測驗前教你用15分鐘升一個Grade!

Ronald
Ronald 2019年10月10日
用15分鐘去升一個grade不是夢!DSE想要5**?首先由規劃開始!一齊加油!一齊升grade啦!

大家成日都去搵一啲高效嘅記憶法,點可以錯過今次嘅高效升Grade法呢!!


史丹福大學研究生Patricia係一班同學考試嘅前十日,隨機抽取半班學生,只係提佢哋記得溫書。另一半學生則被邀請去接受一個15分鐘嘅問卷週查,問題內容包括:

  • 你係呢個考試入面想拎幾多分?

  • 你覺得你拎到呢個分數嘅可能性有幾大?

  • 你覺得呢個考試會有咩類型嘅題目?

  • 列出所有你可以用嘅學習資源。

  • 根據上面提過嘅每一種資源,寫低佢哋有咩用、你可以點樣去用佢、再計劃一個完整既study plan。


😨嚇死人嘅研究結果

Patricia嘅實驗結果令人嘆為觀止,有參與問卷調查嘅學生,對比只收到溫習提示嘅學生,平均成績高出10分 – 15分!究竟點解一份問卷,就可以拉高半班嘅成績?


後設認知 (Metacognition)

後設認知—係一種思考模式,一種「思考如何學習」嘅方法。Patricia透過問卷形式,引導學生了解自己嘅能力同目標,繼而進一步思考考試模式、題型等資料,再列出所有可行嘅學習方案。藉由問卷嘅引導,學生能夠從中思考點樣可以學習得更好,為自己定立目標、方法同策略,從而提升學習效率,而唔係隨隨便便拎起本書就溫。


其實坊間有好多類似嘅研究,均得出相似嘅結果。總括黎講就係透過「設立目標」、「思考如何完成目標」以及「製定study plan」呢三個簡單嘅步驟就能助你提升學習表現。你唯一要付出嘅就係短短幾分鐘,靜下來去設計出適合你嘅study plan、並執行!


😭我都想試下—Give Away

我哋根據呢個研究,準備咗一個線上工具比你去進行規劃同幫你紀錄哂你平時嘅學習習慣!(入面仲有其他人嘅例子),等你可以透過呢套理論輕鬆提高學習效率同成績!


https://docs.google.com/spreadsheets/d/1Sr9zo0zZfiq69s5CSkS_lXvw2aiG5lckPz4jp3gEZ8k/edit?usp=sharing


最好將此連結以電腦打開,再將此表格以 xlsm 格式下載!


如果想要一本更加Formal又靚仔嘅 Study Planner! 大家都可以click 下面嘅 button!

【2020 DSE Mock Exam】你唯一需要嘅模擬試

現正開放早鳥報名,快啲嚟【呢度】睇下詳情喇!