Winter Sir 自從取得化學哲學碩士MPhil 之後，便加入教育行列。在一所英文中學任教了超過二十年。任化學科科主任亦超過十年。曾任公開考試閲卷員。
但......因為教得太耐，越教越覺得悶，越冇動力！不安於現狀嘅我，決定响五年前，開始拍以動畫形式進行嘅教學片。懶係雄心壯志，誓要將整個DSE 課程拍成動畫放上 YouTube，可以俾學生隨時隨地睇。經過幾年嘅努力，我所設立嘅 YouTube Channel chemchemday 訂閱人數已經超越4300。所拍嘅短片亦超過666 條。
近年接觸咗翻轉教學 flipped learning 之後，更加成為 flipped learning 嘅狂熱份子，燃燒返我對教育嘅熱誠，唔想再做教育界嘅老海鮮！希望可以將翻轉教學呢一種教學模式推廣到其他學校。