【DSE Combine Cert】Retake DSE 報 JUPAS 計分方法一覽

DSE 科科 level 5，但因爲一科唔過最低入學要求而入唔到大學就最唔甘心！不過考得唔好唔緊要，想 retake DSE 以 combine cert 嘅方法合拼 DSE 成績再報大學? AfterSchool 幫你一文睇清各院校嘅 combine cert 合計政策同扣分制度！ 咩係 Combine Cert? Combine Cert 即係合計成績，同學可以將兩次中學文憑試嘅成績合計，將第一次考得唔好嘅科目，於下次DSE重考，取代第一次考嘅成績。有別於一般嘅重考，同學仔可以選擇只重考個別嘅科目，唔需要所有科目由頭考過。根據考評局對自修生嘅報考資格，設有校本評核甲類科目（四個核心科目同所有選修科目，不包括乙類應用學習科目）自修生唔使報考SBA嗰部分（除咗視覺藝術），全科只會計算DSE嘅成績。至於如果自修生想補考視覺藝術，同學仔要交作品集以代替校本評核。詳情可以留意番考評局網站。合併成績通常會以兩年成績計算，包括可以隔年，但仍需登上心儀課程嘅網頁查吓有冇合併成績嘅年份要求同限制，如果冇嘅話，同學仔就可以多次考試，不過喺計分嘅時候，仍只會計算兩年嘅最佳成績。 DSE combine cert 例子 AfterSchool 為大家準備咗以下嘅例子，希望可以幫到大家了解combine cert係點樣合併你嘅DSE成績！ 假設考生第一年考到 4 5 3 4 5 ， 第二年只係重考中文、英文、數學 分別攞到lv 5、lv 5*同lv2, 中文計lv 5（第二次考），英文計5*（第二次考），而數學科就只會計考得比較好嘅第一年成績lv 3， 喺合計兩年成績之後 考生嘅最終分數將會變成 5 5* 3 4 5 所以大家重考 DSE 可以好好善用 DSE combine cert 嘅優勢， 咁就可以更容易入到心儀大學㗎啦！ DSE combine cert 好處 由於combine cert只會計你每一科考得最好嘅嗰一次，對於retake嘅同學嚟講絕對係一次提升分數嘅好機會，加上決定咗以combine cert報讀大學嘅同學仔，通常都唔會retake全部科目，同學可以考慮只考幾科、或有自信可以做得更好嘅科目，再報JUPAS時以「combine cert」嘅方式，合併前一年嘅成績，報考心儀大學。由於唔係重考全部科目嘅關係，同學仔會有更加足夠嘅學習時間，唔需要跟學校學習進度而重做已經做過哂嘅課題及 Past Paper，同時亦可以針對自己學習弱點改善，大大提升學習效率，有助重考嘅同學喺DSE入面勇奪佳績。 DSE combine cert 壞處（Penalty 及扣分機制） 決定以combine cert報考大學嘅同學要留意，有啲大學嘅學科可能未必考慮retake嘅學生，或者會有佢哋自己嘅扣分政策，以醫科為例，課程喺收生嘅時候會對合併成績啟動penalty機制，換句話說，即使兩位同學最後相同嘅成績，如果第一位係喺同一年取得佳績，而另一位係超過一年以合併成績獲取，經過大學嘅合計評分調整之後，用咗超過一年取得相同成績嘅考生，佢嘅實際得分會相對較低。簡單嚟講，喺相同分數嘅情況下，combine cert嘅同學會比起只係考咗一次嘅同學輸蝕少少，所以喺報考心儀科目之前，最好瀏覽該課程網頁，查看課程有冇對合併成績有扣分安排。 各大院校 Combine Cert 計分方法 基本上現時各大院校都接受中學文憑考試嘅合併成績，所有院校都會以合併後嘅最佳成績計算，但係同學仔要留意返個別院校同課程會對combine cert 有扣分安排。AfterSchool 為大家整合咗唔同院校嘅合計政策，希望幫到想利用combine cert成績入讀大學嘅同學啦！ 香港大學 HKU Combine Cert 文憑試成績合計 容許 計算 方法 大部分課程容許以該科目嘅最佳成績計算 合計 扣分 個別課程會略為扣分 備註 一般而言，香港大學提供嘅大部份課程都會考慮考生用combine cert嘅最佳成績報讀課程，但係有少數課程只會考慮最新一次嘅成績。其中有一啲課程仲會對combine cert嘅重讀生進行分數調整（扣分）。 香港中文大學 CUHK Combine Cert 文憑試成績合計 容許 計算方法 以該科目嘅最佳成績計算 合計扣分 個別課程可能因應情況而對合計評分有所調整 備註 2024年入學嘅考生喺計算入學分數時可以使用最近三次香港中學文憑試中同一科目獲取嘅最佳成績。但係有少數課程會對combine cert嘅重讀生進行分數調整，詳情可以參考中大嘅 2024 Combine Cert 入讀安排。學生以Combine cert報讀有分數調整措施嘅課程，將有機會獲邀參加面試，表現優異嘅申請人可能會免除分數調整／扣分等措施。 香港科技大學 HKUST Combine Cert 文憑試成績合計 容許 計算方法 以該科目嘅最佳成績計算 合計扣分 不會 香港理工大學 PolyU Combine Cert 文憑試成績合計 容許 計算方法 以該科目嘅最佳成績計算 合計扣分 不會 備註 以下6組相類科目，每組只會用成績最好嘅一科計算入學分數： 數學（延伸 1 或 2） 生物，綜合科學，組合科學（生物及化學），組合科學（生物及物理） 化學，綜合科學，組合科學（生物及化學），組合科學（化學及物理） 物理，綜合科學，組合科學（生物及物理），組合科學（化學及物理） 企業會財，企業會財（會計），企業會財（商業管理） 科技與生活（食品科學與科技），科技與生活（服裝、成衣與紡織） 香港城市大學 CityU Combine Cert 文憑試成績合計 容許 計算方法 以該科目嘅最佳成績計算 合計扣分 不會 備註 若同時持有數學（延伸 1 及 2）成績，只會視為一門科目成績計算。 香港浸會大學 HKBU Combine Cert 文憑試成績合計 容許 計算方法 以該科目嘅最佳成績計算 合計扣分 不會 嶺南大學 LingU Combine Cert 文憑試成績合計 容許 計算方法 以該科目嘅最佳成績計算 合計扣分 不會 香港教育大學 EdUHK Combine Cert 文憑試成績合計 容許 計算方法 以該科目嘅最佳成績計算 合計扣分 不會 香港都會大學 HKMU Combine Cert 文憑試成績 合計 容許 計算方法 以該科目嘅最佳成績計算 合計扣分 不會 備註 若申請人同時持有數學延伸部分（單元一及單元二）成績，課程只會選最佳一科成績計算。 香港樹仁大學 HKSYU Combine Cert 文憑試成績合計 容許 計算方法 以該科目嘅最佳成績計算 合計扣分 不會 香港恒生大學 HSUHK Combine Cert 文憑試成績合計 容許 計算方法 以該科目嘅最佳成績計算 合計扣分 不會 2023 DSE 及 2024 DSE 合併成績注意事項 近年考評局公佈大量中學文憑試改革措施，其中2024年香港中學文憑試改革比較大，包括必修嘅通識科將會改為公民及社會科，中文科則取消聆聽及綜合能力卷，暫時得悉喺八大院校入面，除咗港大同教大喺2024年度會接受重考生嘅通識科成績，其餘院校暫時都唔接納。所以要提醒有意重考嘅考生留意以上嘅特別安排啦。 Retake DSE 有咩要考慮？ Retake DSE絕對唔係一個簡單嘅決定，如果考生真係下定決心要retake DSE，利用combine cert嘅優勢去報下學年嘅JUPAS，可能就要留意以下嘅事項，睇吓自己係唔係真係合適retake DSE。 Retake DSE 一定要考晒咁多科？ Retake並唔一定要考全部科目，同學可以因應自己嘅過往成績考慮只考幾科，正如先前提到，大學係會知道學生係唔係用「combined cert」嘅形式報讀，部分收生嚴謹嘅學系可能未必考慮重讀嘅學生，又或者實行分數調整嘅措施，所以同學仔記住要趁大學info day，或者自行上大學網站查詢，睇吓用「combined cert」嘅形式報考會唔會有影響啦！ Retake DSE 應該retake咩科？ 如果同學想短時間升幾個grade，retake文科可能唔係一個明智嘅選擇，考生應該都知中文同英文都係比較難有高把握嘅科目，要攞到5或以上嘅等級並唔容易。 而理科同商科，例如數學或化學，主要著重同學對題型同埋對各個概念嘅熟悉程度，只要操多啲past paper，溫得滾瓜爛熟，就可以短時間內有較大嘅掌握，相對上容易升grade。 所以同學決定retake之前都要留意自己想retake嘅科目能唔能夠喺短時間內有好大進步，可唔可以幫你達到理想嘅分數！ Retake DSE 需要幾多錢？ Credit：香港考試及考評局－考試費及附加費一覽表 打算retake DSE並進行自修嘅同學，可以參考一下2024年嘅考試費同埋附加費表。Retake嘅一年入面唔單止花心機同時間，金錢都係其中一個考慮因素嚟㗎。 Retake DSE 有咩要留意？ 由放榜當日起計，到下一年度嘅DSE之間，睇落好似有一年時間，但係實際上只有半年嘅時間去準備，要回復中六嘅備戰狀態絕非易事，同學仔一定要留意自己心態上調節。如果自問本身唔係一個勤力嘅學生，不妨可以叫自己身邊嘅朋友或者長輩鞭策自己，時刻提醒自己。選擇retake嘅同學亦都要留意，即使重考出盡全力，都唔好期望自己嘅成績喺短時間内突飛猛進，再次報JUPAS嘅時候要認清自己嘅能力，以較現實嘅心態揀選大學科目，避免再一次失望。 如果想睇更加多有關Retake DSE嘅文章，不妨可以參考一吓 AfterSchool 嘅《Retake DSE 攻略》，話唔定可以幫到想自修retake DSE嘅大家！

【DSE Combine Cert】Retake DSE 報 JUPAS 計分方法一覽

下載AfterSchool

追蹤AfterSchool