提唔起勁溫書？你只差一樣嘢

明知大考就嚟開始，但偏偏提唔起勁溫書，成個人好似失去咗動力咁，咩都唔想做，成個人懶洋洋？其實萬事俱備，只欠東風，想知道你欠嘅「東風」究竟係乜就繼續睇埋落去啦！

 

欠缺動力溫書點算？

呢啲現象歸根究底都係你未搵到你努力嘅原因、初衷。

有一本書《Start with Why》嘅作者曾經提過人類做每一個動作都應該 “Start with WHY, follow by HOW & WHAT”。只要你搵到自己嘅目標，知道自己要走嘅路向，你自然就會諗到點行動！！！

 

Start with WHY

即係你應該要先諗清楚你嘅 "WHY"，你到底有咩目標，係未來想做到啲咩，你嘅終點係咩？ 

 

Follow by HOW & WHAT

當你搞清楚自己嘅 "WHY" 之後，你就可以去諗下你要做啲咩 (WHAT) 同點樣做 (HOW) 先可以去達成你嘅目標 (WHY)。

例子—我要做律師！

1. WHY : 成為一個正義律師去幫助有需要嘅人

2. HOW : 考好 DSE，入港大讀 Law，學習法律知識！

3. WHAT : 每日堅持溫習 3 粒鐘，目標 Best 6 36分！

 

當你諗清楚你嘅 "WHY" 之後，你讀書/考 DSE 唔單單係為咗一張成績表咁簡單，你會清楚明白 DSE 只係其中一塊帶你到終點嘅踏腳石。自自然然溫習果陣你就會更有衝勁，因為你知道你每溫多一分鐘，都代表住你離你嘅目標越嚟越近。

未有動力？只係你未揾到你嘅 "WHY"

有動力但係欠缺能力？

AfterSchool嘅Online Course幫到你！

有動力但係溫書嘅時候都仲係好眼訓？！唔緊要但小編教你點樣 HACK YOUR BODY啦!