Sample?

網上有好多退學信範例樣本格式sample,絕對對家長或者學生寫退學信有幫助。但係喺參考網上範例樣本嘅同時,切記要留意返學校本身有冇特別嘅要求,如果遞交嘅退學信唔符合學校嘅格式,可能會完成唔到之後嘅退學辦理手續,到時候就會耽誤咗小朋友轉校/退學嘅流程,所以喺寫退學信之前最好瀏覽返學校嘅網頁,又或者直接致電校務處詢問有關退學嘅資訊,咁就萬無一失啦!

退學信sample(僅供參考)

退學申請通知

XX中學校長台鑑: 

     本人為X班[姓名] (身份證號碼:______________)之家長,敝子弟因要[退學原因],現申請退學,望校方接納。      
     敝子弟的最後上課日期將為X年X月X日,本人知悉學生在最後上課日前需如常上課、參與學校各項學習活動,並且若有遲到、缺席或違規等情況將會按校規處理。如有問題,請與本人聯絡,電話:________。

     本人亦想趁此機會向所有老師表達謝意,感謝他們在過去幾年中對敝子弟的關愛和指導。他們的悉心照顧倍受感激。

    敬祝

安康


家長簽署:_____________________
家長姓名:_____________________

退學信英文sample(僅供參考)

Application of Withdrawal from School

I am writing to inform you of my son/daughter, class XXX [Name] (ID number:_______)will be withdrawn from school due to [reason for withdrawal]. I respectfully request that the school accept this application for withdrawal.

My son/daughter's final day of attendance will be on [date]. I am aware that my child is obligated to attend classes, participate in school activities, and abide by school regulations until the last day of attendance. Any instances of tardiness, absence, or violation of school policies will be subject to appropriate disciplinary actions as per the school's guidelines.

I would also like to take this opportunity to express my gratitude to all the teachers for their kindness and guidance to my son/daughter during the past few years. Your tender loving care is much appreciated. Thank you for your attention.

Regards,
(Name)
(Signature)


退學信原因範例

前面提到寫退學信嘅時候都需要寫上原因,而退學原因衆多。小編喺呢度提供幾個退學原因嘅寫法,當然唔能夠涵蓋所有可能性,但係都希望可以幫到大家!
海外升學
敝子弟因要到[海外]升學,現申請退學,望校方接納。
移民
現因移民爲由,由______年____月____日起退學。
搬遷
現因搬遷爲由,由______年____月____日起退學。
終極絕招:私人理由
現因私人理由,由______年____月____日起退學。

更多退學信範例

X校長:

承蒙 貴校X年來對小兒/女XXX(班別,學號)的悉心教導和各位老師的循循善誘,小兒終生獲益良多。現通知貴校小兒將於新學年轉往XX學校就讀,原因是XXXXX,現特此通知 貴校小兒會在X月X日退學,在此本人再次多謝,貴校過去X年來對小兒的庝愛和教導另我非常感激。

此致

貴校長

家長XXX啟

XX年X月X日

退學信常見問題 

退學信應該用中文定英文寫?

其實語言並非退學信嘅重點,因此家長應選擇以較擅長嘅語言去書寫信函。若用英文書寫,應注意所用嘅文法是否有錯;若用中文書寫,則應注意句子嘅結構成分。當然,各位亦要避免出現錯別字,最重要嘅係確保寫啱學生嘅個人資料(學生姓名/身份證號碼等)。

遞交完退學信之後有咩要做?

一般遞交完退學信之後,所有有關退學嘅辦理手續都會由學校去幫學生處理,家長可以基於子女嘅未來動向幫佢哋再作安排,而退學方面只需要等待舊學校通知完成退學手續就得㗎啦。
免費 DSE 電子報
定期為 30,000+ 中學生送上實用 DSE 資訊和資源
AfterSchool

AfterSchool

AfterSchool 是一個針對DSE而設的網上補習平台,課程涵蓋多個 DSE 科目,讓同學足不出戶就可以享有優質教學。註冊用戶人達 50,000 人,當中超過四分之一學生為應屆文憑試考生,是全港最大型網上補習平台。