【HPSHCC 10大專業範疇出路】高級文憑High Dip + 副學士 Asso 課程一覽!

AfterSchool
AfterSchool 2024-4-5 3,396
HPSHCC 提供一系列高級文憑 Higher Diploma 及 副學士 Asso 課程等升學出路,更包含指定專業/界別課程資助計劃(SSSDP),要求及報名詳情在此!
能夠考入大學係唔少 DSE 考生嘅目標,但與此同時,升學路向亦並非只有呢個單一選項。HPSHCC 作為一間香港廣獲認受嘅專上學院,提供一系列優秀嘅副學位課程俾各位選擇,例如係副學士、高級文憑, 當中部份課程得到SSSDP指定專業/界別課程資助計劃資助,使同學一方面能夠用一種更適合自己嘅學習方式爭取銜接返上八大;又或者一方面進修職業知識,習得一己所長為未來投身社會做好準備。
AfterSchool 為大家詳細介紹 HPSHCC 嘅學術發展,同埋佢哋Higher DiplomaAssociate Degree嘅課程推薦!

HPSHCC 簡介

書院介紹

香港大學專業進修學院保良局何鴻燊社區書院(HKU SPACE Po Leung Kuk Stanley Ho Community College,簡稱HPSHCC或港大保良何鴻燊社區書院,下稱書院),為香港大學專業進修學院與保良局合辦之專上院校,坐落於銅鑼灣禮頓道,總面積 17,000 平方米,主要為中學畢業生提供副學士及高級文憑,當中部份課程得到SSSDP指定專業/界別課程資助計劃資助。
於2024-25學年, 當中 860 個副學位學額獲SSSDP資助,屬全港最多!
書院致力提供專上教育,為年青人帶來多元化嘅升學途徑。書院開辦嘅課程均通過嚴格嘅學術評審,資歷獲院校及機構廣泛認可。修畢課程嘅學生會按香港大學體制,經香港大學專業進修學院(HKU SPACE),或由港大保良何鴻燊社區書院直接頒授副學位。書院開辦19個課程涵蓋不同專業範疇,包括應用社會科學、會計學、商業管理學、醫療護理及保健、營養及食品健康、體育及康樂、酒店、旅遊及款待、應用智能科技、測量及物業管理等。
如果想知道更多相關資訊,可以瀏覽:HPSHCC 官網

升學路向

完成HPSHCC副學位課程嘅同學,可以透過非大學聯合招生辦法 (下稱非聯招,或Non-JUPAS)報讀大學課程並繼續升學。書院嘅本地升學率相當理想,根據書院2023年嘅畢業生升學調查,喺選擇繼續升學嘅同學入面,有88%升讀學士學位課程,當中包括但不限於:
  • 本地教資會資助學士學位課程(UGC-funded Universities)
  • 本地自資學士學位課程(Local Self-financed Degree Programmes)
  • 本地銜接學士學位課程(Local Top-up Degree Programmes)
  • 海外大學(Overseas Universities)
P.S. Non-JUPAS 即係「非大學聯合招生辦法」,泛指利用大學聯合招生辦法(JUPAS)以外嘅方式,報讀/入讀聯招計劃下所提供嘅學位課程嘅程序,亦即直接向大學報名。在Non-JUPAS嘅體制下,並無限制同學申請大學不同學系和課程的數量,換言之一位同學可以擁有超過一個以上嘅大學offer!到時候,同學可以因應情況主動去選讀自己嘅心儀大學同相關課程。

Higher Diploma(高級文憑)及Associate Degree (副學士)嘅分別

喺講以上兩者嘅分別之前,不妨先講吓佢哋有咩相同之處!Higher Diploma (簡稱High Dip) 同 Associate Degree (簡稱Asso) 一樣都係副學位,屬於資歷架構第四級,修讀時間為2年。完成課程之後如果成績表現良好嘅話,就可以透過非聯招 (Non-JUPAS) 途徑報讀本地大學,當中大部份課程都可以申請高年級入學(Senior Entry)直接入讀Year 3,變相同一般由Year 1開始入讀大學嘅同學無異!如果同學想報讀嘅課程性質較專業,就可以嘗試申請學分豁免,或者申請入讀Year 1,雖然會用多咗時間,但都終於可以踏上夢想嘅起跑線!

什麼是 High Dip (高級文憑)?

高級文憑 (High Dip) 全名 Higher Diploma,係屬於專上教育資歷(資歷架構第四級),修讀時間為兩年。
高級文憑係一種以職業導向訓練為主嘅學術課程,亦即係以某一種專業技能為基礎嘅專門學科,例如係護理學、測量學、酒店、旅遊及款待等等,令學生可以從中習得專業學科知識和相關技能,未來投身相關行業學以致用。
好多同學或者誤會咗讀High Dip會上唔返/難啲上大學,但事實非也!由於高級文憑課程已經會教授大學基礎語文及通識學科,同時專科學習形式令擁有特定強項嘅同學成績更加突出,再加上大學趨向選擇有專科知識基礎嘅報讀生,變相同學無論喺能力上、成績上及機會上都擁有大好優勢!
所以,無論同學係諗住學返一手好技能應付未來投身社會所需,定係想搵一個自己鍾意又讀得好嘅專科將來升返上大學,High Dip都係你嘅最佳選擇!

什麼是 Asso (副學士)?

副學士 (Asso) 全名為 Associate Degree,亦屬資歷架構第四級,修讀年期通常係兩年。
副學士涵蓋較多通用技能及通識教育嘅科目,例如語文、資訊科技、文化、社會科學等,為學生打好紮實嘅學術基礎,同High Dip一樣,假如同學兩年以嚟成績不俗,就好大機會可以透過非聯招 (Non-JUPAS) 俾大學取錄直入Year 3(高年級入學,senior year entry)。

什麼是 SSSDP?

SSSDP全名係「指定專業/界別課程資助計劃」,係政府為咗增加特定行業人才嘅課程資助政策,合資格嘅學生可以較相宜嘅學費修讀。呢個政策嘅好處無疑係減輕咗好多學生嘅家庭財政負擔,同時加強特定行業人才補充,絕對係 win win雙贏!所以如果同學係想投身一啲就業機會明朗嘅行業,SSSDP課程值得你考慮!
HPSHCC 喺2024/25學年有 10 個課程共 860 個副學位學額獲SSSDP資助,屬全港最多!同學可以瀏覽官方網站搜尋自己想讀嗰科屬唔屬於資助範圍,如果暫時未有升學方向嘅話,不妨睇埋下面 HPSHCC 嘅課程簡介!

High Dip 高級文憑課程

護理及保健 

香港醫療護理行業人手短缺,供不應求,就業市場龐大。本課程涵蓋必要嘅保健和復康知識,並專攻護理、職業治療同物理治療三大範疇,培訓專職同輔助醫療人員,紓緩長者同復康護理人員人手不足嘅問題,維持優質病患者照顧服務。學生學習健康科學嘅基礎知識同埋專職醫療嘅實用技巧後,將來可投身醫護行業或喺相關領域繼續升學。學生成功修畢課程,將由香港大學專業進修學院保良局何鴻燊社區書院頒授副學位。
課程特點:學生將獲分配到唔同嘅機構進行三星期嘅體驗學習實習工作,實習機構包括保良局轄下復康中心及安老院舍等等,計劃讓學生喺實際工作環境中實踐所學理論知識同技巧
升學前景#
  • 香港大學護理學學士
  • 香港中文大學護理學士
  • 香港理工大學職業治療學(榮譽)理學士
  • 香港理工大學物理治療學(榮譽)理學士
本課程涵蓋基礎健康護理知識。從理論、社區照顧評估到護理計劃檢討,學習目標都係以健康及專業護理為基本理念,除咗教授專業及相關技能訓練,如社康輔導與溝通技巧,亦安排學生同各專業護理團隊聯繫及溝通,了解社區資源配置政策,藉此增廣見聞。畢業生就業前景清晰,可從事多類工作,如私營醫療集團營運助理、專科醫療中心助理,以及社康服務機構行政助理等。
課程特點:本課程以知識為本,輔以165小時社區照顧實習及公營同私營醫療企業參觀雙軌學習。透過與行業持份者交流,讓學生更加了解醫療體系運作,資源分配及就業前景
升學前景*:
  • 香港大學護理學學士
  • 香港中文大學社區健康理學士
  • 香港中文大學老年學理學士
  • 香港城市大學社會科學學士(公共政策與政治)

衛生服務業中,醫療及保健產品行業已成為不可或缺嘅一部分,行業嘅產品種類包括藥品、自然健康產品、實驗室及科研儀器、醫療診斷儀器及健康護理產品。醫療技術日新月異,喺呢個行業工作嘅人士必須擁有相應嘅醫學及技術知識基礎,先可以保持喺行內嘅競爭優勢。隨住市民對保健需求上升,醫療及保健產品嘅需求量亦日益增加,呢個趨勢將製造出好多發展前景同就業契機。
課程特點:設非必修嘅工作體驗計劃,如社區與老人服務、海外大學配藥見習、醫學專科會議支援等,讓同學喺畢業前汲取實際經驗
升學前景*:
  • 香港大學護理學學士
  • 香港中文大學藥劑學學士
  • 香港中文大學護理學士
  • 香港理工大學醫療化驗科學及放射學(榮譽)理學士組合課程 - 放射學(榮譽)理學士

食品及營養

隨住大眾日益關注飲食對健康同疾病嘅影響,現代膳食唔單止要求顧及營養需求,更注重其他功效,如預防疾病及提升健康狀況等。因此,社會對創新健康食品、營養補充品及功能食品嘅需求愈來愈大。咁亦令到相關行業近年蓬勃發展,製造唔少商機之餘,亦為合適嘅專門人才提供更多就業機會。本課程為學生提供食品科學與營養學等學術理論及專業技術知識,配以商業管理應用嘅專門訓練,為將來投身食物及健康食品行業作最佳準備。
課程特點:課堂以外,書院會安排學生到食物及營養相關嘅機構進行工作體驗,或參觀本地或海外膳食公司及食品製造廠,使學生了解行業工作情況及為日後投身社會作好準備
升學前景*:
  • 香港中文大學社區健康理學士
  • 香港中文大學公共衞生理學士
  • 香港浸會大學分析和檢測科學理學士(榮譽)
  • 香港城市大學社會科學學士(公共政策與政治)

2. 營養及食品管理 (SSSDP)
因應食物及營養學於近年蓬勃發展與普及化,社會大眾對食物與健康之間關係嘅認知要求亦大大提高。食品工業係世界上最大嘅行業之一,市場對具有營養學及食物管理資格嘅專業人士因而需求甚殷,以滿足生產健康、安全、方便和美味食品嘅消費需求。營養及食品管理高級文憑課程為學生繼續升學與投身食物和營養行業作準備。
課程特點:書院會安排學生到相關嘅機構進行課外實習,或參觀本地或海外營養及食品機構,令學生了解行業工作情況。
升學前景*:
  • 香港大學護理學學士
  • 香港大學理學士(主修食品及營養科學)
  • 香港中文大學護理學士
  • 香港中文大學公共衛生理學士
3. 食物科學及食品安全(SSSDP)
現代嘅健康問題往往同全球食品安全環環相扣,所以食物安全係大眾高度重視嘅問題。課程提供食品科學同食品安全嘅知識,令有興趣嘅學生可以打好堅實嘅基礎,同時為學生繼續升學同投身食物同營養行業作好準備。
課程特點:書院設有設備完善嘅實驗室,同學可以進行食品微生物學、食品儀器分析同食品化學等相關實驗。
升學前景*:
  • 香港大學理學士 
  • 香港中文大學社區健康理學士 
  • 香港科技大學理學士(生物科技及商學) 
  • 食品科技與食物安全(榮譽)理學士組合課程

酒店、旅遊及款待

兩年制課程以培訓酒店業內初級管理人才為目標,著重教授同學酒店行政管理嘅基礎技能外,亦加強同學對酒店唔同部門運作嘅認識。另外,書院設有酒店管理培訓中心,內設模擬酒店客房、酒店款待處,以及酒店餐飲設施等,讓同學進行模擬實習,務求令畢業生能掌握業界實際需要。
課程著重培訓同學喺籌辦及管理各類旅遊、會議及展覽項目嘅專門知識、技巧及經驗,為同學日後留港或到外地升學、投身旅遊及節目管理行業奠下穩固基礎。
兩年制嘅課程設計涵蓋廣泛知識,旨在教授同學初級行政管理嘅基礎技能外,亦著重教授旅遊及款待相關行業嘅專門知識,以培訓初級管理人才為目標。課程設計多元化,鼓勵同學掌握唔同嘅基礎技巧,為將來升學或就業做好準備。
課程特點:書院將安排以上課程同學進行為期三至六個月嘅實習,汲取實際工作經驗,例如香港四季酒店、香港半島酒店、香港迪士尼樂園及海洋公園等等。書院因應各科教學需要,安排具經驗嘅業界代表主講講座、或帶領同學到唔同嘅大型活動、特別節目、會議及展覽項目進行實地考察,讓同學汲取各方面經驗,掌握籌劃大型節目嘅技巧。
升學前景*:
  • 香港理工大學酒店及旅遊管理(榮譽)理學士組合課程
  • 香港理工大學航空營運及系統學(榮譽)理學士
  • 香港中文大學旅遊及房地產工商管理學士
  • 香港浸會大學傳理學學士(榮譽)(公關及廣告)

體育及康樂

以上兩個課程同樣著重培訓未來嘅體育及康樂管理人才,集中培訓體育項目管理、體育機構客戶服務及人力資源管理、康樂體育及科技、體育及康樂市場學、康體設施管理、戶外歷奇及項目計劃與推廣等人才。
課程特點:同學會喺唔同體育及康樂機構,例如康文署、體育總會等進行不少於240小時嘅實習,亦有機會擔任本地大型康樂及體育項目義工,親身體驗業內嘅運作,為日後喺康樂及體育管理行業工作做好準備,如香港國際七人欖球賽。
升學前景*:
  • 香港中文大學理學士(運動科學與健康教育)
  • 香港浸會大學體育及康樂管理文學士(榮譽)
  • 香港理工大學物理治療學(榮譽)理學士
  • 香港教育大學體育教育榮譽學士
另外,課程學生可獲英國紐卡素諾森比亞大學(University of Northumbria at Newcastle)有條件取錄^,在港完成為期一年半嘅體育管理(榮譽)理學士課程或運動教練學(榮譽)理學士
^學生須符合高級文憑課程畢業要求,及成功通過學位課程的升學面試。

會計學

會計學高級文憑為兩年制課程,同學於第一學年修讀涵蓋通用技能及專業商業學單元嘅共同核心課程。課程設計除咗提供語文訓練及通識教育外,更讓同學對各個商業範疇,如財務會計、審計、稅務及經濟等有全面嘅認識。此安排能夠令學生了解自己嘅興趣同專長,以便喺第二學年選擇修讀以上其中一個主題,進一步增強對該主題相關範疇嘅認識。
課程特點:課程受各商界機構支持嘅專業會計團體所認可,如ACCA、HKICPA、AIA 及CIMA等,完成此課程後能獲得其專業考試不同程度嘅考卷豁免。
升學前景*:
  • 香港大學工商管理學學士(會計及財務)
  • 香港科技大學工商管理學士
  • 香港理工大學航空、航運及供應鏈管理(榮譽)工商管理學士組合課程
  • 香港理工大學會計學(榮譽)工商管理學士


商業管理學

商業管理學高級文憑為全面而多元化嘅兩年制商學課程,同學於第一年課程修讀涵蓋通用技能及專業商業學單元嘅共同核心課程。課程設計除咗提供語文訓練及通識教育外,更讓同學對各個商業範疇,如會計、經濟、財務、市場學、統計學及商業法律等有全面嘅認識。呢個安排能夠令學生了解自己嘅興趣同專長,以便於二年級時選擇修讀以上其中一個專修主題,進一步增強對該主題相關範疇嘅認識。
課程特點:課程受各商界機構支持嘅專業會計團體所認可,如ACCA及CIMA等,完成此課程後能獲得其專業考試不同程度嘅考卷豁免。
升學前景*:
  • 香港大學文學士
  • 香港大學經濟金融學學士
  • 香港科技大學工商管理學士
  • 香港城市大學工商管理學士(環球營運管理)

資訊科技

新興智能科技嘅出現,急促地重新定義全球嘅商業同社會發展。本課程回應香港對科技人才日益增長嘅需求,提供資訊科技和應用程式開發技能嘅基礎訓練,為學生投身資訊科技行業做好準備。課程涵蓋人工智能(AI)、雲端計算、數據庫管理及分析,以及電腦編程語言等主題,讓學生掌握業界最新發展趨勢。學生成功修畢課程,將由香港大學專業進修學院保良局何鴻燊社區書院頒授副學位。
課程特點:學生可報考Amazon Web Services 認證,並獲書院全數資助考試費用。而且課程還提供實習機會,令學生從中學習恰當嘅工作態度及實用技巧。
升學前景#
  • 香港大學文理學士(應用人工智能)
  • 香港大學工學學士(計算機科學)
  • 香港中文大學人工智能:系統與科技工學士
  • 香港理工大學電子計算及人工智能(榮譽)理學士組合課程

測量

本課程為有志投身測量及物業管理專業嘅同學提供全面專業訓練,課程內容涵蓋層面廣泛,包括測量(主修產業測量、物業設施管理測量)及物業管理兩大專業範疇。畢業生可按自己嘅興趣,選擇於測量或物業管理專業發展,並繼續進修以考取相關專業資格。
同學可到相關機構實習,擴闊視野,累積實際工作經驗,為加入測量及物業管理專業做好準備。目前,本課程學生正獲得幾間具規模嘅相關機構提供實習機會。
課程特點:畢業生符合申請成為英國皇家特許測量師學會(RICS)技術級別會員嘅學術要求。
升學前景*:
  • 香港大學理學士(測量學)
  • 香港中文大學全球研究社會科學學士
  • 香港理工大學地產及建設測量學(榮譽)理學士
  • 香港城市大學工學士(材料科學及工程)

Asso 副學士課程

應用社會科學

應用社會科學係一個喺香港蓬勃發展嘅學科範疇,為有志深入了解社會運作、解決現實問題嘅學生提供寶貴嘅學習機會。HPSHCC為此提供多個課程俾學生選擇,涵蓋「傳理、公關及新聞」、「刑事司法及執法」、「心理學」以及「青年與社會服務」四個專業方向。

需知道傳理一直係香港學生嘅熱門選擇,此亦反映行業正處於蓬勃發展。隨住社交媒體同數碼媒體崛起,對於具有傳媒專業知識同技能嘅專業人士需求將越嚟越高。從傳播策略到新聞報導,課程提供咗專業知識同實踐技巧,等學生能夠喺媒體行業中迅速融入並發展,又或者銜接大學嘅傳理學課程繼續進修。
升學前景*:
  • 香港大學新聞學學士
  • 香港大學社會科學學士
  • 香港中文大學新聞與傳播社會科學學士
  • 香港浸會大學傳理學學士(榮譽)(新聞與數碼媒體)

隨住社會不斷變遷同法律環境嘅複雜性增加,行業正物色一班具有刑事司法同執法知識嘅專業人士維持良性發展。本課程係全港首個刑事司法及執法嘅全日制副學士課程,為有志喺刑事司法及執法行業方面取得專上學歷嘅中學畢業生而設,發展學生於行業嘅學術潛力同專業志向。
升學前景*:
  • 香港大學社會科學學士
  • 香港理工大學應用社會科學(榮譽)文學士組合課程 (社會工作 / 社會政策及社會創業)
  • 香港城市大學社會科學學士(犯罪學及社會學)
  • 香港城市大學社會科學學士(公共政策與政治)

對於心理健康同福祉嘅關注不斷增加,「心理學」無疑係其中一個潛在渴求專業人士嘅行業。課程提供咗對於心理學理論、研究方法同應用嘅全面培訓,涵蓋實用嘅心理學知識,令畢業生能夠喺心理學領域中發揮重要作用,為個人同社會健康做出貢獻。
升學前景*:
  • 香港大學社會科學學士
  • 香港中文大學全球研究社會科學學士
  • 香港城市大學社會科學學士(心理學)
  • 香港理工大學應用社會科學(榮譽)文學士組合課程 (社會工作 / 社會政策及社會創業)

為應付人口老化、人口增長及青少年成長問題,「青年與社會服務」係現今香港政府及社會環境最關注嘅一環,希望能夠藉培育年青人擁有相關專業技能,以增強社會公益同社會福利嘅效度。課程提供咗對於青年發展、社會工作同社區服務嘅專業培訓,學生能夠學習點樣同唔同背景嘅人群合作,推動社會變革同改善社區環境。
升學前景*:
  • 香港大學社會工作學學士
  • 香港中文大學社會工作社會科學學士
  • 香港城市大學社會科學學士(公共政策與政治)
  • 香港城市大學社會科學學士(社會工作)
*以上為本課程畢業生/ 學生曾獲取錄的學位課程
#以上只提供部分升學例子以作參考

書院支援及活動

由於升學途徑繁多,同學需要充足嘅資訊及準備,先可以作出明智嘅決定。所以書院為學生提供唔同種類嘅本地及海外升學講座、IELTS國際英語考試資訊講座、個人升學諮詢等活動,提升同學嘅競爭力。而為咗增加同學對大學面試嘅準備同信心,書院更提供面試技巧工作坊、模擬面試等活動。

本地和海外實習

此外,學生發展資源中心亦為同學協調並提供於本地及海外實習嘅機會,以提升同學喺職場上嘅通用技能及個人能力。歡迎同學申請及參與由政府、保良局以及內地或海外機構所提供嘅暑期實習。以上嘅活動希望能引導同學,讓有意投身職場嘅同學發展其事業。

常見問題

Q: 乜嘢係副學位課程?
副學位課程包括副學士及高級文憑課程,為中學畢業生提供一項既全面又符合社會需求嘅進修課程,為佢哋繼續升學或就業做好充分嘅準備。學歷方面,副學士同高級文憑課程嘅資格大致相等於四年制大學學位課程(北美學制)嘅二分之一,或三年制大學學位課程(英國學制)嘅三分之一,最低入學要求為DSE成績22222(4個核心科目 + 1個選修科目)。
Q: 港大保良何鴻燊社區書院頒發嘅學歷具有資歷認證嗎?
港大保良何鴻燊社區書院(HPSHCC)通過香港學術及職業資歷評審局(簡稱評審局)嘅審核,成為具有頒授副學位資格嘅專上學院。書院副學士及高級文憑課程均達資歷架構第四級別,並已上載於資歷名冊(www.hkqr.gov.hk)。學生畢業後可以選擇繼續升讀本地或海外大學課程,或投身社會發揮一己之長。
Q: 書院嘅教學語言係乜?
除咗中文堂同以中華文化為主題嘅課堂,其他課堂均以英語作教學同評估嘅語言。
Q: 書院採用乜教學模式?
書院按唔同課程嘅需要,採用多元嘅教學方法,例如:面授、實驗室教學、實踐學習、參觀企業、專題講座、研習坊、訓練營等。書院仲會透過唔同嘅網上學習平台(如:SOUL、模擬教室、Zoom)進行教學活動。
Q: 每學年有幾多個學期?
每學年共有兩個學期。每個學期約十五週,第一學期通常為九月至十二月,第二學期為一月至四 / 五月,而學期考試則為期約兩至三星期。
Q: 每星期嘅上堂時數係幾多?
學生一般每星期上堂十五小時。個別同學上堂時間須視乎所修讀科目而訂。所有課堂均喺星期一至五(上午九點至下午六點)及星期六(上午九點至下午一點)進行。需要時,部份課程將安排喺星期日上堂。當學生冇堂嗰陣,可自行離開書院。
Q: 課程嘅修業年期係咪有限制?
基礎專上教育文憑課程一般修業年期係一年,副學士 / 高級文憑課程一般修業年期係兩年。若學生有特別原因要求延長修業年期,書院將按個別情況給予考慮。
Q: 書院係咪設有學科豁免機制?
如學生可以證明自己因特殊情況而未能修讀某學科,經校方批准後,學生就可以修讀其他科目代替,例如學生母語並非華語,或未達校方認可嘅中文水平,可申請免修中文科目,校方會指派其他科目代替。
Q: 如果成績唔理想,學生係咪需要重讀整個課程或只須重讀唔合格嘅科目?
學生須重讀個別唔合格嘅科目。但若學生喺一學年內取得少於二十一學分,就唔可以繼續喺本書院就讀。如學生需要喺正常修業期間以外重讀科目,必須按修讀科目嘅多寡另繳費用。
Q: 點樣評估學生嘅成績?
書院採用持續性評估及考試作為全面評核機制。持續性評估以唔同形式,如日常課堂習作、測驗及小組匯報評核學生喺整個學年嘅表現,以減輕考試對同學所造成嘅壓力。
Q: 副學士/高級文憑課程嘅基本畢業要求係乜?
一)修畢註冊課程大綱內一年級及二年級所列出嘅科目,並取得至少60個學分(即240個資歷學分)(法律行政人員高級文憑課程需取得至少66個學分,即264個資歷學分);
二)累積平均積分點達1.7或以上;
三)所有英語必修科達C-或以上;及
四)於科目「CCSA8004 – 中國大陸及香港的發展與國安法」中取得合格成績。
*除上述基本畢業要求外,修讀個別課程嘅學生需完成特定要求先可以畢業,詳情請查閱學生手冊。
Q: 學生除咗可以使用校內設施外,仲有冇其他特別地方可以使用?
港大保良何鴻燊社區書院所有學生都可以使用香港大學嘅圖書館。另外,仲可以申請南華體育會嘅會員證使用佢哋健身設施。
Q: 書院有冇提供獎學金?
書院設有不同類別嘅獎學金,包括新生入學獎學金、學術卓越獎學金、助學金等等。
Q: 可唔可以申請政府資助?
學生可以透過政府相關網站申請專上學生資助計劃、專上學生免入息審查貸款計劃、擴展的免入息審查貸款計劃及持續進修基金等等。
希望以上資料能讓同學仔對 HPSHCC 10大專業範疇課程及出路有更深刻嘅了解,如果想查閱更多資訊,歡迎瀏覽【HPSHCC 官方網頁】
免費 DSE 電子報
定期為 30,000+ 中學生送上實用 DSE 資訊和資源
AfterSchool

AfterSchool

AfterSchool 是一個針對DSE而設的網上補習平台,課程涵蓋多個 DSE 科目,讓同學足不出戶就可以享有優質教學。註冊用戶人達 50,000 人,當中超過四分之一學生為應屆文憑試考生,是全港最大型網上補習平台。